上星期貪得意,同honhon兩個去左沙角村食大排檔~~
因為成日聽d人話果到d野好食,而打邊邊同小炒都出名,搞到一向三心兩意既我去到決定唔到食乜好啦~~~
最後諗諗下,兩個人不如都係叫返d小炒試下先(因為怕果到d邊邊唔衛生),最後我地揀左去好多網友都推介既金沙角大排檔開餐。
以下就係我地點左既菜:
好普通既翠瓜炒鮮魷
honhon話要食飯喎,咪叫左個排骨臘腸煲仔飯(本人覺得廟街好食好多)
呢味菜係我見d網友話好好食先叫(墨魚脆脆波),
但可能當晚炸得太燶,我覺得只屬一般
最後我口痕咁叫多左碟墨魚咀,飽到我地死死下
講真丫,唔知係咪我地唔識叫定係叫錯餸~~~叫左四碟野,真係冇一碟令我覺得回味無窮同有種食唔停口既感覺囉!樣樣都係普普通通,如果係咁我覺得我唔駛去到沙角村先食~~
不過有時d野,就係自己唔食過都唔知係咪好似其他人講得咁好~~需然佢d小炒一般,但我諗都會再黎試下佢既邊邊,因為價錢勁吸引~~人頭計只係$58一位,湯底另加$48,係自坐形式既,自己鍾意食乜夾乜!
金沙角大排檔／地址：沙田沙角村熟食中心6號亭／Ｔｅｌ：2647 0902
上星期日,終於再次見返佢~~講真,未見佢之前,我好多朋友都問我,而加同男朋友好地地,做乜仲要見返佢~~其實我又唔係咁介意見返面,因為我覺得見返佢先知自己係咪真真正正放得低。
需然咁多人反對,但我仍然堅持己見,而我亦都好滿意自己既決定!!
琴日約左一齊打波~~開頭見到佢,都唔敢同佢講d乜(加上俾佢個頭嚇親),有少少embarrass~~但開始左打波之後,氣紛開始緩和,之後都會傾下計同望下佢~~最後發現我開頭所顧慮既事,其實係多餘既~~~我對佢已經冇乜特別既感覺lu,只係覺得如果佢用加下呢個look去溝女,我覺得唔掂囉!!
唔知係咪分開左先睇到對方好/差既一面,或係因為我唔再鍾意佢所以之前覺得美好既野都變得普通;我見返佢之後諗,到底以前佢有邊方面吸引到我呢?點解我會鍾意呢個人架~~~
講到尾,我知我可以講~~~「我已經放低左佢,我唔再鍾意佢啦!!」
唔知各位女生有冇好似我咁"魚"既經歷呢??
以前細個就話唔識姐,冇諗過到加下我都仲係咁"論盡"。
記得有好幾次我都係朋友面前"出事"~~其實我都唔明點解係得我會咁,我身邊既朋友仔都未試過咁既!
話說只從我同ex散左之後,身邊出現左好幾個男仔~~而其中一個係髮型師!佢幾靚仔架,我都諗會唔會同佢有機~~有一次,佢就單獨約我去睇戲,果日係"好朋友"黎既第二日,我都知要多d去洗手間check住check住架啦~~~唉,但人算不如天算~~我同佢睇戲時流量開始不段增加...到我地睇完戲,食飯之際....出事啦(仲要搞到人地張櫈有tat野
...勁唔好意思)
之後我點都要同個男仔講啦,唔係點起身走人呀~~好彩,對方屋企係有女人既,姐係對呢方面既問題都睇諒得到~~佢就好好人咁借左自己件大褸俾我遮住,到我去洗手間清理好先俾返佢! (但其實已經覺得自己"魚"到爆~~~)
從此以後,我再唔敢約髮型師出街~~
我們冷戰左兩日～～今天，他終於send左個sms～～～冇講點解會唔打俾我，冇講點解會冇sms我，乜都冇講～～只係問我仲係咪去打波．．．我唔知點答佢好！
呢兩日，我覺得很漫長～～好似過左好耐咁～～真係唔鍾意呢種感覺
但我又係咪可以當無事發生一樣，同佢去街同佢打波呢？煩．．．
被Tag中．．．
被點到名字的請在自己的空間日記裏寫下自己的答案,
然後去掉一個你最不喜歡的問題...
