3揀1,決定邊間酒樓!!

Once我講左我將會結婚~~~好多網友都俾好多好好既意見我~~~萬分感激!!

好啦,係時候又update下我係搵酒樓方面既進展!!

經過連日來去過晒同問過晒咁多間酒樓,我同honhon選擇左以下3間:

1st priority:  聘珍樓(鑽石山) - 揀呢間比起TST果間樓底高好多,需然佢冇TST既門面咁靚,但為及要俾d老人家覺得唔會太西化同埋迫夾,所以呢間會係一個好好既選擇。而咁多間酒樓都冇鋼琴,得佢一間有,所以對我黎講都幾重要架。Location黎計,佢係正地鐵上蓋,又送免費迫車,交通都算方便。同埋今年8月佢地會有renovation,我諗做完之後會更靚。Oh,而最最最重要既係....佢仲有好多我心水既日子availabe,冇人同我爭

!(不過呢間酒樓有一問題,就係新娘房冇洗手間架

)

2nd priority:  皇上皇(粵海酒店) - 揀呢間就最主要係因為佢個場細,15席就已經可以包全場,而且最多可以擺20席,如果我一下只請多左人,都唔怕坐得迫夾啦。但事關佢仲係under renovation,所以我未有機會上去睇下個場,但估計都唔會差得去邊。最後亦都係最重要,就係佢都算有好多日子俾我揀

,未算fully book!**(新世紀廣場~鴻運廳: 15席包廳,最多18席,可以考慮!!)

3rd priority:  映月樓(TST文化中心) - 其實呢個場算係average,但佢最大問題係4/F只可以擺到15席,如果最多開16席會係超級迫!!

我加下計左既人數已經打左8折都要15席,所以如果真係要o係呢到擺~~我都唔知邊算!!

好啦,我既行程係咁上下啦~~今個星期會搵日上去粵海酒店既皇上皇睇睇~~再作決定!!

呢排唔知係咪搞結婚既野,個人好sensitive~~成日少少野同honhon嘈,好唔開心!!

Read More

酒樓??酒店??

我今日開左個新既"分類",係俾我自己寫下由準備~結束婚禮呢個過程而設既。

平時去人地婚禮既機會已經唔多啦~~~今次仲要自己一個人搞,都真係幾頭痕!!

加上我身邊又冇乜有經驗既人士,最好既朋友仔又唔係香港喎~~~令我情緒上都幾波動(可能係因為冇人同我分擔啦)!

男朋友/未來老公仔/honhon,佢唔係唔幫我~~但佢事實上太後知後覺,由其對結婚呢家野更加係一d sense都冇,所以我下下都要做發出指令果個,叫佢做乜做乜。

而一開始準備結婚,唔駛問最重要係決定去邊到擺酒!!

酒樓好丫~~~~定係酒店好呢~~~

之後又要睇下自己有冇咁多錢,真係要個場好睇得黎,都要d野入得口架麻,點可以待慢左我d親戚朋友呢~~

本身我係好想好想係酒店擺架~~但太多人話d野真係唔係太好食~~

反而同等價錢,去酒樓擺會好好多咁話喎~~~加上男家果邊同男友本身都係較為喜歡酒樓,我就只好順從啦!!(但我未死心架~~)

搞左咁耐,我地(其實係我一個)揀左以下幾間,希望大家俾d意見我!!

皇上皇品牌: 帝廷酒家(TST北京道一號)/皇潮匯(TST中港城2樓)/皇廷酒家(TST粵海酒店)

聘珍樓品牌:荷里活廣場(鑽石山)/力寶太陽廣場(TST廣東道)

鴻星品牌:格蘭中心(TST)/海港城店(TST)/紅磡店(紅磡廣場)

美心品牌:映月樓(TST文化中心)/海逸軒

煌府品牌:旺角店(旺角道)/始創店(始創中心)

Read More

諗清楚未架??

呢排我又忙,又煩~~

講真,我公司都冇乜野做,我又點會因為公司野而忙丫~~

咁講,姐係我忙自己野啦~~~

忙乜??

hee~~~忙住準備結婚既野囉!!

係呀,我同男友打算結婚啦,但....但我身邊就有好多人叫我諗清楚!

其實叫我諗清楚

,係基於乜野因素呢??

1) 佢地覺得我未玩夠?

2) 佢地覺得我可以搵過個比呢個更好既男友/老公?

3) 佢地覺得我男朋友唔好?(換句話說,佢地唔鍾意我男友??)

4) 佢地覺得我同佢只係拍左2年幾拖就結婚,太倉促?

乜野因素都好啦~~~我好想我身邊既朋友登我高興,登我開心,而唔係不斷叫我"諗清楚"。

Read More

【保の物】KOSE ~ 清肌晶洗顏皂

唉~~我真係好懶~~咁耐先寫一次blog~~~

最主要係呢排老闆俾左d幾難既task俾我做~~~所以日日都忙到上網既時間都冇,何況係寫blog呢!!

到我得閒寫時,我又唔知寫d乜好喎~~

好啦,等我寫返個使用心得啦!!

如果有睇開我既blog既人都知,呢期我不段嘗試"洗面皂"啦~~~而今次我就用左KOSE:清肌晶洗顏皂

先睇睇官方介紹先~~

 

商品特長

@添加中日漢方植物淬取成份與洗顏皂成份，經過80日精製而成。每一塊清肌晶都是手工製作而成的精緻洗顏皂。

@如奶油般細緻泡沫能洗去多餘的皮脂及肌膚污垢，同時也洗淨肌膚的晦暗。

@給予肌膚所需的潤澤，洗後肌膚不緊繃，水嫩柔細。

@選用不刺激肌膚的洗顏皂成份，並且添加大量能潤澤肌膚的類似皮脂的美容成份。

 

美容成分

薏仁淬取液（保濕）

牡丹皮淬取液（保濕、柔軟）

當歸淬取液（保濕）

黃蓮淬取液（去除皮脂）

河原蓬淬取液（保濕）

睇完係咪好吸引呢~~~好啦,再講講我用後感。

其實我覺得真係唔錯啦,最少佢冇好似雪花秀 ~ 宮中蜜皂咁,令我生好多小粒粒。

加上佢既清潔程度都好高~~~特別係配合埋佢既淨透潔顏油(cleansing oil)。

(清肌晶仲有兩種其他既cleansing oil,所以唔好搞錯呀!!)

如果想試既朋友,可以好似我咁係拍賣網上面買返黎;而想買cleansing oil既朋友呢,就可以去TST龍城或各大化妝品公司都有細支賣,而價錢都只係around HK$40以下!!

好啦,講住咁多先~~~用完呢個皂,又要再try其他野lu~~~

Read More