姨媽遲到....

之前都講過啦，我婚期已經迫近但我仲要去轉加拿大參加好朋友既wedding + 做伴娘~~

所以我要o係8月呢一個月內，不單只要做好自己結婚前既準備，仲要prepare埋去好朋友wedding要用要買既東西。

可能你地會諗，去做伴娘，帶個人去咪ok囉~~

其實唔係架。

首先，因為我係伴娘原固，所以婚禮果日我要當眾對住新娘子講野~~但我真係好唔慣o係咁多人面前講野呀....所以我promise左新娘子，我會做一個好似"成長片段"既slide show黎表達我想對佢講既野!!但我真係冇諗過，做個slide係咁難既~~~用左我好多時間去做....

加上可能係我貪靚啦，我覺得我去得做伴娘總唔可以甲又唔修、髮又唔剪咁去囉~~所以我呢排都要搵一兩日幫自己執執個樣!!

加上我條伴娘裙又貼身喎~~幫我做衫個女仔都提我叫我最好買條用黎修腰既內褲著，咁就唔會見到條底底邊....(但我到加下仲未買到)

好啦，執完自己個樣~~又要執我加拿大d朋友既野~~

佢地果邊好多野都比較缺乏，好似"紅紙杯"&"安瓶"呢d野，佢地就想我幫手買過去!!咁我又要周圍搵或上網bid啦~~

好啦~~再做好埋佢地d野...都輪到自己野啦!!

因為媽咪都有幾多好朋友o係加拿大，所以我過去時點都要攞埋請帖(需然佢地唔會出席，但媽咪話禮貌上都要俾喎)同埋唐餅過去請佢地食!!

為左咁，我又要去攞帖....又要去攞餅....

又咁岩得咁橋~~呢個月尾我要去「富圖視覺」影我第二輯(studio) pre-wedding photos喎。話就話之前影過應該冇乜野要準備啦~~但其實點都要做返d事前功夫囉!!

數下數下~~我真係有900幾樣野要做....好似仲忙過自己結婚之前幾日咁.....想死!!

可能因為咁......10幾年來，一向同我準時報到既「姨媽」遲到了~~~嚇得我呢.....(我唔想影相果日先黎嘛)

好彩，最後都佢黎左~~希望結婚之前唔好又係咁就好啦!!

又癈up完一餐....係時候訓覺!!

Read More

麥田婚紗相。成品篇 + 同場鬧爆麥田後期設計師

由我去影相2009年1月9日，到攞到成品2009年7月25日，足足搞左差不多8個月先搞dim!!

真係唔知係麥田既問題丫，定係我地既後期設計師既問題~~

不過，我真係對我既設計師「張潛」先生十分十分之不滿!!!!!!!!!!!!!!

好彩就話我一早影結婚相，唔急姐~~但都唔係咁慢架麻。

人地其他大陸公司，平均3-4個月就已經可以出成品啦~~

而點解我要鬧爆後期設計師「張潛」呢??因為佢辦事真係超級大意~~

1) 好似一開始揀相咁，email佢for揀好相既file，原來佢一直都冇睇既；係我叫honhon問佢佢先話確定收左~~但已經係幾日後既事!!

2) 執好相之後呢，我同佢提d相既問題，係QQ又傾過，出email又出過，佢都係搞唔dim~~仲成日話可能係我個電腦出色有問題!! (根本就唔關電腦事....)

3) 好啦，到執好相(呢個過程已經including我上去麥田兩次及N咁多次既email)要排版~~問題又再次發生!! (係呢到唔多講，可refer to我之前既post：麥田婚紗相。排版篇)

4) 最後到print成品，本身諗住唔應該再有問題~~點知埋尾都係衰

.....WHICH MAKES ME REALLY WANT TO鬧爆佢!!

我個package係包：

18寸水晶相簿 (x1) - 加$$ order

30寸油畫 (x1) - 落單時指定要細少少既油畫

24寸拉米納 (x1)

12寸水晶畫 (x2)

8寸水晶畫 (x1)

其實成個package大部份既野都齊晒ok~~點知我係email一直不段提佢既30寸油畫出左問題!!果日上到去見到d成品本身勁開心既，但一睇到個油畫框.....係"金色"就知lai野!!

