Goodbye my HAIR --- (armpit only)

只從同網友PINKY溝通過之後...我對Marsha呢間公司多左少少信心!!

講真，上網search左一排，真係搵唔到好多人既sharing囉...好多都係廣告，真係唔知信唔信果d人講既野好??

加下出面有幾間公司做激光脫毛比較出名如： dermes、bella、港星、Dr Pro等。

而我做呢間Marsha 瑪沙醫學美容就真係唔多出名囉!!

但如果做少少research都會知，果幾間出名既價錢都幾貴....我同honhon傾過之後，覺得唔值用咁多錢去試一d自己都唔太認識既野。同埋果d話永久保養，其實作用不大~~同埋好似有blog友話有condition喎，諗諗下俾咁多錢只係為左個有condition既永久保養，我覺得唔化算囉。同埋做LASER脫毛，做到第3/4次其實已經差唔多冇晒毛毛~~而再生返出黎既機會又少，所以都係睇$$做人啦!!

Marsha-激光脫毛-包6次療程及一年保養-HK$4,800(10月promotion price)

好喇，拖拖下...我終於約左上Marsha到了解一下脫毛既相關資料(其實個心已經決定左做)同埋試下佢果個毛髮分析。可能我真係太想做LASER脫毛，加上又覺得價錢唔貴，當個女仔話如果你想今日都可以同你做第一次既時候，我個心已經係開心到極點!!就連果個乜野毛髮分析都冇做到~~haa~~

講下個過程先!!

始終係第一次接觸laser既野，心情係有dd緊張~~同埋我見網友好多都話會有少少痛，不過女人為左靚就唔會理咁多啦!!

入去，換衫，清潔"格格"，乜都唔駛搽就開機做~~

第一次(做d幼毛)，中途已經覺得痛，停過一次小姐幫我用濕綿花輕刷一下"格格"，又再繼續~~

做第二邊情況一樣，又係要中途停一停~~不過都ok，唔係想像中咁痛(可能開始習慣)

到做第二次(小姐話會再痛dd，因為個機開勁左少少for粗d既毛)，真係痛多少少~~但可能有第一次既經驗，我又冇咁緊張，整整下開始唔覺咁痛!!

前後都只係做左10分鐘左右~~但可能係第一次，同埋今次我d毛髮未生返太多出黎(我岩岩星期六先wax完)~所以我仲見到少少毛同埋黑點點，如果唔係好小心睇，其實效果都ok架!!

做完之後成個人開心晒~~因為d"格格"毛實左煩擾左我好多年，又粗又生長得快，總之見到就抆!!好期待下次再去做呀....亦好期待快d冇晒d毛毛。

Read More

富圖(FUTUV)。Package篇

因為有BLOG友話想去FUTUV影相，但係網上面得好少資料。有見及此，我share一下我係FUTUV影既相啦~~還點我都做左「白老鼠」!!

套系内容

商品编号：A1

商品类型：婚纱

服务时间：半 天（总服务时长4小时，从通知顾客的到店时间起到拍摄结束为止）

化妆造型：专业化妆造型 1 组，拍摄全程跟妆

婚纱礼服：新人服饰 1 套

拍摄数量：拍摄原片 30 张(原片全部免费赠送)

后期制作：12 张(精修+排版入册)

相册制作：8寸高级皮制系列相册1本

我就係join左上面個package，而我係會展到join既，個promotion係買二送一(姐係買A1+A1送A1)，所以我就買左兩個A1 package(全數HK$2,398...姐係HK$1,199一個套餐...平過原價少少)。*註：我係俾港幣，上面既價錢係人民幣。

 

唔好以為我咁買咪有三本8寸相册，個deal係可以用兩本8寸相册換一本12寸相册；其實係有少少取巧既...因為兩本8寸點都應可以換個16寸相册啦(8+8=16)!!不過人地做生意就緊係唔會俾咁多著數俾你~~

咁用左兩本8寸換左一本12寸，而餘,下既8寸相册就keep住冇變；姐係total有兩本相册：一本12寸一本8寸。

 

拍攝方面，都係俾返90張拍攝數量(原片全送)；但入册就只得30張~~係呀，又俾佢減少左入册既數目。因為如果照計，一個A1係有12張精修+入册，咁三個A1應該有12+12+12=36張精修+入册...但佢地話唔係咁計喎~~冇計!!(我自己又睇漏眼...激死!)

