honhon的心意

前排honhon買左束花諗住tum我高興~~點知高興就真係有少少,但之後就變到好鬼"興"(火滾)!!

事原係本身honhon係網上幫襯呢間Pak Tak Flower, 咁開頭佢第一次整,整到差唔多埋尾,個system話process唔到,咁honhon只好cancel再黎過啦!!

好啦,第二次終於搞dim~~我honhon怕會再出錯,就打電話去問佢地有冇收到order,佢地話有,但又唔同honhon confirm佢地原來係收左兩個「同一樣」既order喎!!

而以一個本身係第一次既過程中已經按左cancel既buttom黎講,好自然會以為真係cancel左啦,點知原來冇cancel到!!而呢間花店,收到兩個同一樣既order,同一樣既message(果到可以打埋message俾收花果個人既),而honhon打去confirm佢都唔同人客講清楚係十分之不老實!!

到當日我收到花,其實我都覺得奇怪,點解會有兩束,我問一問honhon,佢先知原來出左錯!!佢就立刻打去花店問清楚啦,花店d人話honhon入左兩個order,佢地只係照電腦order做野喎!!頂~~邊會有人同一束花order兩次架~~同一message又寫兩次~~見到有問題又唔同個客講,而個客本身都有打去confirm order架麻~~明知都唔講,超級呃錢!!

就係咁,honhon無啦啦要俾多一束花既錢~~其實錢都唔係問題,最大問題係佢地唔老實麻!加上果間野d花又唔係靚喎,包得又唔係好~~只係honhon之前同佢地買過花,先同佢地訂!

一樣的兩束花....

唉~~都冇得退咁點好呢??我又唔想攞住d花坐車...(其實我平生最憎就係要我攞住d花係條街到行,仲要係鬼死咁大束果d)我只好係公司搞搞震啦~~

先將一束分為兩束細既花~~一束我要,一束送俾個朋友!!

呢束係送俾朋友既,多d ROSE,又用埋ribbon~~

呢束比較求其,就自己要啦~~

之後呢,就將餘下既花細分左,係公司周圍放~~

講真,公司放左d花,真係生色不少架~~~好過成間公司來來去去都係電腦.....

最後,俾多一束花大家睇~~係honhon自己既精心傑作!!

我都係鍾意「白色」ROSE多d~~honhon自己去花墟買花自己包,幾叻!

最尾都要講次,你地千萬唔好再去呢間Pak Tak Flower到訂花呀!!

Read More

棘手摧花...

係~~我就係果個"摧花賊"!!

WELL~~實際黎講我又唔係一個賊黎既....只係,每一朵/盆經過我雙手既花~~都只會有一個下場......................................就係「死」!!

茶實我都好用心去打理每一盆花架~~但唔知點解,不論係o係屋企種or公司種,都係唔會活得太久~~~

不過我冇因此而放棄,我一次又一次種過一盆新既....就連唔駛點俾水既"神人掌"我都可以整死,你都咪話我唔勁!!

而最近,honhon為左鼓勵我,買左呢個新玩意俾我!!

呢個新玩意我仲未開黎玩架~~唔知係咪真係可以種到pooh pooh頭既呢~~~期待!!

Read More

石門森林公園。小橋篇(org)

影完"梅花"我本以為會跟住同行既另一pair準新人到下一景點--"紅葉"區。

點知原來唔係!!

之前講過,呢次係我地既第一輯相,加上我同honhon都唔係熱愛影相or被影既人,所以我地往往都俾人地影得耐,每一個景點都係最遲果個走~~所以當我地影完"梅花",果一區已經冇晒人lu~~仲要為要趕去"紅葉"區,點知攝影師佢一個屈尾十,帶左我去"湖"景區過少少既"小橋"區影相!!

呢d係咪所謂既"小橋流水"呢~~~hoohoo

唔好睇呢到好以好靚咁呀,其實仲係under construction架!!

呢幾張我都好鍾意,但最衰係影埋隻腳,怪怪地咁~~

咪睇呢個post好似好咁呀(其實可能真係好易)~~攝影師要我打橫訓係到,但又不講唔影腳喎,搞到我硬banban咁雙腳垂直但上半身就打橫90度~~如果唔明我講乜,就自己係屋企做下啦!!可能我d根比較硬,我真係屈得好辛苦~~所以連帶個樣都表現得好軒強....