最大獲既係....因為好少人會order30寸呢個size，所以要special order；果條友「張潛」話再訂要一個月先有貨喎~~頂佢個肺丫(xyz&^%$)，姐係我又要再上黎大陸攞啦!!我話我地兩個上黎，來來回回要成$160兩個人喎~~加下係你出錯，你courier俾我地啦...........點知條友話唔得喎!! 頂頂頂頂頂頂頂頂(x10000000000000000000)

真係冇諗過，到最後都係衰收尾~~~

唔經唔覺已經一個月啦~~但條友好似冇晒聲氣咁.....唉，可能又要我打上去嘈佢先得!!真係冇諗過人人都話好既麥田，最終搞到我咁慘~~~

(成品相後補啦~~)

Read More

「為」食到apm

因為緍禮會行church既關係，呢排都忙住搵DIY decoration公司~

其實我諗好多準新娘有睇我個blog，都會發現我好似好早plan左好多野，但「硬」係去到最後都有好多野未做!!

所以搵decoration黎講，我又再一次比其他人遲開始搵....

而今次我去到觀塘搵我既DIY decoration公司；呢間公司叫迦南美地，呢到唔會再多講呢間公司既野!!

去到都7點幾，因為係工廠區所以都搵左一陣先搵到點樣上去!!

上到去，傾埋d package plan，又睇下佢d絲花~~搞搞下都8點幾!!

講真，去左咁多次觀塘都係唔知有乜好食既~~所以最後又係去左apm搵食!!

因為餓得太耐，覺得大家要食好多好多野先得....所以諗諗下就去左食任火鍋放題!!

去左呢間位於4樓既「牛陣」!!

我知honhon超愛食牛，所以就陪佢食啦~~

加上只從日本果個trip之後，我都好耐冇食過日式火鍋~~而日式火鍋同香港火鍋有d乜野唔同呢??

其實最主要係個湯底!!

日本牛肉火鍋湯底多數都係Sukiyaki汁，味道係比較甜既，主配料就一定係跟牛肉；而另一款常見既湯底就係豆漿(又叫豆乳)，主配料就一定係跟豬肉。

上次我o係日本都試過呢兩款火鍋~~咁當然係日本食確係「正統」好多啦~~

但以最平既餐黎計，我覺「牛陣」價錢都算合理，hk$100/位!! 而且佢俾既牛肉，點都靚過平時去食果d任食火鍋既牛肉既!! 如果要係出面食呢款牛肉，要另外俾錢叫的呢~~

需然今次我都係食返最普通Sukiyaki湯底，味道同日本果次食就有d分，可能就返香港人口味，個Sukiyaki湯底係冇咁甜既。

其實我好想試佢其中一個湯底.......「鐵觀音」!!我覺得幾得意....但因為要俾多$20/位，睇錢份上冇叫到啦~~

真係諗唔到，淨食牛肉可以食到超飽~~我同honhon只係食左佢一碟配菜jar~~~

**Related Link**

日本血拼之旅 : Day 4~Part B (scroll到最尾就有我o係日本食既火鍋介紹啦!!)

Read More

又去廣州婚紗街....(主角不是我)

如題~~今次唔係我去呀~~~

今次係我大佬&未來大嫂，加埋爸爸媽媽~~為既都係為左佢地婚禮而去!!

需然係佢地去，但我都遙控我媽咪幫我"立"野返黎。

聽聞果日真係好鬼埶，所以佢地都唔想o係條街到行.....最後又係走左去好百年商場買晒要買既野!!

呢到只係少部份jar~~因為一買就買晒男女家，同埋for我一pair同哥哥一pair~~所以媽咪返黎果時係大袋細袋咁架!!

左上角既係「女」仔上頭用品，而右上角就係「男」仔既上頭用品 (唔講都唔知原來男仔都要上頭既)!!

最右邊同中間分別有兩盒差唔多樣既長盒，其實係對聯黎既，又係一個for「男」家一個for「女」家!!