 

而因為我join既時候有朋友介紹既關係，咁我同我朋友都會賺得「富圖豆」。簡單d講，用「富圖豆」可以換取各樣東西如：相册、精修、油畫等。愈多「富圖豆」就愈換得多東西啦~~而我得朋友refer，加埋自己d分，大慨可以換一張8寸相架。

 

額外，因我係會展價同埋一次性付全數，所以佢地送一個8寸拉米娜相架。

 

最後做個總結先....我總共有如下既成品：

 

化妆造型：专业化妆造型 3 组，拍摄全程跟妆

婚纱礼服：新人服飾各 3 套 

拍摄数量：拍摄原片 90张(原片全部免费赠送)

后期制作：30 张(精修+排版入册)

相册制作：12寸高级皮制系列相册1本

                      8寸高级皮制系列相册1本

                      8寸拉米娜相架

                      8寸水晶相架(用富圖豆換)

最後睇下我揀左既栅景sample，再compare下我影既相啦!!

睇到呢到先啦，下次再講下我覺得佢影到同冇影到d乜，同埋我d"肉"照(係"肉酸"既"肉呀,哈哈哈)...唔知係好定唔好呢??

Read More

新c坑...學人搶購(Spring)JILL STUART化妝袋!!

啦~~我真係第一次架jar~~

平時我都有見日本magazine有好多贈品...但從來都唔會"o的"起心肺要買~~

不過唔買都唔知，完來呢d日本magazine係好好賣架!! 唔駛幾日就冇晒貨!!有d地方仲要係一早訂購，mark晒名既。

又可能只係因為香港好多女仔都愛JILL STUART啦，所以佢d贈品書先咁搶手!!

其實我就唔係太鍾意JILL STUART，因為我本身唔鍾意粉紅色。但今次見佢個化妝袋唔係咁lady(需然有我最唔鍾意既"心心")~~但見係黑+粉紅，同埋個間格都幾好...就心思思想搶佢返屋企。

話說我o係9月尾已經知道有呢本書出，但o係香港就要10月2日先真正出街~~我就o係10月2日周圍睇...周圍望下邊間7仔/OK仔有得賣....但睇左成日都冇....到10月4日先真正上架!!

佢一出我就即搶啦~~仲想搶多幾本送比朋友做禮物仔添，哈哈哈~~(不過最後我冇咁做，因為當我想攞多本時，有個女仔已經搶左架上最後一本)

都係唔講咁多....睇下個袋係咪咁正先~~

兩本書仔+一個贈品 = HKD68

(Size 19cm x 12cm x 6cm)

我覺得細細個，幾好喎~~又有格數...可以放lip gloss或mascara或eyeliner pencil~~唔駛成日d筆散"收收"咁!!

*For extra reference: Gals could try to find this magazine from 報紙檔 their price sometime could be much cheaper then 7仔 or OK仔

Read More

金都心印....出爾反爾!!(鬧爆你....)

好嬲呀...好嬲呀...好嬲呀...好嬲呀...

"大眼妹"講得岩，我要收返我對心印既評價!!

之前我係DIY系列之。囍帖/Invitation (@心印)中講話我係果到print card既過程ok!! 但冇諗過原來佢地真係一間黑店!! 好似"大眼妹"話齋，我ok只係因為我早左準備~~所以先可以on time交貨!!如果一到旺季整個情況都會唔同~~

我唔o係旺季到訂，唔敢亂評論佢~~但我琴日就係心印見識過果個女人既「賴皮」同「出爾反爾」!!