再加上一個你自己的問題,組成8個問題,
傳給其他8個人,列出其他8個需要回答問題的人的名字...
還要到這8個人的空間留言通知對方--->"你被點名了"...
被點名者不得拒絕回答問題喔~!!
這8個人要在自己的空間裏注明是從哪裡接到的,
並且按上述要求傳給其他8個人,
讓遊戲繼續,不得回傳~!!
Q1. 你最愛是誰?
ans: 我hon hon
Q2. 你對老夫老妻有怎樣的憧憬?
ans: 一頭白髮既老人家仲會手拖手去公園
Q3. 你有錢會身痕(sex方面)嗎?
ans: 唔會！
Q4. 對結婚既睇法?
ans: 冇睇法～～有得結先算啦！
Q5. 你有無同過唔鐘意ge人發生過不尋常的行為(拖手,kiss ,sex...)嗎?
ans: 冇！唔會迫自己做ｄ唔鍾意既野～～
Q6. 你是否認為一對情侶 / 夫婦間可以做到完全沒有秘密？
ans: 無可能
Q7. 妳在床上對伴侶所做最後悔的一件事?
ans: 放左個屁～～～（講笑）未試過，唔知！
Q8. 如果結左婚先知伴侶唔得（sex方面），你會點做？
ans: 我會出去偷食～～（講笑）一係帶佢去醫，再唔係就降自己要求盡量配合佢
又到點人名時間啦～～～我冇乜朋友，真係唔知點邊個好～～～就揀死狗正，小南妹．．．．同marklaw吧！！被我點中的，不好意思了～～
唔知大家會唔會好似我咁，鍾意睇鬼片但又要驚呢？？我唔係講睇果時驚喎，係睇完都仲好驚～～驚好耐～～可能要幾日後先唔驚，但有時又會忽然記起～～之後又再驚過？
仲有，剛睇完鬼片的頭幾日仲會有以下既情況出現～～
（估唔到有人同我一樣的，引用：http://www.wretch.cc/blog/cwwany&article_id=7940848）
其實除左洗頭時唔敢閉眼睛，仲有"烏"低頭係洗手盆洗面都唔敢閉眼睛，如果當日咁唔好彩化左眼妝，我會用９秒９既速度去洗臉。
所以家人男友最後都係叫我唔好睇鬼片好了～～～
呢期我好"迷"這位台灣女畫家（叫SANA）～～見佢有個教人整義大利麵，我覺得好得意，就post上黎同大家share～～（特別係佢個ingredient list，勁可愛）
除小馬外，我就鍾意ｓａｎａ啦～～
呢期興講返ｄ舊野～～（其實係我咁耐都未ｌｏａｄ相，搞到宜家先講）
其實係我想寫返底今年生日做過ｄ乜姐～～
好搞笑，因為佢唔想上鏡，為有咁啦～～（佢個超係獨一無二架～～係咪好靚呢！）
因為遲左起身，我地又諗唔到去邊好～～就走左去沙田UCC Coffee到試下佢地個Tea Set！！ｄ野食就冇乜特別，但佢個coffee就真係好好飲！！
其實之後我地都係冇乜野好做，又唔想去太遠～～但話晒都係第一年同我過生日丫，點都要搞返ｄ野既。所以我地決定玩煮飯仔！！
全部都係佢整架～～其實好簡單之麻～～不過佢一反心意，我係咪都話好食囉！等佢再煮多ｄ我食麻～～
主角出場ｌｕ～～呢個係哥哥同女友買俾我既birthday cheesecake，講真～～佢地真係得個買字，係問返我男友攞返錢架，唔係夾錢送架！！Cheap得佢地丫～～
不過我唔同佢計，事關我要求今年既生日禮物係手提電話，佢地要夾幾多架～～蛋糕呢少少錢～～算啦
需然今年生日，係無無聊聊咁過～～會相比上一年，係生日前一個月俾人飛左，得返哥哥同朋友同我過～～今年我已經賺左架啦！
少左份禮物，多左個男友～～
