我和honhon有個約會

MAY 15係我honhon生日既大日子~~~

為此,我緊係要做定d功課啦

因為我地事先傾好,每月去一次buffet,所以今個月同佢慶祝都係食buffet!!

今次就去左海景嘉福(InterContinental Grand Stanford),因為上次同屋企人去過一次,有信心保証,所以今次諗唔唔駛諗就去呢間!!

加上我極愛佢既長腳蟹同埋勁大鮮帶子,加上果到既十分體貼服務

(其實係餐廳o係每張枱都設有夾、剪刀、濕毛巾之服務), 仲有人自彈(Piano)自唱,好好feel架!!

除此之外,最緊要係我有discount!!!

因為有張card,我可以有50% off。換句話說,我只係俾一份人既錢,就可以食兩個人既份量啦!!

但百密一疏,我忘記左準備生日蛋糕俾honhon,所以去到同reception講,問佢可唔可以臨時幫我準備個蛋糕。佢地用左好短時間,已經同我安排好一切!!

仲要好細心咁問我要寫d乜野字係上面添~~

到最後,因為我一早同honhon報左案話唔記得安排生日蛋糕,但點知佢去完toilet返黎又見到有喎,所以佢當時係呆左~~

而又勁開心啦!!

之後最正既係,果個reception既女仔同我講,佢話送左個蛋糕俾我地,開心到我丫~~~(因為到最後,我地又食又拎~~~埋單都只係$400有找

,不過我都好識做地俾左大啦啦$50蚊有多既tips架

)

忘記一提,果蛋糕係cheesecake,仲要係勁好味果隻!!

海景嘉福(InterContinental Grand Stanford)www.hongkong.intercontinental.com

Read More

《柴犬奇蹟物語》&《四川大地震》

今個星期二,去左青衣睇《柴犬奇蹟物語》(粵語),分別由梁家輝、梁詠琪、孫耀威、胡楓、Jacky仔聲演。

其實未去睇之前,我係唔知個故事係講乜既,只係知有隻好好好可愛小狗(柴犬)保護住佢d仔仔女女~~

但睇完之後先知,原來係因為地震,令收養小狗既一家陷入險境~~而小狗為左救出主人,不顧一切,找盡方法。但最後亦因為其中一主人嚴重受傷,無法帶小狗一家離開災區!!

故事大綱

改編自真人真事，2004年10月23日下午5時56分，日本新潟縣發生6.8級地震。石川家的爺爺優造及小孩阿彩，受了重傷被困在瓦礫中，就在此時他們聽到了家中柴犬麻里的聲音，牠更不顧安危，一邊照顧自己的孩子「包」、「剪」、「揼」，一邊叫喚優造和彩子給予他們生存的勇氣。最後自衛隊趕到把所以居民救了出來，可是卻遺留麻里和三隻小狗在災區 !

在沒有食物下，麻里仍然盡力守護著三隻小狗，在避難所的阿彩和哥哥亮太得知暴風雨快來臨，兩人決定開始展開他們的拯救計畫！究竟麻里和小狗們可以獲救嗎？牠們跟石川家的家人可以團聚嗎？

一邊睇呢出戲,我一邊不段流淚,由其到選擇人與狗之間的生死,真係心如刀絞~~

而最慘既係,我睇都只係睇戲~~~但咁岩四川係5月12日發生左大地震,正正同呢出戲好相似!!

睇完出戲,加四川災難既圖片,你會更覺真實。因為地震過後,到處都係房屋碎片,人,可能看不見,但只係因為佢地被埋藏係瓦礫碎片底下!!每天睇到報章,電視報導四川災情,真係勁心up~~~個個都喊到收唔到聲!!

唉,講講下~~我都開始眼濕濕~~

Read More

【保の物】泰國孖寶:CLINDA-M & CLINDA Natural Scar Gel

好耐之前已經勁想寫呢篇野,但成日有其他事發生,轉個頭又唔記得咗~~

其實係上年8月尾我去泰國,已經首先試用左CLINDA-M既暗瘡水,果時呢支野都係岩岩hit左冇耐(好多香港人同台灣人去晒掃貨),所以去到泰國都要搵左幾間藥房先買到!!

你知啦,去到泰國日日晒太陽,又勁食海鮮同酸辣野,好難唔生瘡瘡架麻~~咁好彩,我去到泰國第二日就已經買到呢支野,當晚仲即時用添~~

功效：

暗瘡水 - 內有成份為Clindamycin Hydrochloride (1%) = Dalacin，醫生常用治療暗瘡的其中一種處方藥物。它能將暗瘡去紅消炎，當感到暗瘡開始想生時就用，消炎又殺菌，令暗瘡加快凋謝；又可以清潔粉刺污垢，它通過剝落死的皮膚細胞和清除毛孔防止身體粉刺形成。

需然我覺得佢既效力冇傳聞中咁勁,但經我早晚一滴係d瘡瘡上面,唔經唔覺d瘡瘡都細粒咗。但以我經驗所得,其實d瘡瘡需然係細左或表面上睇黎好左,但其實佢仲係到,所以我最終根治方法都係要"芝"返個頭出黎!!

但唔知係咪用耐左既關係,我開始覺得呢支野唔多work,所以加下我都只係當佢係一支消炎藥水咁搽!!不過有一支旁下身,都幾好既~~

而另一支叫CLINDA Natural Scar Gel就差d啦~~~之前見d人講到佢去印好得咁,而我果次去泰國又入唔到貨,之前見有朋友去開咪托人幫手買返一兩支囉。唉,諗住同一間廠出,都唔會差得去邊啦,點知呢支野真係冇乜料到~~

我用左成4-5個月,都未見d印有好轉,反而我諗我用aloe可能仲好d添!!

所以總括黎講,如果有姐妹去開泰國又想買呢兩支暗瘡水&去印膏,我會highly recommand只係入幾支暗瘡水好啦~~支去印膏呢,我就覺得無謂"side"錢囉!!

CLINDA-M暗瘡水 = THB 58/HKD 14.70 @0.25

CLINDA Natural Scar Gel去印膏 = THB 49/HKD 12.30 @0.25 

咁平,想買幾多都得啦~~

Read More

明珠台：2008 NBA 季後賽 - 侯斯頓火箭隊 vs 猶他爵士隊

呢期Pearl開始播nba playoff series~~~

咁岩呢個星期六播Utah JAZZ vs Houston ROCKETS~~呢場最後一戰,

真係慘不忍睹!!

我咁講,姐係Rockets衰左啦~~~

只從"明哥"佢傷左之後,佢地都冇乜點win過~~最搞笑係,因為我好耐冇乜點追nba,好多人既名都唔多記得,又或者唔係太識!!但點都估唔到,原來以前成日睇既Mutombo都仲打緊nba,等我仲以為佢一早退左休添~~~

我以前覺得佢都幾好波架,但始終佢老啦~~加下做左大後備,真係慘~~

就係咁Utah beat Houston 113-91, end 左Rockets' season啦!!

我check左,黎緊5月10日冇得播nba,可能要格個禮拜先有得睇~~

Read More