話說我開頭只係諗住擺18圍酒席，所以去到訂帖時個"女仔"(-->留意：唔係果個"女人")問我地要幾多張，我地話要100張先啦~~

之後再問佢，如果到時唔夠帖要加印會點計呢??

個"女仔"話：「照返張單上面既價計返囉~~」(單上面既價-->姐係會展價，平d既)

我地聽到佢咁講，就緊係話要住100張先啦!!

好喇!! 因為加下我媽咪要加枱加到2x圍，100張帖就一定唔夠派啦~~ 所以我同honhon啦啦聲放左工走去金都問下佢加印既程序同時間。(講返點解要走去門市呢，係因為呢個"女人"成日打去都唔聽電話囉~~)

好...去到門市問佢~~我地張帖本身只係$4.xx(會展價)，"女人"話如果要加印要收原價喎(approx. $8.xx)!! 我即刻show返張單俾佢睇，問俾返我訂果時既價得唔得啦~~佢話唔得!!加印一定收原價。我話我黎落單果時個"女仔"唔係咁講果喎~~果個"女仔"話可以用返會展價我地先訂少d jar喎!! 條"女人"勁「賴皮」，加完全唔想理我地(因為隔離有一pair正想落單)~~仲話要返果個會展價，去會展果時join咪俾返你囉~~(吹到你bear bear聲...)

頂你個x丫~~加下我地要加印呀...仲點去會展呀~~你係咪講「廢話」!!!

如果當初你講清楚話加印係用原價，我會唔會傻到只係要100張呢??

可能有blog友會話，會唔會係個'女仔"講錯左~~就算係，都唔表示個"女人"岩!! 因為我落單當日，個"女人"係在場睇住個"女仔"做野既~~我d稿既字都係個"女人"mark低既~~所以佢一定聽到個"女仔"話俾返會展價我!!而如果個"女仔"係講錯，個"女人"應該當時立即correct返囉~~唔係到我真係要加印時先扯貓尾話冇咁講過!!

激死我啦!!!!

最衰自己當時冇叫個"女仔"寫明係張單到，話加印可用會展價...如果唔係，今日我唔駛俾個"女人"激親!!

所以我係到叮囑各位準新娘~~如果你係要去心印print帖，記緊記緊要佢樣樣野寫好係張單到，對方promise過你d乜都要寫明，以免他日俾佢地「賴皮」同「唔認數」!!

Read More

DIY系列之。囍帖/Invitation (@心印)

千呼萬喚始出來!!我既請帖終於大功告成啦~~

但好不幸既係...我只係訂得100張，琴日同honhon數下要派幾多帖時先發現，我地最少都要訂多50張。唔知加訂要幾耐先出到貨呢?? 我又諗，加訂果d唔再做DIY好唔好呢??

不過呢d都係後話啦~~睇左d靚靚製成品先!!

(帖既真身，正方形既，好普通既一張帖)

(變身做一張圓形帖，只係做cutting都已經做左好耐，因為個card面同底太厚好難cut)

(再o係個card底加返我個wedding logo~~係綠色閃閃凸字)

(黎個close up先! 帖面再加牛油紙+自己刻既紫色印章，帖底就係綠色閃閃凸字logo；"幫"埋個蝴蝶結~~靚晒!!)

(俾多幾張你地睇~~張張帖既design都有少少唔同!!信封面都印上自己刻既圖章，分別有綠&紫色...match返個wedding theme)

(呢一袋就係果100張既帖啦~~好似好少咁....)

大家覺得我既invitation靚唔靚呢?? 我自己就覺得好靚呀~~係心血結晶黎架，用左好多人力物力架....希望收到帖既賓客會善待我d帖啦!!

分享完畢!!

