o係男家敬完茶食埋盤菜又係時候出發出酒樓喇，食飯時間我只係小休左一陣(我諗半個鐘都唔知有冇)~~ 其實我全日都同d朋友仔講，我唔知自己o係到做緊d乜，我身處邊一到，只係覺得自己好似唔belong o係到，感覺怪怪的…
4:00p.m. 又係時候出發啦!!
晚宴地點係鑽石山既聘珍樓，位於鑽石山廣場二樓~~ 通常如果坐的士去，司機會停返o係巴士/的士站(姐係商場下面/地鐡入口出面)。但因為我book第二架花車既時間可以夠時間車埋我地出鑽石山，而司機又唔可以入的士站/停車場，我只好o係路邊(Mark & Spencer偏門)入~~
下車後最快既方法就係walk through Mark & Spencer直入商場入面1樓。而當時我仲係身穿裙掛，紅噹噹咁行入商場…一入到去d人勁望住我，超樣衰；我個伴娘仲笑笑口話咁咪好囉，全場注目喎~~
我用最最最快但又唔係跑既速度離開現場(我唔跑係因為我全身都仲帶住d金器，而之前又試過跌左出黎，所以怕怕~~ 要小心為上)，反而老公仔就慢慢黎，好似好enjoy俾人望咁，激死!!
4:30p.m. 唔係好多工作人員到達，但化妝師 Irene就已經黎左!! 不過媽咪一早講左要我著返裙褂敬多幾杯茶先好轉妝，所以 Irene都只係同我做返少少touch up!!
可能因為我唔駛o係酒樓簽紙，而親戚朋友們都唔係好「好」打麻雀，所以等同d來賓同長輩影相既時候我就冇休息，繼續幫手set up場地。點知聘珍樓既manager見我咁辛苦行來行去，走黎同我講﹕「新娘子，你唔好做啦~~ 叫人地做啦!! 你今日應該好好enjoy，有時間就休息下，唔駛乜都親手做架。」俾個manager咁講完，我立即感觸良多~~ 講真我都好想休息，但我眼見好多野d姐妹兄弟們都拿手唔成世咁，我睇唔過眼麻。
到左5點左右，我見主要既姐妹們又未到，連父母都未到，心情開始不安~~ 不過好彩，佢地都5:30左右到逹場地。我都鬆左一口氣~~ 開始進入迎賓狀態!!
Backdrop我地用返聘珍樓送既decoration，very simple!! 因為之前同界字果個人communicate唔到，我地好驚佢做唔到我地既要求，所以訂做signature board同時都訂多個wedding logo board。因為見佢放o係backdrop上既字都ok，所以多左出黎既wedding logo board就放左o係結婚相上面；但點知d兄弟傻到唔用返教會用過既decoration黎粉飾一下個相架，搞到好似好怪咁。
不過好彩聘珍樓entrance既兩支柱都好靚，幫補返唔少~~
唔知大家仲記唔記得我係做左好多DIY wedding stuff，而其中一幾樣就溶入o係枱上既decoration上面。 因我個wedding theme係「綠色」，所以我provide埋一張印有我既wedding logo綠色tissue paper。呢張tissue papar仲要係我由加拿大空運返黎 (其實冇乜特別，純粹係因為呢隻綠色我o係香港搵唔到)~~
而小禮物就係枱上面一盒一盒既奇華嫁女餅，而盒入面其中四個有我親手編織既「魚魚電話繩」。
我張簽名板經過下午行教堂已經fill up左一大半啦!! 其實係可以簽o係我條裙或老公條褲上面架，但唔知點解冇人咁做!!
有冇留意我既centre piece呀?? 係pom-pom ball黎架(自己diy)，不過攝影師冇影到正面!! 而張table card亦係diy作品，因冇影到正面，其實正面係table number!!
聘珍樓logo好grand，同平常酒樓比變得好高級。其實聘珍樓本身都係一間較高級既酒樓，由門外到門內都唔會有一般酒樓既感覺，好正!! 加上聘珍樓本身既裝修設計都偏向古色古香(例：多木擺設 / 多陶器擺設)，本人偏向喜歡咁樣既型格!!
