喂喂喂~~1周年啦~~~

今日係我同honhon拍拖一周年記念日

我期待左呢一日好耐啦~~~

點解??

咪就係因為我覺得,同左佢一齊咁耐,日子好似過得好慢咁~~可能係因為日日見住面啦...

好啦,終於到呢一日,我地做乜野黎慶祝好呢??

其實我就乜都冇做過,因為我懶諗....但honhon就一個人plan好晒所有野...

當日早上,佢就一早過左黎接我一齊食早餐同埋返工~~

之後係lunch之前,就收到佢送俾我既勁開心!!

到左放工,佢就約我去尖東站~~~去邊?食乜?我完全唔知架~~佢話去到跟住佢就得喎!!

咁我咪跟住佢囉,原來佢係Royal Garden Hotel到book左枱同我食buffet~~~

呢間野既buffet算不過不失啦~~~要成$345一位,野飲另計!

呢隻係勁大隻帶子同埋築地蝦,但佢要用火燒下先俾我地食,我唔多鍾意~~

而呢外兩隻係佢做special既大海蝦~~大就幾大,但要等好耐先有得食!!

呢個生果杯其實冇乜特別架,但我就勁鍾意~~一口氣食左3杯~~(含蟹子,蝦,生果)

佢既熱食都算幾多既~~而我最鍾意,都係佢個噴水池設計,幾靚~~

但最衰果個人唔係安排我地坐果邊,佢俾左個窗口位我地,但其實只係得街境,所以都冇乜特別!

總括黎講,今日我好開心~~我知佢好俾心機製造好多驚喜俾我~~~多謝你呀honhon

希望以後既日子,大家都可以相處容容洽洽啦~~

同佢一齊,真係感覺好

~~我要學懂好好珍惜!!

Read More

P.S. I LOVE YOU

上次講到我睇左兩出戲~~第一出係"Enchanted",係一出好好笑好開心既電影~~

但今次睇既呢出,就好慘啦~~~

事關我係一位勁愛哭,又眼淺既人~~睇乜野戲,有少少感人既scene就會喊,所以我亞哥成日都走黎笑鬼我~~

而我男友又係因為知我會勁喊,所以開頭就呃我,話係去睇"長江7號",點知我到入左場先知係睇呢出戲

其實之前我未睇過呢出戲既trailer或者其他野,只係見過下張poster~~好明顯呢出戲唔多吸引我(可能係個女主角太樣衰啦)!!加上我知如果去戲院睇愛情片,我會好辛苦~~因為我又唔可以大大聲咁喊,又唔可以大大聲咁"sung"鼻涕~~所以呢d戲,我只會留返係屋企先睇。

講左咁耐,都係講我勁喊~~~係!!我真係勁喊,由佢開場喊到"The End"~~~點解??咪就係因為佢一開場無耐就死左個老公囉!!之後成出戲既劇情,就係講佢老公係佢臨死之前為佢寫既12封信,而就係因為呢d信,先可以令佢老婆重新做人。

我覺得最令我投入既係,呢個女主角做既野同我有少少似~~好似同佢老公嘈果時既樣啦,講既說話啦~~到佢老公死左之後,佢係屋企發"den"唱歌既行為,真係同我之前失戀時做既野好相似。而到最後,令我最感動既係佢老公對佢既愛~~我會諗,如果我另一半係佢離開我之前,都會為我將來而擔心再做出呢d安排,我諗我到死果時都會無憾!

唉,我好鍾意睇戲~~但有時我覺得睇戲都幾辛苦,因為我太過投入出戲果到,當睇完戲由戲院行返出黎既時候,令我覺得我要返回現實生活,果一刻既感覺~~都真係幾痛苦

Read More