BTW，我既帖係o係旺角金都果間「心印」果到訂既!!其實由訂帖-->對稿-->出產，整個過程都算順利。但我知blog友大眼妹同我既經歷就完全唔同!!

首先，我訂帖既時候都係好似大眼妹所講，係會展行晒咁多間得佢呢間既帖吸引到我，所以好快就決定左用「心印」!!

之後就大概o係6月30日到門市揀帖既顏色、字體、帖款，一切都叫做幾順利!!而字體都有好多俾你揀，不過就樣樣都問清楚佢包唔包，你唔問佢又唔會提你既。(例如：門市display出黎既帖係冇人名同日期，得個囍字logo。我要問佢可唔可以加埋我地個名佢先答你係OK既，唔駛加錢!!)同埋我揀字體顏色都有好多都幾靚，但佢mark係個sample果到既時候你要同佢一齊對清楚，咁就唔會出錯!!

其實我揀帖既時候都幾麻煩，因為display既帖唔係我要print出黎既色(例如：呢款帖既display係紫色既，但我就要珍珠綠。咁姐係我要再攞住多張岩既顏色既帖show俾佢睇，要佢mark底。)其實成個過程，個女人係先copy左一張我要既帖款(=稿)，再係上面註明不同既要求，同時佢又會幫我剪底d sample貼係個稿到，又用筆寫明我既要求。而本身display既帖內頁又唔係我想要既color，個女人又再係第二到剪我要既紙再貼係個稿到。最後d字體同顏色就用marker寫係稿上面!!

到講下帖既內容!! 因為我要做圓形帖，所以帖本身既margin係唔岩用~~因為咁，我就話我會自己起稿，set埋margin先send個file俾佢，而佢都千叮萬矚叫我記得要set做tiff file，如果唔係我send俾佢既file都係會有差別既!!最後我o係7月3日e-mail左個稿俾佢，對方係7月10日回覆連cover&內頁，要求confirm (而呢個稿就有一少問題，對方唔記得加返個日期上去)。之後honhon打電話同個女人講，o係7月13日再收到e-mail再次confirm。7月21日，就去門市俾尾數同埋叫佢print帖喇~~

大概8月中就可以擺帖lu~~仲趕得切去加拿大之前DIY invitation~~前前後後用左1個半月左右!!

整個過程就係咁，但可能係因為我自己出稿叫佢print，所以問題冇大眼妹所講咁多!!你話「心印」好好咩，又唔覺得係~~不過就真係要自己跟緊d同緊足d囉~~

Read More

麥田婚紗相。成品篇(附圖) + 對麥田的感想

今次終於集齊晒所有成品啦~~啦啦聲影返d相同大家分享!!

再講一次，本人既package係包以下成品：

18寸水晶相簿 (x1) - 本身跟15寸相簿，我加$$ order要水晶面同埋轉做18寸

30寸油畫 (x1) - 落單時指定要細少少既油畫

24寸拉米納 (x1)

12寸水晶畫 (x2)

8寸水晶畫 (x1)

見到成品果一刻，真係超開心~~因為都覺得幾靚!!而最重要既係，我要求既color同print出黎既color係一樣既，勁開心!

感想：

我知道直至今時今日，好多人對係大陸影婚紗相都仲係有少少偏見~~

先講化妝!! 我覺得大陸人未必做得唔好~~好似我係麥田影既呢輯相咁，我覺得我個化妝師--「婷婷」真係做得幾好!!不過個hair style可能變化冇咁多~~不過又唔可以怪晒佢，因為我一套衫影得太耐，冇乜機會轉髮型。

跟住就講下攝影!! 其實我覺得「亞煒」都算影得ok，好努力咁同我影好多相....只係佢次次影完又唔俾我睇下喎，搞到我都唔知自己影成點? 不過又係果句啦...因為我同honhon實在唔識擺post且埋笑，「亞煒」係用左好多時間輔導我地~~好可能因為咁所以佢係咁影又唔俾我地睇囉。不過好好彩，我覺得好多相turn out都ok~~ 不過有時「亞煒」冇留意到面上有陰影，所以有d相係靚但都要放棄!! 而我覺得大陸影相有一個好處，就係d攝影師唔會"hea"住咁同你影，又唔會話趕收工....香港就未必得啦!!