利是封同紙杯就唔駛多講啦~~不過係大陸買呢d婚杯真係平好鬼多。記得上次我幫朋友o係金都買一打呢d杯，要成hk$24~~但我問媽咪呢條紙杯幾錢，佢話幾蚊雞.....仲要有兩打!!

好野...又搞dim左d野啦~~唔駛再煩lu!!

**Related Link**

返大陸買結婚飾物

Read More

【保の物】家居旅行必備.....潔面布(Cleansing Cloth)

平時去旅行，覺得最麻煩就係執清潔用品、護膚品、同埋化妝品!!真係可以唔攞既都唔想攞~~

因為平時o係屋企用既,都係大大支~~如果要下下入d野去d盒仔樽仔到都幾煩~~

所以很久很久以前，係Canada我已經用OLAY既潔面布(Cleansing Cloth)~~真係好好用!!

點解我會話呢樣野係家居旅行必備呢??最主係以下三點：

1) 方便攜帶 *特別係去旅行既時候~*

     - 只係一張紙仔,已經可以夠你洗兩次面

     - 唔駛好似其實潔面產品咁,要入樽仔 (亦都唔駛擔心會漏d液體出黎)；攞左去又要攞返屋企，下次去又要再入樽...

2) 洗面同時去角質層

     - 因為cloth既物料，濕了水o係面上打圈清潔時，以可磨掉角質層亦不傷皮膚

3) 清潔衛生 *好似即棄contact lens咁~*

     - 機本上係用左一次就掉，唔怕放耐左因開開關關潔面液而引止變質，亦唔怕好似用潔面皂因成日整濕又放乾而有細菌滋生。

大家聽完係咪都覺得好好呢?? 我自己就真係覺得好架~~但香港OLAY係冇Cleansing Cloth賣既....我諗外國入既line同香港有分別，所以就算去專門店都搵唔到!!

咁又唔駛氣餒喎，我寫得出呢個post就緊係有新野試左想介紹俾大家用啦!!

就係以下呢個product喇~~ 

SKINLITE呢個牌子對香港人黎講應該唔算陌生，因呢個brand都出左好多不同既產品架(eg. mask, cleansing product, cream, etc.)。而今次我就試用左SKINLITE - Daily Facial Cleansing Cloths!

**請大家留意!! 買既時候要睇清潔盒上面係寫明Cleansing "CLOTH" 呢個字。因為就算你買其他牌子，如果唔係寫"CLOTH" 就表示呢個唔係"布"，可能只係一d好似濕紙巾既物料，而多數包裝上都會用"WIPE"呢個字(eg. cleansing WIPE)。**

打開個盒睇睇，有多塊膠確保冇多餘既灰塵同細菌入侵~~

睇下幾大張~~一盒入面有30張大過手掌既cloth~~

如果係男仔用呢，就要一次一張!!而女仔用呢，就可以剪開一半,分兩次用!!係咪好化算呢??

唔記得講，需然佢係布料，但仍然可以做出泡沫既效果~~只要打開張cloth，濕少少水係面，好似洗毛巾咁將布同布磨擦，就會出好多泡泡架啦!! 或者我下次影一張出泡泡既相啦~~(後補)

總結，我覺得清潔度係超好，用完亦唔會有乾"曾曾"既感覺 (可能係因為For ALL SKIN既原因啦)!! 而且真係攜帶方便，去3曰2夜既trip，只係要帶3張cloth剪成一半就夠晒!!最主要仲可以去埋角質層，皮膚就更加光滑啦~~

以後去旅行，又可以省去好多位置同重量啦!! yeah~~

Read More

倒數.....(四個月/123天)

話咁快又少一個月~~ 距離我大婚之日又更進一步啦!!!

今個月我有好幾個task想做好佢,因為9月我要回鄉(加拿大)1.5個星期~~好似好短咁...但以我現在既進度黎計,少一日就少一日~~~好怕做唔切呢!!