呢到我地影得好少jar~~~因為另一pair原來返左黎!!到果時我先知,原來"梅花"區係仲有另一到地方架,果到d梅花多好多,同埋靚好多~~~

點解我個攝影師唔同我去果邊呢~~

Read More

一折清「西太后」倉!

加下市道唔好,所以好多名牌都減價~~

而一向都有好多少女buy既「西太后」(Vivienne Westwood)都唔例外!!

由今日起至5月23日,一連5日,Vivienne Westwood會係觀塘九龍倉電訊廣場開設2000多呎大型開倉,並且低至一折!!

「西太后」fans千期唔好錯過呢個好機會啦~~

Read More

石門森林公園。梅花篇(org)

展出完"湖景"既相,就黎到"梅花"區到影相啦!!

其實影完湖景之後都開始有少少攰,但因為開始有陽光,冇朝早果時咁凍,所以我地係"梅花"區都影得幾開心~~

但始終今次係我同honhon第一次影結婚相,事前又冇做到準備功夫,所以好多時都唔識笑,又唔知點擺post~~所以好多相我地都影得比較生硬,同埋攝影師用左好多時間教我地笑同擺post,搞到我地落後過另一pair情侶好多好多....(最後仲累到朋友仔feon佢地遲走)

本身梅花咁靚既景,就俾我地兩個生硬post既人搞到冇晒美感....(唉~~)

呢張相我覺得都幾sweet,但honhon隻手就.....(O晒咀)

呢d咁既post,真係唔識得形容.....不過呢張既景攞得好好,好靚!!

啦,又係呢d post呀~~HELP!!不過我鍾意我地笑得夠自然!!

(我相信當時honhon係強顏歡笑多d...哈哈哈)

點解我會post呢張出黎??我自己都唔知~~不過就一定係冇入册既!!

唔知有冇人發覺,呢張相既景終於係用「實」鏡影到d梅花啦!!我一直都唔知呢個攝影師咁鍾意用「blur」鏡影景,而佢又唔似另一攝影師咁,耐唔耐俾我地睇下影成點(可能係因為我地本身影得慢既原固啦)....

但我真係唔太欣賞用「blur」鏡影相,咁樣會睇唔到d景,咁我辛苦去咁遠影相黎做乜丫,求其搵d樹影相加「blur」鏡,再叫後期既人用PS執相咪ok囉~~

就係因為呢位攝影師既拍攝手法,所以我好珍惜所有冇用「blur」鏡影既相,但耐何~~好似呢張咁,本身我地都叫做影得幾靚,但個人同面都好多樹枝既陰影,呢個問題用PS好似係執唔走架,冇計~~只好放棄!

到最得一張,亦係令我好"炆"既一張相!!

好啦~個攝影師用「實」鏡同我地影相本來就好開心既,但就係呢個時候,我honhon就一d都唔合作(其實佢一直都唔合作)~~我想講,影結婚相,女仔真係最辛苦架;好多時都冇得休息,特別係天氣凍既時候,又凍身上又著得少,勁慘!!

講返張相~~我諗唔駛我講,大家一睇到都覺得好怪!!怪就怪在我既post~~本身呢d咁既post係麥田既招牌菜;當個攝影師叫我地傾向個鏡頭時,好自然個身會打側approx.45度,但你地睇下honhon~~佢同冇打側過有乜分別呢??同埋佢唔係打側企既,佢more likely只係側側地身,當人地叫佢向下側身~~honhon其實只係向前"wu"低少少....頂!!

需然我唔知佢當時個post有幾難睇,但我都feel到佢冇側到太多身...所以我已經不停咁拉佢叫佢側多少少~~點知最後個out come都係咁差!!你地睇呢張相,俾人感覺係我就黎跌,honhon係到笑住咁扶我囉~~當我睇到呢張相,真係"火"都黎!!

呢張相既結局就係: OUT~OUT~OUT!!

Read More

石門森林公園。湖景篇(org)

影左結婚相咁耐,我都好似未post過我d相喎~~

有見及此,我諗我都係時候將d樣衰衰既相公諸於世!!

先放d"湖景"區既相出黎~

呢張係我地既第一張相,當時仲可以笑得好開心架~~因為仲未識寫個「支力」字!

