日本血拼之旅~~收獲篇(2)!!

今次輪到講下我係日本買左d乜野先~~

我比牛嫂嫂貪靚,所以美容護膚品我就比較買得多少少~~

1 - 休足時間 *行完成日街最岩用,我晚晚都要用佢先訓得著* : 新宿 松本清藥房 ~ ¥397(最平) ¥598(最貴)

2 - 止痛貼(熱) *男朋友話佢條腰行街行到痛,要買呢d野貼下,但就唔知有幾work* : 新宿 松本清藥房 ~ ¥840 (30% off) = ¥588

3 - 唔知乜野名堂,面連頸既既MASK *一盒5塊,一d都唔好用,又唔貼面,剪裁又差,係我既失敗之作* : 池袋 Rosemary藥房 ~ ¥599

4 - Smooth Erase Acne Whitening *一隻唔錯既遮瑕膏,但就比較貴,好多去日本玩既姐妹都有介紹過* : 原宿 ANIZ & TULPE ~ ¥2,000

5 - Shiseido Maquillage眼捷毛夾 *名副其實咁好用,比起Shiseido舊既捷毛夾扁,岩晒東方女性*  : 新宿 松本清藥房 ~ ¥1,050

6 - CHIFURE保濕精華液 *本人好怕亂買精華液,其中原因係好多買唔岩既精華液,因太過滋潤而令我油光滿面;但呢支保濕精華液價格實在平,所以我想試下。而可幸我真係買左,因為真係好好用,保濕之餘又唔會太潤,但我只係買左一支...* : 新宿 松本清藥房 ~ ¥630

7 - VISINE眼藥水 *呢支係for帶住con用既* : 新宿 松本清藥房 ~ ¥299

8 - dhc維他命C丸 *買左到加下仲未開黎食,效果如果,未知!* : 涉谷 松本清藥房 ~ ¥210

9 - Mandom BABY VEIL香髮噴霧 *呢支隻我超級鍾意,走前仲買支做後備。鍾意佢夠香,令我諗起係日本經過d日本妹身邊都聞到既香味。香港對呢方面既認知同需求仲好少,所以係香港唔駛止意買到,就算買到都係貴!!*  新宿 松本清藥房 ~ ¥698

10 - 送既粉底試用裝

11 - MAJOLICA MAJORCA (MJ) 捷毛打底液 * 我諗我唔駛多講好多人都已經認識呢隻牌子,同埋明白點解我會係日本買,因為平過香港買* : 新宿 松本清藥房 ~ ¥1,260

12 - KATE眉毛筆 *一直以來都只係用眉粉,第一次試用眉筆,效果ok帶出街都好方便* : 新宿 松本清藥房 ~ ¥699

13 - KATE眼線膏 *都係第一次用眼線膏,因本人眼皮極易出油,所以一直都唔敢畫眼線!!但so far用左呢隻眼線膏,都冇溶妝既問題,但由返工到放工,條眼線唔多唔少都溶左少少既,但唔誇張!* : 新宿 松本清藥房 ~ ¥nil

14 - JUJU Aquamoist透明質酸 *呢個牌子好好用,而呢支透明質酸已經係我第2樽啦!因為係日本買又係平少少,所以買定返香港用* : 新宿 松本清藥房 ~ ¥nil

15 - KOSE 清肌晶 洗顏皂 *唔多介紹啦,總之就好用啦!* : 新宿 松本清藥房 ~ ¥1,890 (30% off) = ¥1,323

16 - KOSE 清肌晶 Clear Lotion *之前未用過但見d姐妹講到超級好用而買,結果係真的超級好用,本人每天都用佢做toner* : 新宿 松本清藥房 ~ ¥2,415 (30% off) = ¥1,690

17 - KOSE 清肌晶 Prefect Cleansing Oil *除Fancl外我覺得最好用,而清肌晶係有兩款Cleansing Oil既,但我一直都只係用藍色樽呢隻,而黃色樽果隻好唔好用呢,我就不得而知啦!* : 新宿 松本清藥房 ~ ¥2,415 (30% off) = ¥1,690

