【保の物】世界上最好的………潔面霜 "EveLom"

早前一次過買落好多好多東東~~ 今日就先分享其中一樣 「EVE LOM 洗面膏」!!

還未識認呢個品牌既美人兒，讓我先介紹一下吧。

          Eve Lom被譽為「潔膚女王」，出生於捷克，80年代初認識了荷里活的著名皮膚專家Georgette Klinger，由此開始了她的美容事業。而 Eve Lom這個現在已經成為傳奇的美容品牌，也就是在荷里活開始累積了眾多忠實擁護者。

          隨後，Eve Lom移居至倫敦，研究解剖學、營養學及身體按摩等技 巧，並到中國學習針灸。

          Eve Lom 獨特的護膚品系列以其皇牌卸妝潔面霜為基礎，這款產 品更被時尚雜誌《Vogue》譽為「世界上最好的潔面霜」。對Eve來說，塗於皮膚上的東西越少越好，她所推介 的護膚系統簡約有效，強調清潔及去角質，這就是Eve Lom的美肌之道。

我亦因此而買了最出名 -- 「世界上最好的潔面霜」來體驗一下它的功效。

先買一盒100ml的Cleanser (HK$850)

因唔想waste左郵寄錢，點都要買多樣產品，就買Starter travel set (HK$400)啦

大合照一樣：Cleanser 100ml (+ Muslin cloth)；Starter Set (Cleanser 7ml x2、Rescue Mask 15ml、Moisturiser 15ml、Muslin cloth)

落單到收到貨品前後不用一個星期，客顧服務很好呢。而當我收到貨品就立刻試用，直到現在都有大慨一個月，機本上我只有在晚上用(如當天沒有化妝不會使用)，早上亦不會用到這個cleanser；說到尾這個product主要是合 -- 缷妝(眼&面)，洗面，爽膚 於一身，如我本身沒化妝也用不著缷妝吧，對嗎!!

我做了一個少少測試，現在來看看它的功效!!

希望大家看到不同的化妝品，使用Eve Lom後的卸妝能力!

好像朱油膏的Cleanser

拿大慨$1銀的份量

記得手要先洗乾淨，抺乾手才可拿出Cleanser

在要卸妝的部位打圓按摩30sec左右；如有做開穴位按摩的美人兒，卸妝時可配合穴位按摩，你就可以卸妝及按摩同時進行!!

開熱水，弄濕muslin cloth，拎乾少少就fu係卸妝位置5sec左右

這個程序要做最少三次!!

一抺；eyeshadow, MJ Jeweling & Maybelline都抺走90%；

餘下頑強既MJ Liquid Eyeliner, MJ Mascara & Kiss Me Mascara

(Sorry，一去就去第三抺；可能老公幫我upload時唔小心delete第二抺!!)

第二抺；其實已經抺走了所有，除了Kiss Me Mascara(抺走50%) -- 很頑強呢~~

第三抺；只抺走了Kiss Me Mascara 90%，還有少許留下!! 所以我建議用Kiss Me Mascara的美人兒*緊記*用Cleanser前先塗上Kiss Me Mascara Remover，不用清洗立即用Eve Lom - Cleanser，就可以做到抺三次面已抺走所有化妝品。

最後再用凍水清洗多幾次就ok了(為作收細毛孔之用)!!

總結：

有blogger話用完有起粒粒反應，有其他話好好用，毛孔收細又少了油脂!! 而我用左一個月左右就覺得同平時用既卸妝油功效差不多。

但Eve Lom有一個特別優勝的地方，就係可以卸面之餘亦可卸眼妝，平時用卸油就唔得啦，一定會"la"眼。我天天用Eyeliner+Mascara，回家只用Eve Lom -- Cleanser卸眼及面，沒有再用其他eye makup remover都可以卸得乾乾淨淨，for懶鬼真係超方便。

有人問，用了cleanser是否不需要再用toner?? 對我而言就覺得是需要的，因為toner有助收細毛孔及保持水油平衡，所以我會建議洗面後做平常做的steps就ok!!

最後解釋一下為何有blogger話用後酒米少左，全因為Eve Lom附上的muslin cloth；這個cloth不要以為是什麼貴價東西，其實只係BB仔常用的紗布!! 因紗布又輕又薄，而且紗布的網紋有助去死皮及黑頭，所以先有呢個說法；so remember is the cloth that do the work, not the cleanser!!

