之前係"返大陸買結婚飾物"既網誌中講過話係廣州好百年商場買左d手飾for影pre-wedding photo用既~~但我太懶既原故,耐到都唔記得我講過要補返d手飾相俾大家睇~~
其實都唔係好多要影,只係果次我去完廣州之後,我父母又心思思再去多次幫我買野(eg.頭紗,手飾,白色lace遮),以下就係佢買返黎俾我既"珠二成"。
係咪假得黎好真,而真得黎又好假呢~~哈哈哈...
同場加影~~買左N世都冇影過相既褂鞋!!
睇一邊~~
睇晒兩邊~~
呢對鞋係o係「蔡生」到買既!!我諗「蔡生」係邊個我唔駛多介紹啦~~
呢對鞋用料係咪靚野,當然唔係~~但就只係著一次既concept黎計,我就覺得好抵著啦!!因為實在太耐之前買,我都唔係好記得清楚幾錢,但就應該係HKD70左右~~抵到爛啦!
之前講到話我地係101大樓果到出唔到去夜市，只好返轉頭睇下果頭有乜食啦~~本心都打最壞既想法，應該會食food court，點知我地行行下仍然見到係mall既旁邊有街市喎!!
正呀~~~
我地幾個真係等都等唔切就衝左埋去"覓食"!!
呢個就係「臨時」街市
冇買到酥皮湯，反而買左呢好似魚旦咁既湯~~唔好食/飲架!!
之後再買左呢個巻,正!!
話好想食「臭豆腐」，成班人入面得我一個會食…所以
所以…我地兩個就買黎慢慢嘆…但點知
但點知…我被人"嫌棄"!!
講返舊台式「臭豆腐」，係一d都唔好食，同香港做法好唔同!!聞就好臭，但食就唔臭，加上台式既做法係加好多汁同埋係中間加d菜，勁怪!!
大家都食飽飽啦~~搵個靚位坐底等count down~~
嘩~~好靚呀!!
但開心過後…個地下幾dirty~~
只好影上半身啦~~
係台灣count down同香港一樣，走果時勁多人~~
但係台灣就比較慘，第一站與站之間相隔好遠；唔似係香港，如果TST上唔到可以行去佐敦，都唔算遠!!但係台灣，只係一個站就好似我由TST行去油麻地咁遠!!
最後，我同d朋友仔行左三個站先入到捷運站入面搭車返酒店!!返到去已經係凌晨3點啦~~~超辛苦的一天!!
之前講過我第一次接觸有關Nail treatment係o係Thailand~~
而係HK令我再一次接觸Nail treatment係因為要影pre-wedding photos~~
今次我再次接觸,係為乜呢?? 冇乜原因,純粹為左靚!!
因為之前好幾次整普通nail都好似"luck"色,所以好想做一d唔會令趾甲"luck"色既nail treatment~~
而因此好多朋友都會suggest我做gel甲!!但gel甲絶對唔係我杯茶~~原因有四：
1) 缷甲時要做buffing (聽講話會痛)
2) 做得多buffing趾甲會變薄 (姐係好易斷甲)
3) 唔可以自己修剪 (要帶con既我會帶唔到or除唔到)
4) 做一次gel甲需時2個小時或以上 (坐到patpat都痛)
基於以上種種問題,我只好另覓出路…咁做乜野甲好呢??有啦~~就做calgel啦!!
Calgel又名"有機透氣植甲",呢隻nail treatment係日本已經流行左好耐,係HK就少d~~因為HK仲hit緊gel甲!!
以我所知,我做開既T-nail都有calgel服務~~但始終呢間公司太大,次次make appointment都會俾唔同既師父我(除非成日去已有相熟既師父),品質好似冇乜保正咁。
所以我就把心一橫,搵間細公司做~~做來做去都係同一個師父會好d!! 但唔好以為就咁就ok呀,因為calgel係HK仲未係超級流行,所以好多師父都係做開gel甲兼職做埋calgel,如果係咁就比較危險啦~~
有句話叫「工多藝熟」,如果平時只係做gel甲,只係間唔中做下calgel,可想而知對方可以做得幾靚呢~~所以我要搵一間主要係做calgel既鋪頭仔!!
最後我終於搵左呢間係TST既Nail Station Calgel Salon,知到佢主要做calgel同埋睇過佢d成品都幾岩我taste,就膽粗粗打去book時間做nail啦!!
而成果係點??睇圖啦~~
需然我已經係做最平既"初次試做價",但加埋其他野~~埋單要HK$380。呢個價錢對d平時做開gel甲既人黎講可能係平~~但如果下次我再去做,就要俾返正價啦,都幾貴架!!
So far我覺得做calgel真係幾好,一來可以keep得好耐,二來又可以自己修甲,三來做既過程係超快,可以話係呢頭做完,果頭去洗手都冇問題,唔駛勁照燈!!正~~
分享完畢，多謝收睇!!
