唔知各位朋友有冇得覺「香港」特別多狐男&女既呢??
又唔知各位朋友有冇覺得「香港」特別少止汗/香體產品呢??
呢個問題,我返左黎香港呢幾年都一直咁問....但都係得唔到答案!!不過,呢幾年,我見香港開始有進展啦....呢d同止汗/香體產品(以下叫佢做deodorant)既廣告愈來愈多&common,相應地產品就愈來愈多啦!!
但到底「香港人」對要用呢d產品既認知又有幾多呢??我諗唔駛我講,大家用個鼻都聞到....由其o係夏天!!
唉....我係呢到,只可以講句....待時間令佢地改變啦!!
係外國,deodorant係一d非常非常common既野~~就好似搽cream咁,一沖完澡就會用or出街前會用!!而當你去到外國既各大商店,都不難發現deodorant既產品係可以多到獨佔一個column(就好似買罐頭咁,有自己既column).所以,係外國(除左因為地方大d同埋空氣乾爽d)你好少好少聞到佢地有狐臭既,又稱「狐仙」。
所以當我返到香港,見到身邊咁多親友有如此問題....我都買左不少呢d產品俾佢地用....但可能佢地自己已經習慣左身體呢陣""香氣"".....完全唔接受要用呢d deodorant既產品,唉!!
講返轉頭,點解我會講呢個topic呢??
一來,我真係好想好想舒發一下對呢方面既感受!!
二來,我見靚靚煮飯婆咁岩介紹一隻止汗水晶,本人試過都覺得好用,好想推介俾大家,所以就出post囉!!
先講講本人對deodorant既要求先; (1)止汗,(2)止臭,(3)long lasting
呢3樣野都好緊要,但係咪缺一就唔好呢??咁又未必....要視乎各位實際問題而定!
咁又講下我本身係咪一位「狐仙」呢??咁又未止於....真係唔怕同大家講,我只係一位「小小狐仙」!!加上我有一個嗅覺極靈敏既鼻,所以我對自己會唔會「臭」到人既要求十分十分嚴格!!
要從此"同臭狐講bye bye",你要做d乜呢??
女仔:一定,一定,要脫毛!!留意呀,不是shave(剃毛)呀~~係脫,可以用手/口(講笑姐);可以用wax;總之一定要係連根拔起!!
男仔:咁男仔好多都唔會脫毛啦....咁就要注意一下自己既清潔喇!!好似行街or打完波,如果出左好多汗,又冇機會沖澡呢...就用一d有消毒成份既濕紙巾,清潔"格啦de"(姐係armpit啦),然後再用deodorant(見唔見我用左個"左"子呢,咁就緊係啦!!出街前應要先搽/噴一次deodorant)!!
現在介紹一下我係屋企現有既deodorant產品先!!
係咪好多都好似冇係「香港」市面見過呢??緊係啦,因為好多都係我o係外國買返黎既!!
[由左至右:女Rexona roll-on (HK買), 女Lady Speed Stick roll-on, 男AXE Gel, 男AXE Normal, 男AXE Spray (以上全部Canada買), 男AXE Spray (日本買), 男CK be Gel (泰國duty fee買,HK亦有售)]
介紹下邊支好用先~~
女仔用既兩支都係roll-on,咁乜野係roll-on呢??最主要係指一d liquefy(流質)既野!
女:*a* Rexona roll-on 乎合(1)止汗(2)止臭
算乾得快,同埋用完又唔會白色一dat咁,所以用完後立即著衫都冇問題!!但本人就覺得佢唔算(3)long lasting,如夏天我半日都係街,只用到半日左右就開始止唔到汗&臭!!
*b* Lady Speed Stick roll-on 乎合(1)止汗(2)止臭
比起Rexona,乾得慢少少,而且又會用完有少少白色粉末係armpit,所以用呢隻野最忌著深色衫!!而(3)long lasting方面,我覺得都係只屬一般,但效Rexona好一點!!
男仔用果幾支最主要分別係;GEL=少少透明,好似硬左既jello,比較黏;NORMAL=主要係白色,好似香皂咁,比較乾身;SPRAY=呢d唔駛講就知係乜啦!!
男:*a* AXE Gel "後補....測試中"
*b* AXE Normal 乎合(1)止汗(2)止臭(3)long lasting
唔駛講太多~~~味香,又好用!!仲要夠持久麻....
*c* AXE Spray (Canada買), AXE Spray (日本買) 乎合(2)止臭(3)long lasting
兩支都差唔多只係味道不同,但就唔係好止汗~~對一d唔係太大汗但好想止臭既男士黎講,算ok架!! 而且用左spray唔駛再用古龍水,已經夠晒香!! 我honhon用左一日,有出汗都仲聞到少少spray既味~~
*d* CK be Gel 乎合(1)止汗(2)止臭(3)long lasting
呢支野係我無意中買既....送左俾wen哥用!!佢話呢支野好香(我都覺得係),同埋用左全日都仲keep到香味,armpit又唔會太多汗同臭~~但唯一問題係有d黏,所似好似honhon咁唔鍾意黏既感覺既男士們,唔好買啦!!同埋價格偏貴,要$1xx一支....
終於到戲玉啦!!
呢支就係靚靚煮飯婆介紹既Deodorant Crystal(止汗水晶)!!冇錯呀,係水晶呀....係咪同上面我介紹既好唔同呢??
水晶都止到汗??係!!但我都唔係太明白點解既....
話說我小學果時就已經知道有「止汗水晶」既存在,但試過用一兩次覺得效果唔得,從此再見到呢d野既時候,都唔會買黎用!!
直到blogger介紹,心郁郁又想試下....咪買支黎用啦!!
男/女適合:Naturally Frash Crystal 乎合(1)止汗(2)止臭(3)long lasting
但呢支野係冇味既....所以唔好expect用左會香!!但佢既止汗,止臭同long lasting指度係超高!!好過晒之前介紹既~~不過用既時候有d麻煩,要濕左少少個水晶先好搽係armpit到,如果乾曾曾咁搽,只會整痛/損個armpit,而且發揮唔到功效!!同埋,濕濕地搽左係armpit到之後,一定要等個armpit乾晒先著衫....如果唔係,著衫果時可能會擦走一d,咁果日就會冇咁long lasting架啦!!
幾過呢幾日咁熱既天氣我都一直用佢,出街出左成日仲要勁出汗都冇臭...我覺得呢支野真係掂!!估佢唔到~~
但如果點都想個"格格"香香地呢,就可以再用埋個deodorant spray,咁就一定「狐仙」變「天仙」啦!!
以上都只係本人對狐臭既一d方法,係咪人人都work??咁就真係要視乎實際問題而定啦!
寫左我成兩個鐘先寫完....希望我既資料幫到大家啦!!