18 - KOSE 清肌晶 毛孔熱粒黑凝膠 *去日本之前係網上見d姐妹話好用,用完塊面滑滑所以買,自己用完都覺得唔錯,可以當去角質咁用* : 新宿 松本清藥房 ~ ¥2,415 (30% off) = ¥1,690

19 - BIORE男士止汗濕紙巾 *有抗菌功效,男仔打完波冇得沖澡用都ok* : 涉谷 松本清藥房 ~ ¥199

20 - BIORE女士止汗濕紙巾 *peach味*  涉谷 松本清藥房 ~ ¥199

不得不提下各位姐妹,日本既藥房一到星期六日都會有折,不過間間做既特價品會唔同,所以要周圍格下價啦!!

寫左咁耐,手都攰埋~~~希望d資料對各位去日本藥妝店買野既姐妹有用啦!!

Read More

未到聖誕既聖誕大計~~

我又開始懶寫blog啦

,真係久唔久就咁~~

講返呢排忙d乜先,就係忙住買機票同book酒店去台灣玩!!

其實我同honhon冇諗過呢個X'mas會駛錢去旅行架,但...但....因為我d好朋友既關係,我點窮都要去返轉台灣!!

講返點解我個best friend會去台灣先啦~~就係因為佢好想好想係果到影婚紗相,所以迫住呢個X'mas就過去一轉。咁我又見從05年之後,我都冇再見我呢個好朋友,佢去得台灣我冇理由唔飛過去會佢架麻!!

同埋,我覺得人年紀愈大,就愈想多d機會同好朋友相聚~~見面都咁難,何況係一齊去旅行丫,所以咁難得既機會,我一定要把握!

唔知大家對坐飛機有冇要求既呢~~我就冇乜,我又唔怕坐成日出事既飛機既~~但honhon就唔係啦,佢好唔鍾意我為左平機票而坐d成日出事既機。

講真,就算下下坐大公司既機,都唔表示一定唔會發生意外既~~所以我唔會驚!!

講返今次~~

我又係坐平機!!

而坐呢架機最大最大目的就係,因為佢d班次真係又多又好,價錢又實惠!!

其實去台灣來來去去都係果幾間航空公司:中華航空,長榮航空&港龍航空; 而價錢都係由平至貴去排。

我就揀左最平既"華航";本身係早機去晚機返,但因為格價格左幾日,8點幾機(去到10左右)既位已經full晒,得返下一班既11點幾機(去到1點左右);而回程呢,我就揀左8點幾機(返到香港10點左右)已經係最遲果班。

本人覺得時間都好好啦~~上機前有咁多時間買d未買到既野,作最後衝刺!! (我好似話冇錢喎~~)

而呢個旅程最難得既係,我可以同best friend一齊係台灣count down迎新年

~~諗下都已經開心到震啦!!

Read More

日本血拼之旅~~收獲篇(1)!!

大多數既人去日本,必定買好多野返黎,而我地都唔例外。(話明血拼之旅,仲唔係駛錢咩,白痴~~)

先黎介紹wen哥同牛嫂既收獲先~~

A- Sano Outlet買既兩條裙    B- 築地買既男裝t-shirt  

C- 一間叫JeansMate既舖頭買既男裝恤   D- 係Beams買既男裝外套

E- Tokyo Disneyland 買既Stitch popcorn   F- 男裝香體噴霧   G- BB鞋仔兩對  

H- 船襪一對   I- Shiseido  lip balm   J- Burberry手巾仔6條   K- LV wallet 一個

L- 貼紙仔   M- adiddas男裝襪一對   N- Anna Sui 手巾仔2條  

O- Panasonic 4GB 相機memory card   P- 淺草買既Nikon相機  

Q- 係agnes b 買左8個keychain連信封   R- 雷門寺買長壽和平安符  

S- 再黎多6條Burberry手巾   T- Burberry Blue Label keychain 兩個連袋

U- Tokyo Disneyland 4個Pooh Pooh folder

1- 一堆係"二木菓子"買既零食手信     2- Jill Stuart香水    

3- Vivinnie Westwood & Anna Sui 手巾    4- 唔記得係乜...    5- adiddas女裝波鞋一對

6- Sano Outlet買既男裝agnes b 袋    7- Parco百貨買既boot   

8- Sano Outlet買既女裝agnes b手袋    9- 雷門寺買既人形燒    

10- "二木菓子"買既搽茶糖    11- 各大藥房都買到既"休足時間"貼

12- "激安百貨"買既Hello Kitty即影即有相機   

13- (Kitty相機上面) TokyoDisneyland買既巴斯光年水杯

Read More

定案了...我的結婚戒指!!