之前講過話我男友(honhon)搞左好鬼耐都未正正式式對我求婚~~
係我日日車輛轉咁不段提醒下,honhon終於係3月10日(anniversary)同我求婚!!
需然都唔係做得好好~~可能我又漸漸心淡啦~~最後都接受左佢今次既求婚。
咁今次佢又做左d乜呢??
首先,佢係九龍塘又一城book左張枱同我食飯!! (飯店：AMAROMO LITTLE ITALY)
因為果日係我地既anniversary,所以我自己都整左d野俾佢,係一張card!!咁我地點完菜,我就攞出黎俾佢睇~~
到我俾完佢,佢先"施施然"咁囉張card同埋一束花俾我~~
啦~~唔好以為佢係一早訂束花,放左係飯店!!又或者以為佢一早攞係手上!!佢果束所謂既花~~~係好好好「細」束,人手做既花。(唉,其實還dim都係整,點解唔整束大朵d既呢~~)激死…
不過算啦,見佢一番心意~~
到張card喇。係張card到佢唔係寫左好多野,只係最尾佢寫左句,"Would you MARRY me?"但我覺得都係要講出口先正式,所以我叫佢問多次~~最後(係我提點下),佢用好casual既口吻,攞住隻戒指同我講,"Would you Marry me!"
可能我自細睇太多愛情小說,往往會幻想將來自己另一半求婚時會有幾浪漫,我會有幾感動~~
但現實中,我真係一點感動既感覺都冇.....
是好?是壞?都唔到我再去諗,只好接受~~(忽然感覺好悲涼)
*我所講既果束花「仔」,同埋card*
*必送小食(碟入面係Olive Oil + Vinigar)*
*Caesar Salad*
*呢到既照牌Pizza(味道一般)*
Related post:
買野、掃貨、大減價﹗
馬拉松開倉大減價
日期：由即日起至29日 (16/4 ~ 29/4)
地點：長沙灣廣場II期5樓 (荔枝角地鐵站A出口)
時間：星期一至五 (11:30 ~ 20:00)
星期六、日 (12:00 ~ 18:30)
Levis大減價
日期：由17日至20日 (17/4 ~ 20/4)
地點：全線門市
*部份貨品低至二折!!
上次講到有件搞笑事發生，就係正當我地坐捷運去酒店時發生既。
話說係車廂入面，
係到傾計~~傾傾下坐我地對面既一個女人開口問我地係咪香港人(當然係用國語問啦!)，我地話係，佢就開始問我地諗住玩幾耐~~我開頭都有少少猶豫，唔知點解個女人會問咁多野，但見佢好似冇乜惡意咪又回答佢囉。
點知佢就搞笑地問我地搵左地方落腳未??我心諗，黎得玩~~緊係一早搵左地方住啦!!我話已經book左酒店啦，佢仲係繼續咁問我間酒店o係邊，仲話其實佢屋企有空房，可以俾我地暫住。(到站落車時)佢見我地同佢同一個站，所以仲係不繼咁叫我去佢到住，又話佢屋企乜都齊晒，只係佢d子女大左出左去住，所以間房空左出黎.....
其實當時我地有少少驚又少少唔知點做好~~只係不繼咁話已經book好晒酒店，錢都俾埋。個女人仲以為我地怕佢呃我地，仲係咁講係咁講~~
到最後我地緊係冇跟到個女人啦，一上到平台就啦啦聲拖喼走~~
到底呢個女人係咪呃人??定係台灣人係好"好客"既呢??真係不得而知啦!!
我地間酒店-->百利飯店(好近捷運站,一出站行5分鐘就到)
呢間係「雅致客房」,要NT$1680一晚,張床好舒服架!!
講返我本身約好左係TAIPEI 101到meet up既,但我見仲有時間，所以就去左轉台北車站睇野。
差唔多6點幾啦，見有d肚餓~~食d野先!!
都幾好食架，價錢合理!! 不過等得耐少少~~
打黎吹我啦~~本來想係呢到再搵下野食都唔敢，只好啦啦聲坐捷運去101。終於，係101見到
,不知幾開心~~跟手我地都上埋TAIPEI 101既觀景台；成人正價要NT$400，但因為我之前坐過高鐵，憑票可以有NT$50既rebate，姐係我只係俾NT$350就ok啦!
&
(miss you so much, babe~)
我既攝影技術幾勁~~(只限影人地張相jar....)
& 
&
一對好可愛既情人~~
&
行完呢到,仲可以行落下一層~~都有d野睇!!
其實我地唔係想影鞋架~~係想影地板，we are standing on top of the cloud
d 雲會散開架~~你睇，下面就係台北市啦!!
好啦，睇完晒就諗住去夜市到開餐~~但點知度來度去都冇一個夜市係近101既。最近既係饒河街夜市，聽聞果個夜市d野食仲幾好食添，好想去。但點知當我地行近捷運站，已經見到好多人龍不繼向TAIPEI 101進發~~有見及此,我地覺得如果離開左可能分分鐘返唔到去添，所以只好返轉頭，留係果到睇下有冇野食啦。
#註