Eve Lom -- Cleanser 唯一令我有懷疑，就係成分入面註明有"Mineral Oil(礦物油)"，但Eve Lom崇尚天然成份既，為何會在cleanser入面有mineral oil呢?? Mineral Oil (又稱石蠟油) = 從原油分蒸餾所得的無色無味混合物，是加工的東西，真的不應該在一位崇高天然成份的產品入面找到。

各位美人兒的肌膚如對礦物油沒有太大的reaction，我想Eve Lom -- Cleanser真的是一個不錯的選擇!! 本人十分喜愛用，我只是不喜愛用貴貴的價格買入有Mineral Oil的卸妝霜!!

Read More

【試用報告】香醇的。Colette 紅酒面膜

等左幾日終於收Colette寄來既面膜，o係公司好心急打開黎睇~~

因為我知佢有兩款面膜：

1) 紅酒

2) 香檳

而我一直期望收到既係「香檳」面膜，因「香檳」面膜既功效及成份比較適合我。

「香檳」☆柔滑☆白皙 (超水嫩鎮靜舒緩面膜)

成份&功效：

香檳 ~ 具極佳的鎮靜舒緩功效，能迅速收細毛孔，修復肌膚整體

維生素A ~ 促進細胞代謝，維持肌膚柔嫩

蘆薈萃取 ~ 舒緩敏感肌膚，並能改善暗啞色素

玻尿酸 ~ 長效給予肌膚水份，達至深層鎖水補濕，有助防止乾紋形成

絲蛋白萃取液 ~ 有效控制黑色素形成，及使肌膚回復彈性

真係好岩我呢，但偏偏我收到的是「紅酒」面膜!

「紅酒多酚」☆美白☆抗氧化 (超水嫩美白抗氧化面膜)

成份&功效：

紅酒多酚~ 具極佳的抗氧化功效，使肌膚恢復緊緻亮白

維他命C磷酸鎂 ~ 能促進細胞代謝與骨膠原生長，有效均勻膚色

維他命E ~ 有助修補日間紫外線對肌膚做成的傷害，回復肌膚柔嫩白皙

綠茶多酚 ~ 含有兒茶索，能幫助肌膚持健康光澤

柔白皮萃取 ~ 由桑椹根部所萃取的天然成分，能改善整體膚色及迅速美白肌膚

入面咁多樣野，好似得一樣適合我的需要；而「紅酒」面膜唯一問題係我每次用有美白成份既野，皮膚都會出痘痘，但因為product黎到都要試，只好做白老鼠啦!

因我本身皮膚已經好白淨，所以今次既test叫埋老公仔一齊試!! 先了解一下我們的皮膚性質；

我：白淨，外油內乾，一年四季都成日出油，T字位特別利害，面孔毛孔較粗大，鼻的毛孔較少。

老公：黑蚊蚊，外乾內乾，好少見到出油，面孔毛孔少但有暗粒，鼻的毛孔較粗。

一打開個蓋就已經聞到好大陣香香的「紅酒」味~~ 好似真係開左支紅酒咁；而且佢既顏色同紅酒沒分別~~

Gel狀既面膜，紅紅地又有少少clear，用手或用掃上都好方便好易推開。清潔好面部，用掃搽一層厚厚的面膜，如果想用作over night面膜就要搽薄少少。因為現在是夏天，使用面膜之前我會先放入雪櫃15分鐘左右，令面膜有少少凍然後才用，咁樣就可以順便收細毛孔。

需然我冇皮膚測試機，但我見好幾位使用過面膜既blogger都話保濕程度都好好。而我自己用完都覺得皮膚變得軟軟嫩嫩的~~而有冇美白功效就睇睇我老公既相先!!

未用面膜!

搽左面膜，老公都讚好香酒味!

做完面膜真連黑蚊蚊既老公都明顯白左!

總結：保濕效果都算幾好，而美白效果都好好，我咁白既皮膚都明顯有少少白左，如果去完游水晒太陽想做返個treatment可用呢款面膜，不過如果係「香檳」面膜我想會便適合。p.s. I really have pimple after using the mask, 美白 really is not my cup of tea.

Colette「香檳」&「紅酒多酚」

容量：75g

原產地：台灣

售價：$138 (7月前購買可以試用價$98購買)

Colette 香港官網 (http://www.colette.com.hk/)

Read More

WEN&YIN。1205【賓客相 + 進場 + 祝酒&切蛋榚篇】

睇返下，原來我有兩個月冇寫過「大日子」既野，真係懶…

因我好想快d分享一下我去honeymoon既旅程，所以要快d寫好「大日子」既野啦!!