最後就緊係要講下後期啦!! 唔駛我講，有睇開我個blog既朋友都知，我對我既後期設計師係超級不滿既!! 但又唔可以咁就講大陸所有野都唔好。所以我只可以講，錯過左一次就要學得精明一點~~如果你覺得後期果個人做得唔好，(1)就係走上去，當住佢面要佢做好；(2)就係同晒d reception呀,sales呀,manager呀,等有關人士講~~有壓力就自然會做返好d架啦!!

Last but not least就係成品!! 我覺得質量都算唔錯~~但因為太新，真係唔知會唔會出現係香港影樓成日講黎嚇你既退色問題!! 總之我攞上手，唔覺得d色唔even，又唔覺得d質地好粗糙就ok啦。

呢個只係我對麥田映像既用後感，之後我會再寫我對另一間大陸影樓既用後感!!

Read More

Match返個theme既伴娘花球

本身我對自己結婚花球都好有要求既~~

但次次上網搵花球資料時，都會俾其他野distract左，最後就緊係搵唔到料啦!

淋返加拿大之前因為唔想太多結婚既野拖住返香港先做，就「求求其其」+「屎急馬行田」地...係會展Agnes b.果到訂左個新娘花球+頭花+新郎襟花!!

但因為太求其既關係，我係未諗得切其他人當日會係點.....所以一去完旅行返黎就啦啦聲補返個鑊啦!!

需然有d人話花球唔駛太早book，但我又怕太遲book好多花店都會因為太多訂單而唔再接單。所以我都係堅持早早搞dim花既問題為妙~~

返工冇耐就起勢咁做research~~其實我心都知有邊幾間係多人訂同出名~~但同時，佢地既price都唔會太平!!而我本身覺得，如果只係用得一日而其他人都唔會pay太多attention to d花，咁我需唔需要人駛咁多錢去訂d貴野呢??

我見我身邊都好多朋友有訂造/DIY絲花，而我亦都係呢方面下過下功夫~~其實訂一個絲花花球唔會俾一個鮮花平好多囉...不過我又會諗，話晒係絲花，伴娘用完可以攞返屋企留為記念都ok丫~~

但之後又再諗，呢到係香港，地方又細屋企人又多....伴娘未必想攞個野返屋企擺果喎，到時咪當係垃圾??

唉~~唔怪得我d朋友成日叫我睇開d，我只係訂個花球都諗咁多野....如果要唔諗，就交個波俾honhon諗啦!!

同honhon傾完，我地都係覺得如果當日有鮮花俾d親朋戚友用呢....佢地應該會開心d既，需然價錢係俾絲花貴多幾百....但佢地開心都好緊要麻。好!!就用鮮花啦~~

之前都講過啦~~只係用得一日既花，我地唔想太貴~~所以我搵左一間出名比較平既花店--傷青花藝舍!! 做左少少reasearch，覺得其實佢地既花都唔係太差姐~~同埋係可以幫到d傷殘青年喎，駛左錢又做左好事，一舉幾得就咁決定啦!!

以下係傷青既價目表!!係咪好平呢??

香港傷殘青年協會-傷青花藝舍

訂購熱線：2508 1301     傳真：2508 1257

本月婚禮花球精選$500

玫瑰拖尾花球乙個

新郎玫瑰襟花乙個

主婚玫瑰襟花四個

兄弟玫瑰襟花十個

圓形玫瑰花球套餐傾銷價$388

圓形全玫瑰花球乙個

新郎玫瑰襟花乙個

主婚玫瑰襟花四個

兄弟玫瑰襟花十個

圓形全蕙蘭花球大熱賣$450

新郎蕙蘭襟花乙個

因為我已經有新娘花球，所以我要求佢將個套餐改改佢~~加多一個伴娘花球同伴花襟花。而個package本身真係得一隻色既玫瑰花，我唔想太單調~~又想match埋個wedding theme，所以叫佢用紫色玫瑰花+既綠色小菊花(紫色玫瑰應該冇張相既咁深色)!!

