婚禮首飾=金器篇=

其實金器就買左好耐啦~~但一直都冇機會寫呢篇blog~~

今日見公司唔忙，老闆又出左trip，就攞返張相出黎寫下啦!!

呢d金器呢，係買金果日一買完即影既~~有其他金器做背景，感覺好似好「豪」咁。

話時話，唔計今次，我亞媽其實之前買左金器俾我架啦!!但因為俾我發現左佢買既金鐲勁"幼"同埋冇款~~嘈左佢一輪之後.....最後，由我屋企最偉大既「爸爸」決定要"加碼"買多d金器!!!

**第一&第二次買，都係去返"六叔"~~媽咪做左VIP手工會平d咁話喎**

唔知做「女」既你地有冇面對我一樣既問題呢??就係同亞媽講"金"or講"錢"就一定會有意見既問題!!

好似今次咁，我見佢買既金鐲真係勁"幼"同埋冇款，亞媽就會話我唔俾錢佢，佢邊會有錢買靚d既野俾我!!

但其實d亞媽應該知，佢唔會冇錢收囉~~~現在冇錢係因為未過大禮姐(姐係未收禮金)!!加上大日子當晚佢都收返晒d人情啦~~點會冇錢呀??

就係咁，我次次都會同佢有意見既出入~~如果加埋當日心情唔好，一定嘈交!!

我真係真係好想父母了解下我地做仔女既，由其係接近結婚既日子，必定有好多駛費架啦~~真係唔好同自己仔女計到咁足囉!!

仲有，我同honhono係結婚前半年買左樓!!講真，由買左樓開始就已經個個月供樓，根本唔會仲有錢儲到囉~~佢地又冇話幫手俾d首期咁樣...乜都係我地兩個搞dim!! 我只係想佢地唔好咁多要求，同埋睇諒下姐~~

有時同朋友仔傾開，人地又係結婚!!佢地唔駛租媽咪衫~~又唔駛買太多野過大禮~~又或者係人地父母會幫手俾酒席，等d仔女過左大日子先慢慢還!!但我就一樣都冇...

乜都自己兩個搞dim~~好慘呀!!

唉~~發洩完~~又要繼續prepare BIG DAY既野~~~努力呀!!

Read More

唔match wedding theme既婚娘花球

去完我既加拿大之旅反港後，要繼續做埋我大日子既事~~

而第一樣就係開始搵花球!!

其實我prepare大日子既野呢，成日都係呢到做d果到又做d~~冇晒order架!!所以其實我好早好早之前已經搵過一d花球既資料。

但真係我講既做d唔做d，所以到現在又要做research就好似從頭做起咁樣!!

不過呢，我就好好彩~~係我未去旅行之前就去左8月份既婚紗展，而係果到我已經訂左新娘花球!!

我本身target左兩間花舖，一間係Trinice Flowers，另一間係Agnes b.。

Trinice Flowers既price係hk$998(for plan A only，如要揀再靚d既花球要多d錢join plan B/C)包：新娘花球x1、新郎襟花x1、主婚人襟花x4、兄弟姐妹襟花/手花x10

而Agnes b.既price係hk$760(only for the one I picked, different bouquet different price)包：新娘花球x1!!如果要埋新郎襟花呢，要俾多hk$120~~姐係total要hk$880!

但真係估佢唔到，今次honhon好大方，我係會展行來行去都決定唔到之制，佢話：不如join Agnes b.果個啦~~話晒有牌子，你用起上黎都開心d又靚d(講到我好似港女咁....只係要名牌野...哈哈哈~!)就係因為honhon既大方(但其實係我俾錢架....)，我就join左Agnes b.啦~~ 而個花球仲要係橙色既蘭花...同我個theme勁唔match...但我就係貪佢夠搶眼!!

講到呢到，你地一定覺得我都訂左花球啦~~仲做乜野research呢??

其實現在最大問題係未搞掂伴娘、伴郎、主婚人&兄弟姐妹!!我唔可以只係一個人靚晒佢地有架麻~~但我又affort唔起全世界同我一齊用Agnes b.喎~~咁點好呢??

本身，我有一個絲花花球諗住用黎toss既~~但我見個花球太大個~~所以去旅行前行左一轉筍岡買左d絲花諗住將現有既花球一變二，俾兩位伴娘用!!但伴娘有花，咁伴郎都要有襟花麻~~呢樣就真係考起我!!

睇過人地做DIY花球&襟花，我發現襟花係好難整，自問真係做唔黎~~咁點好呢??咪要上網訂做兩個相類似既襟花黎match返伴娘既花球囉!!

好喇!當伴娘伴郎搞dim~~咁主婚人&兄弟姐妹點好呢??仲有我要toss既花球又點好呢?唉~~又要再搵資料啦!!

(待續...)

p.s.因為果日join Agnes b.花球時，已經接近人地收工時間，唔記得影相~~所以如果有姐妹係有去過又有影果個"橙色蘭花"花球既相，請幫我在回覆中貼圖.....萬分感謝!!

Read More

第四次：為好朋友的婚禮而整的"櫻花甲"soak off gel

甲就整左成個月架啦~~但因為準備去加拿大既原固，遲遲都post唔到相~~

我返左黎就緊係要一次過update返晒d野啦!!

首先，我要show俾大家睇下我為左個好朋友婚禮而整既甲~~

好朋友婚禮主題係"Cherry Blossom" (姐係櫻花)

所以我既甲都要match返個主題!!

而今次我除左做soak off gel之外，仲加多左用噴槍~~

先用白色加閃粉做底色~~之後就用噴槍噴d櫻花既圖案~~

最尾細e仲用手繪既方法，加左少少wavy line~~成個過程好多個step呀!!

