又成個星期冇寫blog啦~~~
事關我做既呢間公司又要搬(3年內我已經搬左兩次);作為亞四既我,緊係又有好多野做啦!!
而岩岩搬好,係新公司都有好多手尾要跟~~所以又忙左兩日!!
到得閒返,就緊係"hea"下啦~~~上下網,打下機咁囉~~
呢期我就愛上左玩逃脫game~~姐係o係一間房/屋/地方入面要搵好多線索先可以逃出。
經過咁多個game,我今次先介紹呢個Daymare Town1
Game Link: http://www.daymaretown.com/dmt1.html
我係公司用左一個鐘左右就過到關啦~~唔知你又得唔得呢??
「選擇困難症」呢句說話係我朋友同我講既~~
一直以黎我都唔覺得自己有呢個症狀,只係覺得自己成日三心兩意,呢樣又想要,果樣又想要;呢樣又想食,果樣又想食。
但完來我真係有少少選擇困難,亦都係因為咁,我身邊既男朋友都覺得煩~~
其實我自己都唔想咁煩架~~但次次要我下決定去買一d野既時候,我就開始心大心細。記得有次為左買波鞋打波,去左屯門睇完,又去旺角睇~~但去到旺角又心思思想返屯門再睇多次先買。最後我(前)男朋友不單只對我十分不耐煩,仲要講左句幾hurt我既說話!! 
除左買野,我次次去食飯又係會心大心細既~~見到個餐牌就樣樣野都好想食,搞到每次一係要男友幫我決定,一係就個個落晒單我都仲諗緊。其實honhon都有講過,叫我今次叫一樣野食住先,下次再叫另一樣野試囉,但我就偏偏樣樣食物都想一次過試晒!! 
當然,我呢d病症都唔係太嚴重,如果我諗野諗得簡單d就會冇事~~再唔係咪叫身邊果個幫自己下決定囉,係好係羞都接受。而且好好彩地,我對於揀男朋友係冇呢方面既症狀,又或者應該話因為質素參差,所以冇需要諗同選擇!! 
如果唔知乜野係「選擇困難症」,可以睇張柏芝既"天生購物狂",裡面既劉青雲都係有呢種病症!!當然,佢係嚴重好多啦~~
