日本血拼之旅 : Day 4~Part B

{日本血拼之旅 : Day 4 (Aug 20, 2008) 三}

上野(Ueno)-->秋葉原(Akihabara)-->池袋(Ikebukuro)

兩個胃食仔一食完個天婦羅,我地就啦啦聲走去上野繼續買手信。

*到上野一定要去阿美橫町,人地未ready就影架~~*

*終於去到「百果園」啦,新宿果間成日遲開早收,激死!缺食生果好多日啦,快d食返件先~~(全部¥100/件,除哈密瓜¥200/件)*

*我好鍾意呢隻雞仔,你快d夾俾我啦~~(¥100/次)*

阿美橫町係一條shopping街,係呢到買乜野都比出面平,加上呢到真係乜都有~~上至「藥」妝店,下至小檔口都有!!

根據旅遊天書介紹,我地終於係「二木菓子」買〝食〞既手信!!果到真係好多零食賣,價錢又平,滿載而歸lu~~

*因wen哥&牛嫂有太多手信要買,佢地足足搞左個幾鐘先買完,4點幾先有得食午餐!*

大家睇相係咪覺得呢兩個丼飯好正咁呢~~但真係估唔到,其實係唔好味架!!我地各人都叫左唔同既丼飯,其他果兩個冇海膽既,好似話ok;但我食果個係有海膽既,真係難食到嘔!!

所以大家記得認住上面張門口相呀~~

算啦,難食都要食~~食完仲要去下一站秋葉原!!其實秋葉原係買乜呢?唔駛我多講都知,係好出名既電器街,所有男士去日本必到地點,亦係男士其中一個可以駛好多錢既地方!!

我都話架啦~~你睇,佢地兩個買到野啦!!兩個都係買相機~~

今日叫做買好晒手信,亦都去晒今日plan好左既行程,係時候返池袋食晚飯lu!!因之前做左少少資料搜集,所以今晚會去「竹取百物語」食豆腐shabushabu!!

*呢到既氣氛環境都幾好架,最岩三五知己,又或者係一對小情人黎傾計。*

*好美味既溫泉蛋,但要成¥500/碟(指定前菜,不論你叫幾多個餐每人都一定有一碟)*

*呢個就係本店出名既豆腐shabushabu~~跟豬肉*

*呢個係Sukiyaki shabushabu~~跟牛肉*

呢餐算係幾貴,唔講其他淨計蛋都收左我地¥2,000;而shabushabu既份量又唔多,叫埋野飲差唔多要¥5,000-¥6,000埋單,我下次都唔會再去。

Read More

日本血拼之旅 : Day 4~Part A

{日本血拼之旅 : Day 4 (Aug 20, 2008) 三}

池袋(Ikebukuro)-->淺草(Asakusa)

今日係咁多日行程黎講去得最多地點既一日,亦係最買得最多野既一日(可稱為手信日)!!

*今日好好天呀!!*

諗唔到食乜早餐好,行過一間「立食」麵店就入去試下啦~~其實我本人唔係太鍾意「立食」因為如果個人已經好攰,仲要企住食,都真係好唔舒服。

*「立食」意思正如其名,企係到食!!*

*d麵呢都係一d比較簡單既麵,都係俾d人快d食完!!*

唔駛15min就食完,起行向Asakusa(淺草)出發!而淺草最出名就緊係「雷門」寺啦~~

由「雷門」行入去,就係一條叫仲見世通既步行街。呢條街好多野買架,由其係日本既特色手信,都可以係呢到搵到!!

*靚靚Postcard!!*

*大福糯米糯滋(¥110/串)*

*Ice Cream Burger(¥300/個)*

*淺草最出名既「人形燒」,而木村家本店更係正中*

入鄉隨俗,我地經過左仲見世通就見到「淺草寺」,行入去就會見到左右兩邊放有求簽地方!!呢到求簽係好自便既,求完攞左支簽文,就自動自覺放返¥100入個收錢箱到。

*我同哥哥都求到「吉」*

*個個人去到寺廟必做既事~~飲寺廟水!!*

*有晒instruction架!!*

*大草鞋~~*

*走之前去返仲見世通既「三鳩堂」買人形燒,事關佢有獨立包裝(¥100/個)*

係「雷門」其實就唔只仲見世通呢條街可行既,間離淺草中央通都有好多正野睇同食架。好似下面呢間「老番屋」,黎兩次淺草都必定去一去呢間出品燒餅,睇住佢即整即食,超正!

*價錢唔算好平~~(¥100/個)*

我諗去得日本,你身邊既朋友唔多唔少都會叫你去一間十分出名既天婦羅店「大黑家」,沿住仲見世通向「淺草寺」一直行,中間會見到傳法院通向左轉,直行就會見到。但因為我地早餐尚未消化,我地只好留返下次先食啦!!