換好左迎賓裙出黎同d兄弟姐妹切蛋糕，玩左一陣，d賓客開始愈來愈多~~ 啦啦聲又再進入拍照留諗同埋敬茶，呢方面真係做得好亂。

當我忙住影相時，個Videoman叫哥哥攞支咪周圍搵我/老公既朋友做訪問，最主要係想我有得睇返d朋友對我講既祝福說話。

其實我之後睇返都覺得Videoman既suggestion真係好好~~有時有d野朋友/親人之間可能好少講出口，但對住個video就可以講出口，睇果時我都有少少眼濕濕架~~

8:30左右，我一見時間到就stop晒遲黎又話要影相/敬茶既親友，加上當時我係超"急尿"，所以真係唔理得佢地咁多。但我話走既時候仲聽到d長輩嘈住晒話佢未影相…blablabla；講真果班親友其實老早黎左，但佢地就掛住傾計，要人請先上黎咁既樣，我心諗唔上咪把就囉~~我都唔想攞你果一封半封利是仔。

條氣頂住既我，唔理佢地咁多，落台搵伴娘同我去洗手間~~ 入去果一刻本身都冇人既，但我都怕人聽到我講佢地壞話，所以要訴苦都用英文同個伴娘講!! 但伴娘就係咁叫我唔好講住啦，隔牆有耳呀~~ 但我真係唔想理咁多，照講…點知一出黎就見到我個表姐o係到洗手，哈哈哈~~姐係佢聽到晒啦，so what!! 今日係我大日子，你地d親戚真係令我好苦惱!!

要講既講晒~~ 出返去啦啦聲入房換婚紗!! Is time to do my ENTRANCE~~ 等緊入場既時候，Gary幫我地影返d相先~

我地既花仔花女真又叻又可愛!

晚上再穿上同一條婚紗，已變左另一個style，呢個idea我同IRENE一早有共識架!! 我同佢講我想晚上型少少，整all back頭。跟住佢好快就諗到幫我加lace，開頭我都有少少煩惱邊到買靚既lace，點知IRENE o係final fitting果時同我講，佢咁岩入左d新貨有一個係lace，岩晒~~ 我就係first user啦!!

進場!!

(花仔花女行先、2^nd伴娘伴郎、主伴娘伴郎、跟住就係我地一對新人)

祝酒&切蛋糕，呢個係酒樓準備既假蛋糕，有個唔好既問題就係個cake冇個洞俾我地扮切左cake!! 同埋個cake有少少舊，我覺得佢地花得咁多錢反新裝修成間酒樓，呢d野都應該換埋囉。

聘珍樓既service真係不容置疑，但佢地醒目既程度就真係「-ve」。好似我地祝完酒就要講返幾句說話多謝各方親友等既時候，我已經講到出口話燈光太黑，我都見唔到我想多謝既朋友坐o係邊~~ 講完佢地都係唔醒水，一點點燈光都冇開返俾我。整個場地既燈光，都係靠攝影師既flash light而黎；除左光之外，我係乜都見唔到!! 激氣~~ 所以最後搞到我想講既野都完完全全忘記晒。淨係不斷話，開飯囉~~

(9:00p.m.) 開餐啦~~~ 超肚餓!!

但真係冇諗過，"乳豬一件" – 係我全晚唯一食物!!

Read More

Marriott Vacation Club

唔知大家有冇聽過Marriott Vacation Club呢??

我就真係唔知not until yesterday，我出席左佢地既seminar。其實所謂既seminar最主要都係想sale Marriott旗下既vacation plan!!

講返點解我會得到invitation呢?? 係因為呢排我同老公plan緊9月去Okinawa既時候，我見旅行社有安排入住Marriott Okinawa Resort & Spa，但價錢幾貴架…所以我都係睇下佢個website就算，都冇諗過真係要入住。

但點知上星期日o係沙田買完"食送"攞住一揪二lung既食物時，俾我見到Marriott既counter，又見佢地好似sale緊d hotel package，咪去八掛下囉。行到去counter有個好好笑容既女仔問我地係咪想去旅行，我地話未sure幾時去(緊係唔講咁多野俾佢知啦)只係想知佢地係咪有special offer?? 我地講話想去Okinawa既Marriott，佢話加下有個special offer入住兩晚都只係HK$1,199!!  (姐係一個人就返起都只係HK$300/nite；住5★喎想點?)

