幸運是我

之前因為打波既原故認識左一位朋友～～當時既我同佢都身處係失戀後傷心既狀態，所以大家傾起上黎特別投緣！

事隔半年～～再同佢傾計先知，佢由失戀傷心

＞識到另一個人而拍拖＞又再失戀傷心～～

其實由認識佢開始，我對佢既經歷同遭遇心感難過；相比起佢，我真係幸福得多！

半年前，我同佢同時認識同一位男性朋友（其實我應該係比佢早少少認識呢個人）～～而呢個男仔往往比人一種有學識、又風趣、又細心、又gentleman；需然其貌不揚，但比到人一種會安定既男子。但認識久了，慢慢睇清楚呢個人～～需說佢唔係一個壞人，但絕對唔係一個可以付託終生既人(at least at this moment he isn't)！所以，我好快就開始疏離呢個人～～而同時間比機會另一個真正關心我既男仔。

但可憐既呢個朋友，佢比我遲認識佢，加上失戀後既傷痛～～好快佢就比呢個男仔ｔｕｍ掂左做左佢女友！但快樂既日子只係維持左３個月左右，佢地就分開左～～最諷刺係，在我得知佢地分手前兩日，平日又唔比我撞到，而果日我又咁岩撞到個男仔同緊第二個女仔行街。

聽完個女仔講返件事我知～～我真係好想感謝神！！「神」需然曾經要我經歷失戀，經歷痛苦，但回故我之前既經歷相比起其他人真係微不足道！更重要既係，就算係以前既男朋友或今日呢個男朋友，他們兩都很疼愛我～～對我既愛絕對唔係玩玩下ｏｒ三分鐘熱度～～只係當時我不懂得珍惜！

所以我會為呢個女仔祈禱，望主能夠眷顧佢～～需然佢仲未係主既兒女，但我相信總有一日，佢會對主有一定既信任！！

祝你永遠幸福快樂！！

Read More

第一次，成功！！

搞左好耐，今日終於有時間upload我之前整蛋糕既相啦～～

今次係我第一次整壽包同cheesecake～～心情好緊張～～

而最令我緊張既係呢ｄ食物整左出黎，不單只係我同男朋友自己食，仲要整埋比佢屋企人食！！

講返點解我會整壽包先～～因為男友同佢爸爸係同月生日，咁佢屋企人請我去食餐好既，我點都要做返ｄ野孝敬下老人家麻～～諗來諗去都唔知買乜好，咪諗住有ｄ心思整壽包啦！

但煮食天份係零既我，我點會第一次整得好丫～～所以就搵左兩個朋友仔幫手，最後就緊係BINGO左啦～～

呢個係７星伴月包

個涵唔係一般豆沙，係奶黃包

做完比佢爸爸～～就緊係要整埋比佢架啦～～

佢話過佢都幾鍾意食blueberry，咁我咪試下整blueberry cheesecake過佢吃囉！！但因為呢個cake我朋友無出過手幫我～～過程．．．

簡直．．．唔講好過講～～

總之到最後，我都成功做到出黎～～而佢都話好好味，咁就得啦！！

我本人都覺得賣相唔錯架！！

Read More

點揀好？

我身邊的朋友成日話我好鍾意諗野～～

或者你會認為鍾意諗野有乜問題呢？而問題就在於我鍾意諗無謂野～～諗一ｄ會令自己唔開心既野～～

之前有人用呢個例子黎形容每個人處事既方法：

有一日，老師係紙上面點了一點
問個學生:「你見到咩?」
學生話:「我見到一個黑點」
老師:「點解你唔可以倒轉頭諗，我見到好大塊 好大塊既白色!」

我～就好似係果ｄ學生咁～～永遠只係睇到黑左果一點～～

好似琴日咁，我男朋友約我星期五放工食飯，但因為之前佢book左打波，所以同我食完飯仲要去打波～～而個場係佢book既，仲要book  20-21點

係我角度黎睇，我會覺得佢揀得打波（仲要係星期五），就唔應該約我～～加上佢揀既時間係咁夜，佢約我都只係想我幫佢〝聶〞時間，而唔係真係想見我～～對佢黎講，打波同我就好似亞媽同女友趺落水，你會救邊個先既問題～～

好多人都話，你唔好諗佢係搵你〝聶〞時間咪得囉。佢都book到咁夜，都係想一來可以同你食飯，二來又可以打波姐～～魚與熊掌，又點可能兩者兼得呢！事實又係咪咁呢？如果有早場佢會唔book 咩？唉，我都唔知～～但佢揀得打波，我情願返屋企一個人食飯～～因為我唔想覺得佢為左打波，而中間果段時間唔知做乜好，就搵我陪佢，感覺好難受！

我都想唔咁諗～～但事實上又做唔到～～因為到最尾，我都係只見到黑色果點既學生～～

Read More

BLOG名之由來

今日，係一個曾經對我黎講一生中幾重要既日子．．．

為左呢日，我地每年都會去赤柱一趟～～去回憶，去慶祝～～今日先發現，時間原來過得好快～～轉眼間又一年，但呢一年內我同佢已經分左手！

曾經佢係我一生中的理想，想過第一次真正戀愛就同佢共渡餘生，但世時又點會咁完美丫～～～

講返轉頭，點解會去赤柱呢～～

咪就係因為４年前佢係我準備返加拿大之前，仲決定緊去或留之前兩日，話想做我香港導遊帶我周圍去～～而佢就選擇左同我先去大尾督踏單車，之後再去赤柱行下傾下計～～佢話佢本身諗住果日會向我表白，但對香港唔熟識既我，見傾到就快１１點怕無車搭返出去市區，就係佢表白之前出聲話要走～～就係咁，佢就夾硬將佢想同我講既野吞返落肚但佢係一個大膽和進取既男生，為有將佢果ｄ說話係巴士上同我講啦．．．而我亦很快就應承左佢，做佢女友朋

果晚係我咁大個女，第一次有一個我又鍾意佢，佢又鍾意我既人對我表白～～所以十分難忘！而亦都很珍惜呢段感情～～

需然到最後我同佢無緣再一齊，而且現在我又原諒左佢，所以我真係好希望大家可以做返朋友，但佢又係咪咁諗呢．．．不得而知！

p.s. 唔知各位網友有冇留意，我呢個ｂｌｏｇ都係用６２０黎命名既～～事關我開ｂｌｏｇ時本身係想為掛念佢而開設～～但到今日，就算唔再掛念亦都唔想再重新開過一個ｂｌｏｇ所以就繼續ｋｅｅｐ住用啦～～

Read More

好忙呀～～～～～

呢幾日真係忙到連飯都冇時間食～～～因為之前太懶之過，將ｄ野留到auditor吹我交我先著手做！！

本以為今年個account唔會咁難搞啦～～點知今年仲衰過上年．．．

需然我呢個ｂｌｏｇ都冇乜人睇

，但我會盡量ｋｅｅｐ住寫～～

又要繼續博鬥啦～～

Read More