轉下轉下，已經唔再係HK$388既價錢lu....不過如果出黎靚都ok既!

話時話，點解傷青咁平但係都唔係太多人幫襯呢??其中一個原因係因為佢地點唔好!!需然話係樂富地鐡站，好似都幾方便咁~~但出左地鐵都要行一段路先搵到，仲要我地開頭搵錯左佢地辦公室既門口-->因為見到傷殘青年協會就啦啦聲按鐘，點知原來去錯左要再轉個彎先到。

見唔見到呀~~佢係大大個字寫左傷殘青年協會架，但要見埋佢下面寫住係傷青花藝舍先至岩!!

佢d辦公時間同我地上班時間無疑，所以我地揀星期六先去!!一早打去約左William(唔記得佢叫乜生lu)，點知條友luck底唔係到~~又冇交低話俾同事知有客會到~~激死我!!見其他網友仲講到William好好人咁....扣分!!

不過好彩果個姨姨都好好人，招呼左我地入去傾....但因為佢唔係做開落單既，所以最尾傾價錢時姨姨都要打俾果個William問佢可以平幾多俾我!!

點都好啦~~又搞dim一樣野...心情勁開心!!

o係搵花花相既中途，俾我見到呢個咁得意既Centre piece idea~~好想係大日子用到呀!!

p.s. 去傷青花藝舍之前，記得打去預約呀!!  

~~講完~~

Read More

倒數.....(兩個月/62天)

因為之前太忙同埋去左旅行關係~~所以倒數到四個月之後，一跳就跳到得返兩個月。

兩個月jar~~諗起都緊張呀!!

呢排都開始有少少婚前憂慮~~好似訓唔到覺呀，又或者係發埋d結婚當日既惡夢~~總之就訓得唔好咁啦!!唔知其他準新娘都好似我咁呢??

到只係得返兩個月~~又睇下我仲有d乜野未做先!!

大日子
	註冊場地/禮堂	晚宴
日期	Dec 05th 2009	Dec 05th 2009
地點	九龍佑寧堂	鑽石山聘珍樓
人數	100人(approx.)	18 圍 (approx.)
註冊時間	11a.m. - 1p.m.	nil
註冊律師	佑寧堂牧師	nil
場地佈置	Wedding Art - DIY	晚宴 - 酒樓送 + DIY
Rundown	未開始…	準備中…
菜單	nil	未揀
結婚蛋糕	nil	(假 by聘珍樓) (真 – TBC)
歌曲	未揀歌 (Pianist-TBC)	未揀歌 (可要求酒樓提供)
成長片段	by Gary Mak (未揀相)
紅酒	nil	酒樓提供 + 自備香檳
簽名布	未搞,用board
簽名筆	(未買/DIY)
枱號牌	nil	未搞
回禮小禮物	用酒樓送唐餅+魚魚電話繩