伴娘衫	小仙子衣帽間(x2): Flora-已試,要改 Khim-已取

奶奶衫	雅麗婚紗晚裝屋: 紫色&粉橙色晚裝-HOLD

婚紗攝影	麥田映像 (Picked up;油畫still waiting…) 富圖視覺 (Photo taking: Aug 30, 09)

請帖&Invitation Card

心印(100張) – Aug 27, 09 pick up

上頭用品

已買

利是封、喜字貼、對聯(男女家)、信封貼紙

利是(細):已買 (大):心印送 – 包信封貼紙 喜字貼:已買 對聯(男女家):已買

婚前輔導	大埔浸信會: Session 1-July 02 Session 2-July 17 Session 3-Aug 06

Wedding Website

Precious Wedding –英文 (processing…) Wed.la -中文 (almost done)

以上都係我呢一個月黎做好左既野~~~

而黎緊呢個月,我既mission係要做以下幾項：

場地佈置

Church - DIY

晚宴 - 酒樓送 + DIY

囍帖貼紙	DIY: (上網訂制logo印章) (自制細logo印章)

回禮小禮物

杯墊 / 開瓶器 (未決定-上網訂)

婚前輔導	Session 4 – Aug 28 (?)

我仲要做好d乜呢??要再諗諗先~~

Read More

【試用報告】做個香香公主: Fa "Golden Star" 香體止汗露

無意之中俾我去左 HKCOSME 既website,發現有試用者招募~~

好其心推使下,就係website上填下資料參加!!

點知一向冇中獎命既我...今次俾我抽中,可以一嘗做試用者+同大家分享試用心得~~

如果大家有睇過我之前既post--「同臭狐講bye bye」都應該知道我都o係止汗露/香體露呢個科目上,算有心得既一位!!

而做得Fa "Golden Star" 既試用者,就主力講解下呢個product!!

今次分別收到兩支止汗露:

(左) Fa Golden Star - Glamourous Fragrance (Roll-on)

(右) Fa Sensitive - Extra Mild w. Cotton Flower (Spray)

再講多一次我對止汗露既要求 --> (1)止汗,(2)止臭,(3)long lasting/持久

今次要加多一樣 --> (4)香味

**用的過程。兩支分別用足3-4天,作為測試**

先黎講講(左)手邊既Gloden Star, 呢支應該係佢地最新出品既line,香味比較重~~回想起我用Fa的品牌已經係10多年前既事~~當時只係偷偷攞媽媽的來用....(hee~~)

(左) Fa Golden Star - Glamourous Fragrance (Roll-on)

評價：合乎 (1)止汗 (2)止臭 (3)long lasting/持久 (4)香味

Golden Star其實係可以做到晒以上四項功能!! 但搽上去就有黏黏既感覺...需然已經係liquid,但估唔到會咁黏(比用gel deodorant更甚)~~

但不得不讚既係,佢真係好香;對於一d唔會搽香水既女士黎講係一個幾好既choice!!加上因為係roll-on,而一向roll-on既deodorant係會比較持久,所以真係可以last到全日(仲要係32c下,全日o係戶外)~~

而止汗方面都幾出色,但如果好似我咁,成日係戶外同埋比較大汗人士,過左大半日,點都會出汗既~~但唔好忘記,我用過咁多支正汗露,係「冇」一支真的可以keep到全日止汗,做到半日已經好好成績啦!!

而止汗露對我黎講...最主要都係可以keep到全日冇汗臭/狐臭味就已經good啦!!

(右) Fa Sensitive - Extra Mild w. Cotton Flower (Spray)

評價：合乎 (1)止汗 (2)止臭 

Sensitive相對黎講就弱左少少~~其中一個原因係因為佢係一支spray!!大多數既spray都冇roll-on或gel既deodorant咁持久既~~

Sensitive呢支既香味係比較平和既...如其名"Sensitive"當然係for sensitive skin既人士,仲可以防敏感；加上"Cotton Flower"係真有cotton味架!!如果唔鍾意太勁花香味既女士們,呢支就岩晒喇!!

For Sensitive呢支止汗劑,我會推介俾一d出汗比較少,or輕度狐臭,or唔想太勁花香既朋友們使用!!

Read More