呢張我自己就覺幾有feel,老公好情深咁(<-好似)望住個老婆~

我個人好鍾意呢張,張相好有depth~

我特登post呢張架,因為photog叫我靠住老公個心口,我就真係成個頭訓左上去,搞到個臉珠bee晒d肉~~photog見我咁,講一句:「假的,假的...」姐係叫我唔好真係訓,只係扮訓好啦~~個化妝師就不段係咁笑我!!

呢張我都好鍾意架,因為我買左把好靚既雨傘~~好match我條裙,但最終都冇揀到入册,因為我個頭望得太高,有人話好假喎~~

我係一張我覺得靚但冇入册既相,靚係靚在overall既景和人既arrangement!!但最大問題出現係我個post,條頸同個身twist得太勁~~好怪!!

又係一張情深款款既相~~~我都好鍾意....但....但有人唔鍾意,唔俾揀!!

呢到d相全部都係未touch up既,所以顏色比較暗~~之後我會再post返一d touch up完既相,可以比較一下!!

Read More

倒數.....(七個月/215天)

補返之前個月既count down冇耐，又要再寫今個月既count down~~

其實我既progress真係好慢，加上又要收樓，搞埋d律師銀行野仲多過搞結婚野!!

仲有，呢排有d事發生令我更加減慢步履…所以到左下個月，我都唔知會唔會再有進展啦!!

唔好理咁多，寫返做左d乜先啦~~

婚紗攝影及禮服
	註冊場地/禮堂	晚宴
婚禮攝影/錄影	by Gary Mak
攝影/錄影師利是
新娘婚紗及晚裝	Gokachi : Wedding Gown (x1) Evening Gown (x2) 自備 : 敬酒 & 送客 (各x1)
裙掛	美華
婚紗鞋/裙掛鞋	婚紗鞋 – ROSE 裙掛鞋 – 太子街舖
Girdle/束褲/Nu Bra	Nu Bra
新郎禮服	Gokachi – 黑色禮服 (x1) 雅麗婚紗晚裝屋 – 黑色禮服 (x1)
新郎恤衫	白色 (x1)
新郎皮鞋/波鞋	皮鞋 : 白 (ok) 黑 (未有) 波鞋 : 未有
伴娘衫	小仙子衣帽間 (ordered)
伴郎衫	~unknown~
姐妹裙	自備
兄弟tie	自備
媽咪衫	雅麗婚紗晚裝屋
奶奶衫	雅麗婚紗晚裝屋
亞爸/老爺衫	自備
花仔/花女衫
婚紗攝影	麥田映像

化妝及飾物
	註冊場地/禮堂	晚宴
Make Up Artist	Jacque the Image：Irene Lo
MUA利是
新娘婚紗晚裝「首」飾	首飾：OK 金器：未買
新娘婚紗晚裝「頭」飾
結婚戒指	PN
金器
媽咪/奶奶妝	Jacque the Image (included)
伴娘/姐妹妝	Jacque the Image： 伴娘 (included) 姐妹 (~unknow~)

細項
	結婚當日
婚前檢查	家計會? 美邦醫學? (haven’t decided yet)
婚前輔導	大埔浸信會 (not yet apply)
Wedding Logo	Flora (DONE)
派帖

Read More

兩「陳」長老會晤!

係咪好其怪點解我只係寫"兩「陳」"呢??

因為男家同女家都係同姓，所以我結左婚之後連姓都唔駛改架!!

終於到左雙方家長會晤既日子啦，之前我都同過好多blogger講我好怕兩位「陳」長老見面，事關我覺得佢地未必岩傾!!

今日我地約左去擺酒果間「聘珍樓」到飲茶，果到d招呼真係好到不得了，而相對地價錢亦都係好貴(仲貴過「美心」)!!不過算啦，因為我地當埋試菜，所以叫做平左啦!!

今日真係好感謝神，我擔心既事一掃而空，佢地兩個長老都不知幾好傾；而我以為兩位「陳」太會岩傾d，反而佢地冇咁多野講喎!

最開心既係，我個要求好高既爸爸不單止冇不滿，仲話覺得6299幾好幾爽直添。

其實我父母真係好鬼傳統架!!由細到大都唔俾我亂識男仔，到我話鍾意人，又要俾佢地過下目先，又要清楚知道個男仔既家底係點(例：係咪單親家庭呀...同父母關係呀...個男仔既學曆呀...身體好唔好呀...等)真係好煩!!不過我都知佢地係為左我好姐~~

點都好啦，又過一關~~唔駛再煩lu!!

Read More