幾經辛苦,我終於揀定左隻結婚戒指啦!!

果日去到counter位,仲係15/16~~試完又試,都唔知要唔要好~~

個女sales又有少少好似"吹"我咁喎~~我一試完,佢就驚死俾人偷左咁,啦啦聲放返入櫃!!

我心諗: 大姐呀,我仲想試架,係咪見我買左唔想幫我換呀~~

加上自己真係一個有「選擇困難」既人,好怕好怕揀好左又想換,最後只好問下honhon,叫佢幫我決定啦!!

俾返我最初同honhon係會展揀左隻你地睇先~~呢隻既男裝,

honhon真係超級鍾意架!!

呢隻就係我地finalize既戒指~~好明顯男裝係比較普通,而女裝就靚好多!!

男仔果隻會做「車絲」,做左之後就唔會係"令"面~~

終於決定左啦,冇得後悔lu...

Read More

神呀!請給我多一間教會~~

有睇開我個blog既人都知,我係好想係教堂/教會到行禮既~~

但點知搵教會既問題,真係一波多折!!

首先有個教友俾左個專搞基督徒婚禮既電話我,間公司叫「樂林禮品公司」(英文好聽d,叫Joyful Garden)!!  果到d人好好,特別係果個陳小姐,佢好詳細咁回答我好多問題。

當我話俾佢知,我地一個信一個唔信,好難搵到教會~~佢話佢手頭上都有教會係for一個信同一個唔信既,所以冇問題。但幾間教會既location都一般,只有一間係尖沙咀山林道係最好。咁我就好似見到一線柱光咁

,叫佢搵日帶我去睇睇。

點知,某一個星期日~~我去左睇~~本來都好岩心水,仲傾到場地佈置添,但點知最後先知佢講果幾間教堂,星期六要守安息禮拜,到晚上6點後先可以交場~~

晴天霹靂~~我已經定左星期六晚要擺酒,點可能行到禮呀~~我只好失望地離去...

*山林道既教會*

Read More

左揀右揀~~結婚戒指!!

話說我同honhon11月頭去過婚紗展,仲買埋我地對結婚戒指添 (ref. 博覧: 行~~行~~行~~)!!

但其實我就唔係太鍾意對戒指,原因係我覺得佢花巧左少少,加上女裝果隻既"石"唔係太靚,所以一直都緊緊於懷。

但見honhon咁鍾意隻戒指,我諗住我可以就佢之餘自己都可以接受~~點知都係唔得!!

有見及此,我只好叫honhon同我去多轉PN,睇下會唔會試到一隻佢又鐘意,我又鐘意既款。

就岩岩既星期六,去左九龍灣果間睇啦~~

咁岩得咁橋,招呼我地既女仔就係係會展幫我地果個sales~~佢仲記得我當日係戴眼鏡添;唔知係咪我太靚呢

(妄想中...)!!佢見我地又黎,都估到我係心大心細想換款啦~~(因為係會展買果時已經係咁...)

最後,我地都係決定唔到換邊隻款~~(仲差d為左隻戒指吵大鑊添

)但好彩我地仲有(前後)14天可以換款,所以要係呢個星期內決定啦!!

本來想post相上黎問大家意見,先發覺兩次我都冇影到相~~~激死!!

