人地講你可能唔信，但一到發生o係自己身上就真係唔想相信都唔得!
呢一月開始，我不段問d朋友會唔會黎我wedding~~點知真係中左朋友所言"到結婚果日就睇得出邊d先係真正朋友"!!
可能我人際關係唔好啦~~但我自問真係攞個心出黎同呢d人做朋友既；呢幾日問左幾個曾經都幾friend下既朋友，睇下佢地黎唔黎我個wedding，佢地真係可以俾個"千奇百趣"既答覆你架!!
CASE #1:
問佢黎唔黎??
佢既答覆係：「唔黎啦，因為係我地結婚周年記念，要celebrate(咁岩佢地上年同我同一日結婚既)!!」
我心諗：「唔係fa，你地以後都仲有好多年既周年記念啦~~我結婚一生人一次，咁都可以推?? 其實大家都知對方幾時結婚架啦，基本上你一早之你唔會去我個wedding，咁你結婚果時又叫我去你果個!!食完人地個禮又唔回...賤格!!」
CASE #2:
問佢黎唔黎??
佢既答覆係：「唔黎啦，因為我怕悶!!」
我心諗：「唔係fa，當初你結婚既時候，註冊同擺酒都唔同日子~~我兩個都去晒!!大佬呀，我都唔識你d朋友/親友架~~咁我唔怕悶咩??我咪又係一樣有黎，我黎係想登你高興，唔係因為有冇識既朋友而去囉!!果時我去你果到飲，仲要俾你安排坐一間冇電視既房...咪仲慘!! 一句怕悶就唔去....賤格!!」
CASE #3:
問佢黎唔黎??
佢既答覆係：「唔黎啦，我老公既細佬同一個月結婚，奶奶話同月結婚唔可以去喎!!」
我心諗：「唔係fa，結婚果個又唔係你，又唔係你老公~~係佢細佬之麻，有關係咩??」
我再offer：「其實我係農曆11月結婚架，同你老公細佬唔同月份，你去同你奶奶講囉，應該冇問題既!!」
佢既答覆係：「唔通我攞住本通勝同奶奶計咩??段估你都唔會咁同你奶奶計啦~」
我心諗：「第一，我當然唔會咁樣同奶奶計~但我會同奶奶講清楚，等佢唔好誤會!!第二，你又唔係同奶奶住~~你去邊到，去邊個人既婚禮，幾時去要同奶奶交代咩??其實只要你自己覺得冇問題，就冇問題啦!!冇人要你去邊都問清楚奶奶得與唔得果喎!!更何況，以我所知，你都唔係一個乜都要問奶奶咁respect其他人既人啦~~咁多藉口....賤格!!」
以上幾個，係全部結晒婚，而我亦有出席佢地既結禮!! 有人問，係咪我係人都問架??其實我已經唔係問一d唔係好熟既人啦，真係唔明白點解對方會咁囉!!真係你對人地點，人地未必同樣咁對自己!!真係超級心淡~~
而呢d人，好多都係我返左香港先認識既朋友~~NOT TRYING TO BE OFFENSIVE，但我真係覺得香港人...人情真係紙咁薄...同埋超現實囉!!
好彩...我都有我加拿大一班好朋友幫手~~而有d都返左香港，亦有d會飛過黎參加緍禮!!如果冇佢地....我真係"慘"到冇朋囉~~haa~~
haha 一定會有嘀咁既人. 我都有嘀咁既朋友,幾個月前通知佢, 仲屈我派帖時要請佢食飯, 點知依家連飯都唔黎食. 仲話可能會去旅行. 我打算連帖都唔會寄比佢.
ReplyDelete不過都有嘀都好好，仲話要叫埋老公, 男友黎. 叫我請埋佢地. 咁就無咁悶.
所以依家多左人黎添.
[版主回覆11/16/2009 17:27:00]嘩，帖都未派就已經屈定你請食飯呀....好離譜喎!!
其實我個場唔可以再多d人架啦~~所以果d"衰人"唔黎仲好，我可以請其他真心對我好既朋友!!
WAH...真係人性真實臉...不過唔緊要, 你仍然有一班好好既朋友出席你婚禮...
ReplyDelete[版主回覆11/16/2009 17:28:00]係呀~~最開心就係加拿大果班會飛返黎麻!!
好驚呀, 我仲未開始問人呀~~ 你都唔好唔開心, 你的大日子, 最重要係你同你 honey and 你們的家人. 仲有大把人為你祝福的!!
ReplyDelete[版主回覆11/18/2009 11:02:00]唔駛驚~~可能係我人緣唔好姐....同埋我聽聞太多人o係12月結婚，少去一個得一個囉!! haa~~
我冇唔開心啦~~我覺得就算人唔到，禮都要到!!所以我拓我ex幫我俾帖果d人....收到帖點都要做返d野掛!! (不過如果對方真係咁cheap,我咪當用左一張餅卡去睇清楚呢個人囉~~)
快樂與滿足的秘訣，就在全心全意投注於現在的每一分，每一秒上 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
ReplyDelete唔好唔開心啦~為左呢d人係唔值得架
ReplyDelete我最近都有問d朋友來唔來，打唔到電話我都send sms比她們
點知有d直情唔回覆，又有d話要帶住bb(幫人帶的) 唔來啦
我都早成2個月話佢地知都係咁啦~ 何況我又唔係個個請...
都有d唔開心架~ 不過又可以睇到更多真正朋友 ^^
[版主回覆11/25/2009 17:23:00]我咪又係唔係個個請....唉!!
不過我都要學識睇化d~~唔好因為呢d咁既人搞到自己唔開心!!
我最後都用左一張帖+餅卡睇清楚一個人(話要問"奶奶果位"既真面目。
我個D仲攪笑...本身係佢開口做姊妹..E+話因為湊仔唔做, 唔黎飲個D大把借口
ReplyDelete[版主回覆12/02/2009 11:02:00]下....自己話要黎做姐妹之後又話唔得?? "仔"佢唔係一直都湊開既咩??你個frd既借仲勁過我果d喎....
不過你都唔好唔開心,我都開始睇"化"左啦~~