Thursday, October 30, 2008
Wednesday, October 29, 2008
日本血拼之旅 : Day 6~Part A
{日本血拼之旅 : Day 6 (Aug 22, 2008) 五}
池袋(Ikebukuro)-->築地市場(Sukiji Market)
見到呢個牌同紅色既郵箱加埋果陣魚"聲"味,就知我地已經黎到築地市場。 *呢d魚黎架,佢地係到運緊貨* 未去排隊食壽司之前,周圍行下先~~ *呢d係乜~~咪係wasabe囉,日本人鍾意用手磨既!! *呢到d衫好有特色架,食完野我地返黎買左幾件留念* 都晏啦,我地啦啦聲行去睇下壽司店多唔多人排隊先。其實除左「壽司大」同「大和」,「大江戶」(註:呢間係食丼飯既) 同「鮨文」都係比較出名同好食既店舖。 *最後我地都係揀左食「大和」(因為當時最少人排)* *我地排隊時偷影既* 因為店舖太細,佢安排唔到4個位俾我地,所以我同wen哥佢地分開食。以下係我地食既餐同埋另外再叫既壽司!! 可能去過既人都好奇怪點解我會有另外叫既壽司,原因係我地冇order佢地一人一個既set餐(大多數人都係叫set);我地只係叫左一個set加另叫壽司~~因為我知我地根本食唔晒!!需然佢地唔係咁鍾意我咁叫法,但我冇理~~ 同埋以前我見好多網友去完都影好多相,但我聽返wen哥講,佢坐果邊唔俾佢影相,因為會食得慢左。 *真係又好食,又大件~~超滿足!!* 食完我同honhon首先出黎,之後問返wen哥,佢地都係叫一人一個set,埋單貴過我地~~
Monday, October 27, 2008
西賈walk狗日~~
HonHon屋企係一d好似村屋咁既地方,所以好自然地佢屋企都會養返d狗。
而住村既人養既狗多數都係唐狗,呢d狗多數都只係用黎看門口,想同佢地出街行下都幾難!!
咁岩幾星期前,honhon亞媽既朋友有隻“使立沙”唔要俾左佢~~咁佢屋企又多左個新成員啦!!
隻“使立沙”叫豆豆,around一歲大~~個樣都幾可愛架!
10月18日星期六見天氣好~~honhon就plan好左同我同埋豆豆一齊去西賈放狗(呢個節目,我地講左好耐都未實踐過,因為我地帶唔到唐狗去太遠既地方)。
今日終於去到啦~~~出發!!
未去之前,豆豆好驚(因為第一次出街),成隻狗震晒咁~~好可憐咁!!但去到西賈,成個精神晒~~
去到仲周圍同人地d狗玩添~~但人地隻狗怕左佢,避左係honhon雙腳中間。
之又周圍同其他狗狗交頭接耳~~交換情報!!
影返張合照先啦~~
你睇佢隻眼幾藍(唔通佢係藍血狗...無聊)~~
Wednesday, October 22, 2008
沙田區~信義會
一個基督徒同一個非基督徒結婚,真係一件幾難搞既事~~
好似我呢d係加拿大返開教會,返到香港又一直都未搵到岩既教會做會友,搵教堂結婚真係好煩又好難。
需然我已經問左加拿大教會果邊幫我準備d supporting document,但點知香港既教會話唔接受唔係香港註冊既教會喎。唉~~今次真係唔知點算!!
早排見有時間,同honhon周圍去睇下d接受其中一個係基督徒既教堂,而今去左既就係「信義會-道風山」。
由沙田市中心開車過去,先經百樂徑~~
沿住百樂徑向上駛,就會見到呢個私人屋苑~~
一路不段直行向上,直到黎到呢個位~~
見呢間屋,沿住隔離條路一直行~~
去到咁上下,見到呢到好等啦,因為呢到就係禮堂門口~~(得好少位泊車jar)
咁岩當日有人結婚,所以冇機會入去望下個樣~~
**「基督教香港信義會-信義宗神學院(又名:道風山)」地址: 沙田道風山路五十號 / 電語: 2691-1520 / 租借禮堂網址: http://www.lts.edu/using/c_wedding.htm
落返黎既時候先發現,原來一上百樂徑就有另一間我可以行禮既教堂「信義會-活靈堂」。
冇得入去,只好係門口影相啦!!不過如果上佢網址係可以睇到個堂既相既,我自己就唔多鍾意~~
**「基督教香港信義會-活靈堂」地址: 沙田銅鑼灣山路一號 / 電話:2691-2047 / 網址: http://slchurch.elchk.org.hk/
呢間又係冇入過去,不過見佢好似都唔錯咁。網頁入面既相都好似ok~~
**「基督教香港信義會-救恩堂」地址: 新界沙田頭新村二區28號 / 電話: 2691-0477; 2691-0478 / 租借禮堂網址: http://www.livingspirit.hk/index.php?id=wedding_1
不過講乜都冇用啦~~我一定要搵間香港註冊教會肯幫我寫紙先得~~~神呀,救你幫幫我啦!!