OH MY GOD!! 咁抵??

Haaa~~ 緊係冇咁大隻xx隨街跳啦!! 佢話佢只係負責俾個invitation我地，我地係需要attend佢地既seminar先可以有呢個offer。不過佢講detail俾我地聽之前已經問我地係咪over 30同埋我地係咪夫婦/情侶，其實我開頭都覺得有d怪，不過later on我就明白點解會咁問。

OK，我地諗諗下都去得過既…加上佢打住Marriott既旗號應該唔會好似其他衰既Vacation Club咁，落閘放狗既(因我哥哥之前有過呢個experience，係超唔開心既經驗)；所以就book左琴日上去聽下。

講真，未去之前都真係有d驚好似新聞上成日講既騙案咁架，所以去之前都上網做過下research，見好多人去左冇join會藉都冇問題先去。

我地book左8:30果場seminar，需然之前invite我地既女仔叫我地早少少上去食點品同飲野，但我就唔想咁早上…最好係遲到早走，haaa~~不過我地都冇遲到，唔多唔少8:29先上到去。上到去已經見到好多人黎左食緊野，有d人仲要食得唔好waste，一連食幾件cheese cake!!

其實整個過程我都唔覺得佢地好hardsell，佢地都只係介紹公司既background同埋會藉既運作。其實佢地個vacation point係點計既呢?? 我用我仲記得既資料提供一下：

(本來佢話最平既plan)

30,000 points/year

HK$29x,xxx

Management Fee: $6,300/year

(再問之下，仲有再平d既plan)

15,000 points/year

HK$116,xxx

Management Fee: $3,200/year

全部都係要先俾10% deposit，其後既數就可以choose分別用4年黎供or10年黎供。供既費用係以每個「月」供黎計，但佢地個介紹list係寫(eg. HK$2,xxx/4year)，如果一個唔小心會以為係以年黎計。

好再我同hubby都睇過人地既分享，所以一早有共識就係唔會join!!  所以佢地講晒佢地要講既野，我地話加下冇咁既興趣。之後個sales會搵個senior既sales再同我地講多次個價，問我地會唔會考慮個佢地既member，我都係話唔會啦!! 佢地都冇再講d乜，就送左我地走lu!!

走果時個sales哥哥仔都好好禮貌架，所以我都冇乜hard feeling，反而個senior sales態度唔係太好，好大口氣咁! 講真，我唔join唔係因為我冇錢，而係我覺得我冇咁既需要姐!! 就算我真係冇錢，唔表示我將來冇，我身邊既朋友冇!! 如果我想介紹，我大可以叫我老闆join添。

其實話8:30開始，其實搞搞埋埋都要9點左右先開始，聽埋講埋最後11點我地先走!! Anyways，最開心係我地最後係攞左佢既hotel coupon (可以用HK$1,199入住Marriott Okinawa兩晚)同埋City Super $300 coupon。

分享係咁多!! 其實Marriott Vacation Club sale既plan都唔係join唔過既(我聽既時候都有d心動架)，只係會藉真的太貴了。

p.s. 今晚又要再拮「針」啦…緊張ing!!

p.p.s. 呢個weekend會去旅行社confirm酒店&機票，再打埋電話去Marriott book Okinawa既房。

OKINAWA~~~~~ I'M COMING!!!

Read More

燒傷了的六月...

六月…可怕的六月…我好似中了降頭一樣……………………駛左好多好多$$!!

這個六月裡，不斷不斷的「燒」著我有幾下的幾樣美麗的毒物!!

先我俾「微針」燒著了!! 駛左我HKD 3,400買左一set「微針」希望可以改善我的粗大毛孔。事實上我本身想買的是「果酸煥膚」的東東…只是我知道用「果酸煥膚」應該比「微針」效果來得慢而且未必有成效。

之後又唔知點樣俾我見到另一樣毒物…EVE LOM CLEANSER!!

近來EVE LOM係香港俾好多對美容方面有心得既blogger推得好似香港天氣一樣咁「火熱」。事關呢個牌子既cleanser聞說是「世界上最好的cleanser」!! 我本人比較唔想睇太多太多beauty上既文字，所以特意去另一blogger取圖希望對方唔好介意(reference:  甜甜圈的香港生活)

不過聽聞好像有一個更誇張的說法，這個cleanser不只是3合1，而是4合1呢!!