希望再決定後,大家開心之餘,我唔會後悔啦~~

Read More

日本血拼之旅 : Day 7~Part B (完結篇)

{日本血拼之旅 : Day 7 (Aug 23, 2008) 六}

台場(Daiba)-->羽田機場(Haneda Airport)-->香港國際機場

唔拖啦,啦啦聲寫埋Part B先~~之前講到我地岩岩去到台場,又唔知香港果邊點,顧慮唔到太多,只好繼續我地既行程。

離遠已經見到既台場小香港,不過我地冇入去。

之後黎到Island Mall(總稱)!!有分唔同既名,左手邊既mall同右手邊果個mall係分別兩個地方。而台場一丁目街係其中一個mall入面既一條shopping既街道。

實在冇乜野好睇,而honhon原來一早已經target左要去Cats Living既店舖睇貓,所以我地就一齊去睇下有乜好睇~~

*個門口好可愛好吸引呀~~*

*呢隻係看門口的貓,但成日都唔o我地~~*

呢個地方入面,分別有賣貓貓用品&精品,亦都有一個只係同貓貓玩既樂園,但要入場費既(1,500yen兩個人)。見honhon咁想入去玩,wen哥就叫我地去,佢同牛嫂坐係出面等我地~~

因為影左太多貓貓既相,放唔晒咁多,只好放兩張上黎分享下~~其實入面有成50隻貓架,不過你要周圍搵囉~~有d太怕羞"lee"埋左,我走時先見到。亦都有d太細隻,仲係箱入面~~

而最好玩就係餵食時間!!因為好多貓會一次過出晒黎~~不過佢地好衰架,一食完就走左去,摸下都唔得~~

係台場足足玩左成日,因為出面落太雨,我地都想再周圍走lu~~見時間差唔多,係時候去飛場!!去到飛場先知,原來香港個風走左啦~~

我地如期返去!!

*見有champagne飲,整支黎飲下先~~*

*記唔記得我個新玩具"chick"呀~~佢要食布丁喎!*

*我地平安返到香港啦!已經係零晨1點幾~~*

日本

日本

日本

日本

日本

日本

日本

Read More

日本血拼之旅 : Day 7~Part A (完結篇)

{日本血拼之旅 : Day 7 (Aug 23, 2008) 六}

池袋(Ikebukuro)-->築地市場(Sukiji Market)-->台場(Daiba)

終於去到最後一日啦~~

因為之前果日食過一次築地食過返尋味,所以決定今日再食多一次先走。需然check out時間係12:00,但我地唔想行回頭路,所以一早起身影下相感受下周圍既環境。

*wen哥呢間房(位於12/F)係有露枱既,其他房冇

!*

同上次一樣,我地唔想攞住咁多行李,所以去築地途中(坐JR山手線)將d行李放左係濱松町站,再去築地(轉坐大江戶線)。

因琴日食左壽司,今日就食丼飯!!左揀右揀,揀左食「仲家」~~

*好多人呀~~~排得仲耐過琴日~~*

*「仲家」MENU

,一人一個丼,唔可以share(看圖識魚生)*

*其實係唔俾

架~~不過wen哥見冇人望到,快影左一張*

*又係要分開坐,你睇我地兩個幾快食完~~真係超好味,又鮮又多料(等佢地中...)後面係「仲家」條人籠,有好多人仲排緊隊~~*

等左15分鐘,個大食積終於出黎啦~~問佢做乜食咁耐,原來佢(wen哥)條友仔兩個人叫左3個丼

。學亞蘇講:「人都癲!!」講真,唔好話兩個啦,一個丼已經好飽架啦!!

食到咁飽,就行下啦~~

因手上有本東京地圖,某人話睇地圖近近地,不如由築地行去汐留啦!需然講緊只係一個站,但呢到係東京,唔係香港呀(唔係油麻地去旺角呀!

)~~最後,我地係行到痴晒肺既。

*下一站去台場!! 係汐留站坐Yurikamome百合海鷗線!!票價如下...*

*到Odaiba-kaihn-koen御台場海濱公園落車*

台場最出名係彩虹橋,但好可惜去到最東京之旅既最後一日,天公不做美,天氣忽然變冷同不段下雨~~

後來日本朋友仔Simon打黎我地先知,原來香港打9號波,有冇飛機飛返香港都成問題

。當時我地都唔知點算好,只好係到行下先等消息。

Read More