婚紗攝影及禮服
	註冊場地/禮堂		晚宴
婚禮攝影/錄影	by Gary Mak
攝影/錄影師利是
新娘婚紗及晚裝	Gokachi: Wedding Gown (x1)	Gokachi: Wedding Gown (x1) Evening Gown(x2):裙褂-敬茶                  銀色-迎賓                  紅色-敬酒             自備:綠色-送客
裙掛	美華:出門&回男家
婚紗鞋/晚裝鞋/裙掛鞋	婚紗鞋–ROSE 晚裝鞋-未買 裙掛鞋–太子街舖
Girdle/束褲/Nu Bra	Nu Bra
新郎禮服	Gokachi-黑色禮服 (x1) 雅麗婚紗晚裝屋–白色禮服 (x1)
新郎恤衫	白色 (x1)
新郎皮鞋/波鞋	皮鞋:白色  黑色 (未買)
伴娘衫	小仙子衣帽間(x2): Flora-待取 Khim-已取
伴郎衫	西裝:自備 Tie:Green Color (x2)
姐妹裙	自備 (match with theme, Purple color)
兄弟tie	自備(match with theme, Purple color)
媽咪衫	雅麗婚紗晚裝屋: 綠色晚裝-HOLD 褀袍-度身訂做
奶奶衫	雅麗婚紗晚裝屋: 紫色&粉橙色晚裝-HOLD
亞爸/老爺衫	自備
花仔/花女衫	未買
婚紗攝影	麥田映像-DONE 富圖視覺 (執相中…)

化妝及飾物
Make Up Artist	Jacque the Image：Irene Lo
MUA利是
新娘婚紗晚裝「首」飾	已買部份
新娘婚紗晚裝「頭」飾	未買(主要用鮮花) Agnes b. – 頭花x1
結婚戒指	PN
金器	已買
媽咪/奶奶妝	Jacque the Image：included
伴娘/姐妹妝	Jacque the Image： 伴娘 (included) 姐妹 (~unknow~)

花飾
	註冊場地/禮堂	晚宴
花車公仔	未買
影相花球	Order Online - $100 (花球連襟花)
結婚當日花球	真花-Agnes b. 絲花-拋花球用(DIY)
結婚當日襟花	真花-Agnes b.
伴娘/姐妹手花	真花-傷青花藝舍
伴郎/兄弟襟花	真花-傷青花藝舍
花仔花女手花/襟花	真花-傷青花藝舍
主婚人襟花	西式-傷青花藝舍	中式-酒樓提供
花車佈置	租車included

喜慶用品
	註冊場地/禮堂
請帖&Invitation Card	心印(100張) – DONE
囍帖貼紙	DIY: 上網訂制logo印章-DONE 自制細logo印章-DONE
餅卡 (西餅)	美心西餅 (200張)
餅卡 (唐餅)	奇華 (25張:派帖用) 恒香 (5張:過大禮用)
過大禮日期	10月13日2009年
過大禮用品	未買
禮金	HK$??(TBC)
嫁妝	未買
上頭用品	已買
上頭日期/吉時	Dec 04, 09 (TBC)
利是封、喜字貼、對聯(男女家)、信封貼紙	利是(細):已買 (大):心印送 – 包信封貼紙 喜字貼:已買 對聯(男女家):已買
Cushion	未買
紅傘	白&紅 (各1)
斟茶茶具	已買
龍鳳被	已買:金色
新睡衣	美華 (附送)
回禮利是	未準備
戒指枕、毛筆、結婚証書套	戒指枕(by PN) 毛筆-借哥哥/已買1套 結婚証書套-未買
接新娘遊戲用品	未傾(need to gather for meeting)

細項
	結婚當日
婚前檢查	Kinetic Medical Centre (婚前檢查 + Body Check)
婚前輔導	大埔浸信會: Session 1-July 02 Session 2-July 17 Session 3-Aug 06 Session 4–Sept 23 Session 5 – Oct 07
擬結婚通知書	Book: Sept 29, 2009 (10:15a.m.) 沙田婚姻註冊處register
Wedding Logo	Flora (DONE)
Wedding Website	Wed.la -中文 (DONE)
姊妹/兄弟開會日期	(TBC:暫定開2次)

好似仲有好多紅字咁喎~~姐係仲有好多野未搞dim啦!!

下星期就要過大禮啦~~之後就要派帖~~呢一樣係我最擔心既一個環節呢...

仲有就係教會同酒樓既地圖仲未print出黎架....要快d先得啦~~

Read More