EVE LOM 香港網址 http://www.evelom.com.hk/

我網上睇完很多blogger分享之後不消半個鐘已經「燒」得我不購買不能的地步(但事實上我連試都沒試就已經被「燒」到了…是我太無知嗎??) 算啦! 唔傻都傻左，不過我都有計過下數既；香港買比英國買係貴好多的，本來我想叫身在英國的姑姐幫忙，但又怕麻煩到對方，最後都係俾多少少postage寄回香港吧!!) 今次我訂了兩款，一個係100ml Cleanser，另一個係Starter set (incl.: Rescue Mask 15ml x 1；Hand Cream 15ml x1；cleansing cloth x1；Cleanser 7ml x2) 細細支去traveling超方便!!

買左呢d仲未夠…仲要再買!! 因為做左「微針」之後皮膚勁缺水，之前已經見好多blogger話呢支野幾好用，所以心思思又想買黎試下!!

早排未想買既時候已經見佢做特價，果一刻都有諗過買，但因為未真係做過research所以都係hold back左；今次見皮膚真係好缺水所以又心思思想買返，又怕特價果支俾人買晒喎，見老公星期六要返半朝即刻叫佢一放工記得記得幫我去買。

好彩…買到，老公話得返幾支jar~~ 好啦，講俾大家知我買左幾錢先，成為HKD 99!! 係呀100蚊都唔駛架，係咪超抵呢??  聽講原價都成HKD 210-258架，而之前做特價都要HKD198!!

*對一對盒上既Batch No係咪同支膏既Batch No match，聽聞有d水貨盒面既Batch No俾人用其他sticker cover左架。

藤原紀香 都話對維他命B12亮顏喚膚霜愛不釋手。

美容作家Quennie 親身試用Vitacreme B12 Cream 後大力推薦效果卓越。

Vitacreme B12為主要成份，其粉紅色是原本的顏色，紅色的維他命B12溶解於水中會變成透明粉紅色，對肌膚有優越效果，是今後越來越被關注的維他命。B12亮顏喚膚霜主成份採用水溶性維他命B12，可使臉上在意的皺紋變得緊實有彈性，保持健康的閃耀膚質。網上介紹呢枝cream有乜野功效：

• 減淡及撫平皺紋
• 有效收細毛孔
• 解決皮膚疲倦、乾燥、老化、暗沉
• 增強皮膚彈性，緊緻肌膚
• 預防過早出現的細紋和皺紋
• 改善乾燥，深層滋潤補濕
• 淡化及修復新舊疤痕、粉刺印痕、蟲咬的痕跡
• 鎮靜日曬後肌膚的損傷，爆裂，紅腫和脫皮等問題
• 可用於小兒汗疹(痱子)或尿布疹
• 男士剃鬚後使用有效舒緩刺痛感

Out of the above products, Vitacreme B12已經係最平既一樣…同埋我用左幾日都覺得皮膚好左好多，油出少左，搽cream果一刻好似好油好lup，但過左一陣已經吸收晒仲好爽。btw，聽講話有台灣版喎，不過我未見過。

需然老公話佢唔明點解我咁多野買，不過買野呢方面，其實老公都唔多點理我既，因為我都只係用自己錢去買姐~~ 唯一影響咪係好多屋企野都要佢俾錢買囉!!

我都冇諗過自己可以咁crazy買咁多…不過老公都同我分析過，如果真係平而又岩用的話都應該買既。因為呢個reason，老公幫我買埋最後一樣毒物…就係Loreal Prefect Slim!!


一盒3支都只係$169真係超抵，如果去SxSx買單一支都要$99/pcs.，而3支入面我最愛就係Exfotonic(body scrub)，用完皮膚真係超滑，同埋佢有AHA+(單一水基果酸，多用於果酸換膚、青春痘、等)用左佢我心口d粒粒都少左好多!!

另外兩支係one DAY one NIGHT既gel，因我唔係日晚都用，只係晚上才用~~所以用左幾日都唔係好覺對腳瘦左；不過就覺得晚上用gel按完，第二朝好似好多水要排出黎咁。

Last but not least，我盡最後努力再駛多d錢~~ o係taobao到再買左幾件衫先收手!!

咁多件加埋除返開都只係$3x左右一件，質量就緊係唔會太靚，但本住可以著一季就換同埋dum左都唔肉尺既本意，我都冇乜所謂lu!! 幾十蚊貨仔，想點丫~~

呢個月買左咁多~~ 睇黎7月我要日日食麵包過日子先得啦!!

Read More