{Day 2︰April 12, 2017 (WED)}
岡山駅⇨倉敷駅(山陽本線17min)⇨倉敷美観地区⇨岡山駅ð姫路駅(新幹線20min)⇨LiveMax Hotel Himeji
睡好了又出發,今天天氣很好放低行李在酒店食完早餐出發到倉敷。
先check-out,寄存行李喺酒店就行返去岡山駅坐車到今日第一個景點；因為晚上要轉另一地方所以無安排太多行程,輕輕鬆鬆的…
我幾鍾意呢個站,外面影好靚
由岡山駅到倉敷駅只需17min
@ 09:30 到日本玩不時有驚喜,到達倉敷駅剛好站長在推廣這個地方昊昊B收到了一個襟章而且機械人Pepper咁岩當值,昊昊B一直同Pepper玩唔願走。
倉敷給我第一個感覺就好似去咗個古色古香的地方但帶點藝術氣息。倉敷美観地区離駅站不遠,步行約5min.
倉敷美観地区
地址︰倉敷市阿知2-23-18
走入大街已見到大大小小不同的櫻花樹,數量需然不多但沿住河邊都有,好靚… 可能2013年曾經為咗賞櫻到了Osaka而賞唔到,今次沒計劃下反而睇到櫻花,只得幾棵樹我都已經心滿意足!!
倉敷沿河的房子都是江戶明治時代做成的宅邸和土牆倉房等傳統的建築物,現在改變賣手工藝及小食。想坐坐船/舟可以到倉敷故事館臨時觀光諮詢處問問收費及詳情,不是日日都可以坐的。
沿住河邊仲有街邊小賣
我地只係沿河邊走走,無行太多地方就回程對小朋友黎講呢到無野好睇,但不經不覺都行了2hrs.是時候搵野食。
臨走前去咗呢間手信店買零食,因為呢到有種手信我去咁多次日本都未見過
就係呢隻「牡蛎煎餅」(即係蠔餅),超超超級好食。¥120/pc
旁邊仲有雪糕食...小朋友最開心
@11:45 午餐爸爸極力推薦去食「岡山第一名拉麵」，到底呢間拉麵有什麼特別呢?? 唔講食物,只係店舖門面我已經好鍾意…好有feel。
不在大街或大商場裡,在一條行仔交叉口位置,如果唔打開門都睇唔出是拉麵店。可能因為在美景區近,門面古老得黎入面又好簡潔新潮。
小豆島ラーメン
地址︰〒710-0055 岡山県倉敷市阿知2丁目23-6
營業時間︰11:00 ~ 19:00
電話︰086-441-9002
未夠12點黎到都要等位,因呢間分店只得11 個坐位,使用小豆島醬油特製的醬油拉麵係呢間拉麵店的特色。
都唔記得叫咗邊款,但其中一個係"期間限定"
連汔水機都好特別...叫昊昊B整個chock post先
食飽了最好就係行下街幫助消化,倉敷駅旁有個大shopping
mall。
Ario倉敷
電話︰086-434-1111
營業時間︰9:00～21:00（餐廳11:00～22:00）
地址︰岡山県倉敷市寿町12番2号
黎呢到主要想去Can-do ¥100店買野同埋打發下時間。估唔到mall外面有個kids area,地面會噴水&樹屋俾小朋友玩。如果有時間仲可以去埋旁邊的Mitsui
Outlet 。
@16:00行街就係唔知時間,要返岡山攞行李去下一個目的地姫路駅。一來一回攞埋行李買埋我最愛小食就上車出發了~
真係好like呢間店的waffle,車未黎昊昊B已經等唔切要食先~
@20:32 到達,在車站附近食埋晚飯到酒店check-in已經9點半有多啦…好攰
呢間酒店需然唔靚,但勝在夠平同埋房間相對比較下大好多(真心大好多,放咗兩個大行李箱仲有好多位行)…只係訓一晚無乜所謂啦!
又係喺日本第一次見要用按號碼的門鎖
明天係全個旅程最最最重要的一天!! 請大家期待一下吧~~😜