*呢兩個胃食仔,見旅遊書介紹「三定」既天婦羅好食,點都要試下喎(¥150/蝦)!!而事實係~~~唔好食!!可能係因為外賣唔係即炸啦...(自我安慰中)*

Read More

天文台呃左我~~

天文台今次真係玩野~~

4點先話6點前會改掛8號風球,點知到5:40都仲未改掛8號~~

我d朋友仔既公司好既就一早4點左右叫佢地走~~但我果個呢,到呢一刻都冇意識俾我早d走!!

最遲果個朋友仔,都5:30走得啦~~~我真係慘!!

Keep我係公司又唔係有野要做喎~~真係無聊。

佢都唔識體諒下我地要坐地鐵返屋企會好多人架麻,安排彈性下班時間都唔過份姐~~

好嬲呀~~~~

Read More

天文台呃左我~~

天文台今次真係玩野~~

4點先話6點前會改掛8號風球,點知到5:40都仲未改掛8號~~

我d朋友仔既公司好既就一早4點左右叫佢地走~~但我果個呢,到呢一刻都冇意識俾我早d走!!

最遲果個朋友仔,都5:30走得啦~~~我真係慘!!

Keep我係公司又唔係有野要做喎~~真係無聊。

佢都唔識體諒下我地要坐地鐵返屋企會好多人架麻,安排彈性下班時間都唔過份姐~~

好嬲呀~~~~

Read More

日本血拼之旅 : Day 3~Part B

{日本血拼之旅 : Day 3 (Aug 19, 2008) 二}

表參道(Omotesando)-->下北澤(Shimokitazawa)

呢個日本之行真係有太多野寫啦~~搞搞下寫blog既速度愈寫愈慢,到加下都只係寫到第三日(唉...)~~

不過我點都會寫埋佢既,做人唔可以有頭冇尾架麻~~

之前講到我地去左表參道行街,但點都搵唔到Burberry Blue Label,加上wen哥要去LV買野俾牛嫂,所以我地就走左去LV專門店!!最後牛嫂就買左個Wallet,因佢地有刻名服務,所以我地只好出去行個轉先返去拎。

呢幾日日本既太氣都唔係太好,又熱又落雨,我地都唔想去得太遠,所以只係行前少少去左GUCCI。點知,一入去就俾我敗左個Wallet(但佢就冇刻字服務)~~

行到差唔多時候,日本既朋友仔終於黎到啦!!(等左好耐呀大佬~~)我地二話不說就上左佢架車,佢就車左我地原先已決定左去既下北澤。一上車,不論男女都對車上面既GPS導航系統好有興趣,不段咁問朋友仔問題,又睇佢點set地點同埋指示點去~~

話咁快就去到下北澤,朋友仔泊好左車就同我地周圍行下~~下北澤比起新宿/原宿/池袋黎講,日本地道化d,意思姐係冇咁多大型商場同公司,全部都係細細間既鋪頭(有少少似Stanly Market)。

途中我地見到日本人最鍾意玩既Pachinko Machine,就立即請教一下朋友仔係點玩既!!佢入到去就俾左￥1,000同我地上左一堂(hahaa~~),唔駛問最就緊係輸晒啦!!

因為要行街既地方好少,所以行左半個鐘左右就已經行返回頭路啦~~加上又夜,我地就係果到搵左間「雷」居酒屋食晚飯!!

*前菜,好似d魚咁既野~~*                    *本地啤酒,好入口!!*

*係豆腐黎架,俾d木魚遮住左~~*               *新鮮(未經烹調)日本茄子,配納豆醬*

*豬肉絲salad,超好食~~*                           *新鮮(未經烹調)日本薯茄,下面用冰陣住*

*咸魚乾,送酒食最好~~*                           *其實係居酒屋好少叫魚生既~~*

*第二最愛,芝士奶焗南瓜~~*               *唔知點解會叫左Tamago~~*

*牛嫂同朋友仔~~*                         *就係呢間啦!!認住佢個門口啦~~*

呢一餐我地食得好開心,需然乜都係細細碟咁,但樣樣都好有特色~~而我地最buy就係佢門口有好多好新鮮好靚既生果蔬菜,夠特別(我相信呢個亦係「雷」既買點!!

食飽飽,朋友仔就車我地夜遊東京~~有車坐感覺真係唔同d!!加埋佢有個GPS坐陣,行錯路都唔駛驚(其實當晚佢真係勁行錯路,因為成日掛住同我地傾計)!!到11點左右,終於返到民宿啦~~訓覺lu!!

Read More