講真，呢d花花既圖案始終唔係我杯茶~~所以我只會做一次咁多，以後唔會再做呢個款~~

需然細e今次油個白色底唔係油得太靚(姐係唔貼甲,仲見到本身既指甲)，但不得讚細e真係一個好有耐性既人~~做咁多個step既甲都唔會炎煩同辛苦，仲好好心機同我用手繪幫d花瓣圍邊。

好快又要再去整過另一新款~~為著婚禮做好準備!! yeah~~~

Read More

告假通知(04~16/09)：返HOME TOWN加拿大 (so call Pre-honeymoon之旅)

我11個鐘後就要上飛機啦~~~要去加拿大做好朋友既伴娘，心情好緊張呀!!

話晒我返左香港做野5年幾6年，今次係第一次返去~~好多朋友要見!!

最重要既係，返加拿大呢程駛我地駛好多錢呀~~所以我同honhon就當佢係我地既honeymoon trip不過係Pre-囉~~

好啦...繼續執野先~~~要過一排先寫到blog lu~~

 

Read More

富圖視覺~~出發篇+花絮!!

嘩~~嘩~~嘩~~

又再上大陸影相啦，需然之前已經影過一次(叫做)有d經驗~~但我發覺，原來我都係準備不足既....

因為係影內景，所以唔駛太早上去﹔約好左兩點鐘影相，早少少去揀衫化妝都ok啦!!

好……出發吧!

今次我係由元朗出發既，第一站就緊係要搵方法由元朗-->深圳灣口岸!!而元朗係有巴士(B2)可以直逹深圳灣口岸既。

一落車就見到周圍都係巴士站~~

跟住指示向住「深圳」呢個牌既方向一直行，就到逹深圳灣口岸架啦~~

話咁快就過左關啦~~由上巴士到過關都只係用左半個鐘左右~~快到不得之了!!正~~(最開心係人又少，地方又乾淨麻)

過左關呢，又係一直行就會見到的士站!!

由上的士到「富圖」大概要RMB30以下既車錢~~但我問過d工作人員，佢地話RMB20都到架啦~~但我地又check過個司機係冇兜跟喎....所以都唔知邊個岩lu。

如果司機好似唔係好知地址呢，加多句話果到有「麥當勞」佢就一定識架啦!!

「麥當勞」一下車，向前100米左右望就見到下面既building~~

行近d再影多張相先~~呢到幾靚架，唔覺得似返左大陸~~周圍見到好多外國人呢!!

入到個building上二樓~~十室九空既~~但我見好多間都有人做緊裝修，見到個名好似成層都係婚紗攝影公司!!

好野…到左「富圖視覺」既門口!!我要入去涼冷氣呀~~好熱呀!!

入到去reception既小姐(跟我地單既叫Grace)就出黎迎接我地~~休息一陣之後就揀場景、揀衫、同化妝set頭。

我既第一set裙同妝~~

本身只係兩個女人傾計(我&化妝師)，點知其他人見我地傾得咁開心又走埋過黎一齊傾﹔變成四個女人一個墟~~(白色tee果個係新娘服裝師，紅色背住係新郎服裝師)

honhon咁耐以黎，影得我最靚既一張相~~好有"水禾田"feel呀~~~(haa...)

我第二個做形~~超鍾意條裙~~

第三個做形，都係最後一個~~

影完相都成八點lu~~比預期遲左兩個鐘~~而中間亦發生左小小問題，因此影響左影相既心情。內情係點呢~~~下回再講!!

人物介紹：

攝影師 ~ 王子 (Prince)

助手 ~ 亞友

化妝師 ~ 舞舞

服裝師 ~ 大鑊...唔記得!!

Receptionist ~ Grace

Read More

人人都話好既..............「筍崗」!!

有睇開講wedding blog既blog友，應該對「筍崗」呢個名字一點都唔會陌生!!

係人都知去果到執平野非常好啦~~咁其實要去「筍崗」應該點去既呢??

今次就等我講一講點去先!!

其實步驟十分簡單~~

首先，就緊係搭火車去「羅湖」然後過關；過左關就叫做「深圳」。(我係咪無謂左d呢，咁都要講....haaa)

其實現在過關都好簡單架啦，因為一過左關就係一條地下通道…一直行就係買火車飛去東莞呀、廣州呀、之類既地方。

而沿住個通道一直行，會見以下既指示(去的士站)：

而去「筍崗」最方便既方法，亦只得呢個，就係坐的士。

好啦，行行下呢就會見到以下既圖﹔但就再見唔到的士站既指示~~因為如果你望遠少少，就會見到7-11旁邊就係的士站!!

搵到的士站就緊係啦啦聲排隊上車~~

由「深圳」到「筍崗」，車程只需要RMB20~~如果遇上多車呢，最多都只係RMB22~~

**特別要留意!!FOR好少返大陸既朋友仔，當你行近的士站時，會有好多男人上前問你係咪要坐的士~~果d係私家的黎架，姐係冇的士牌唔會起標。如果遇上呢d的士而你又好想坐的話，就一定要同佢地講好價錢先好上車。不過我自己就一定唔會坐呢d私家的囉!!**

上到車，只要講出要去既目的地「筍崗文具批發市場」(可加多句：寶安北路既「筍崗文具批發市場」) 就ok架啦!!好多司機都識去~~

「筍崗」一共得3層~~如果覺得只得3層格檟唔夠呢~~可以去埋隔離既「百隆文具批發市場」!!兩個場賣既野差唔多~~

下次先補返我既戰利品圖片啦!!

Read More