前陣子我買左又用左好耐既NARIS UP deep wash就黎用完,而對於我呢d成日想試新野既人黎講,緊係再搵過隻新野黎試啦~~
但我又唔想浪費錢而買一個full set既cleanser,所以就周圍搵d岩用既sample/tester/travel size黎用。
要搵sample/tester/travel size其實都唔係咁易架,因為唔係樣樣product都有細size,加上呢期我愛上玩"皂"~~所以搵既clenaser都係要"皂"類。
而第一隻試用既"皂"就係韓國好出名既『雪花秀』!
上面呢個,唔係actual size黎架,我成日心急用唔記得影相
呢舊皂叫〈宮中密皂〉,睇過好多姐妹既試用心得都話佢好好用,清洗得又潤又乾淨,用完皮膚仲好左添。我當然心思思好想試啦~~
黎睇睇〈宮中密皂〉既資料先:
- 東醫寶鑒 - 本草綱目 - 中記載具有清潔和柔軟肌膚作用的韓方中藥–玉竹、白芍及地黃, 再加入純天然橄欖油和蜂蜜, 以精煉的手工熬製成高品質美顏香皂。精選的成份配合40天的人手打造, 提供與眾不同的使用感與修護效果, 能給予細緻呵護之餘, 並能締造剔透晶瑩的肌膚質感。
從古到今, 香皂一直用作清潔肌膚之用, 雖然成份和配方各異, 但其出色的潔膚效果則備受肯定。雪花秀宮中蜜皂利用高貴的馬賽香皂製造方法, 以橄欖油及多種韓方中藥萃取精華, 以純手工製造出來的細膩泡沫潔膚。
早晚使用, 將美顏皂加水揉出豐潤細緻的泡沫, 由面部兩頰開始輕柔地按摩, 然後用溫水洗淨, 用後肌膚感到格外柔軟潤滑。 修護產品, 能改善肌膚血氣運行, 幫助締造清爽、細滑肌膚。
而我就一開4件,其中一件已經俾我攞左去用,呢張相係補影返既,所以少左一舊!而1/4舊其實已經可以用一個月左右,所以我覺得都幾化算。
宜家講講我試用感啦!!!
事實上,我用完皮膚仲差左~~
需然好多網友講過話成大大粒暗瘡,用完佢好快謝,又或者生少左好多油脂粒,但對我黎講反而係相反。
我日夜都用,其實用果一刻覺得佢好正架,因為有少少壇香味,連我亞哥見我沖完澡都問我用左d乜咁香。加上潔面果時,佢都俾到我果種好乾淨既感覺~~
但我唔明點解,用左一個星期左右,塊面愈來愈多暗粒(唔係全部油脂,有d係黑頭),個額頭仲成左好多瘡仔,去到做facial時仲俾人問我搞乜整到皮膚差晒!!
當然果一刻我冇諗過係隻"皂"既問題,我以為係自己做清潔做得唔好~~但過多兩日,我決定停用睇下有冇好轉~~點知暗粒問題真係改善左好多!!
講左咁耐,我總結得黎係~~
1) 呢隻"皂"唔岩夏天用,或者我冬天會再攞返出黎試!
2) 呢隻"皂"唔夾我,所以就算佢用中藥提煉,都對我冇作用!
所以睇過我分享,又或者諗住買既姐妹們,諗清楚先買~~又或者好似我咁,買個細size用下先,唔岩用都唔會肉痛麻~~
(講住咁多先,下次再分享另一隻"皂")