2007 ~ 昊♥遊世界

Friday, December 21, 2007

要告假了~~

By Wendy Friday, December 21, 2007 // 1 comment

我由今日起開始放假~~~要下下星期三先返工~~~~

祝大家有個開心快樂滿足美滿既X'mas!!

【美の物】OCTARD歐達兒~Cover Foundation

By Wendy Tuesday, December 18, 2007 // 2 comments

今日dig起心肝,要寫返一頁好耐之前已經plan好要寫既野!

事關有一排好鍾意睇人寫一d美容化妝既心得同介紹,自己就心郁郁想寫埋一份~~

今次就介紹住第一樣野先:

唔好見佢叫做Cover Foundation就以為真係粉底,呢盒野係遮瑕膏黎既!之前已經聽過好多人話佢好好用,加上我一直以黎都未能夠搵到一盒合心水既遮瑕膏,所以就立心一試。

點知呢隻野真係dim,我一向有暗瘡印既問題,以前試過用不同大小牌子(YUMEI, benifit, ettusais, laura mercier)都做唔到我想要既效果;有時唔係太乾就係太白/黑,再唔係就因為遮瑕力不足,上多幾次搞到好層粉!

直到我試用呢OCTARD(又叫歐達兒),其遮瑕力真係冇得彈~~

少少分量已經可以遮得好好,仲要唔會令到暗瘡位置變得乾。我見有網友話佢買兩隻不同顏色深度for黑眼圈同暗瘡印,但我就一於少理, 一盒用晒係眼同面(我買左s51型號)。需然要遮黑眼圈可能遮得冇咁好,但如果眼圈問題不大的話,都可以接受~~

所以呢盒野已經成為左我居家旅行必備妝物!!

Long time no WRITE~~

By Wendy Monday, December 17, 2007 // 1 comment

成個星期冇寫野啦~~~(驚你地以為我死鬼左)

唏,冇計啦!聖誕節就到,自己又要放大假,為有係放假前做好晒d野啦~~

加上我年年都要寫聖誕咭俾加拿大果邊d好朋友,買咭都搞左我好耐~~

買左仲要寫,真係完全唔得閒~~

早兩日有個朋友講開十大勁歌頒獎禮,我就心思思想去睇下,因為諗住可以用少少錢一次過見晒咁多個明星~~計返都有so喎(其實想去咪去囉,搵咁多藉口)!

終於,我都係去左買飛~~

今次係我第一次自己買飛架!!平時都係搭單叫d朋友幫我買埋,所以去到睇位既時候真係諗左好耐~~

你知啦,又要平又要靚,真係冇乜得你揀~~~最後我買左兩張$150既飛,買左之後我先後悔,因為我駛左我用黎買boot既錢

今個聖誕冇禮物lu

溝通

By Wendy Wednesday, December 05, 2007 // No comments

一對情侶要相處得好,最重要係溝通~~如果各有各意見,互不相讓真的很難溝通得到~~

琴晚因為溝通一事而搞到好唔開心~~~

訓覺時仲要發左個好唔開心既夢,我個好朋友離我而去,同我講佢唔想再同我做朋友~~我好hurt好hurt!

今日起床,一直都被昨晚既所有事情而令到心情很down很dwon

~~只想早點回家好好睡一覺。

12月...大出血

By Wendy Monday, December 03, 2007 // 1 comment

話咁快就黎到12月啦~~~又係扮靚駛錢既時候~~~

今年因為多左要儲錢供樓,我資金上真係好手緊~~~所以想駛錢又要駛得值都幾考功夫!

其實今年都冇乜特別野要買,最多係要買多份禮物俾honhon姐~~其他朋友仔,我諗可免就免啦...

大出血清單有:

1) 平底長boot一對(仲一定要係啡色)

2) 電髮+剪髮(講左幾個月都未做到)

3) 買禮物俾男友(選擇:a-皮鞋;b-牛仔褲;c-手提電話)

除左以上3樣野係事必要買之外,我仲要預留d錢去旅行或返大陸玩~~所以都係唔好行太多街,以免出事!!

12月...大出血

By Wendy Monday, December 03, 2007 // 1 comment

話咁快就黎到12月啦~~~又係扮靚駛錢既時候~~~

今年因為多左要儲錢供樓,我資金上真係好手緊~~~所以想駛錢又要駛得值都幾考功夫!

其實今年都冇乜特別野要買,最多係要買多份禮物俾honhon姐~~其他朋友仔,我諗可免就免啦...

大出血清單有:

1) 平底長boot一對(仲一定要係啡色)

2) 電髮+剪髮(講左幾個月都未做到)

3) 買禮物俾男友(選擇:a-皮鞋;b-牛仔褲;c-手提電話)

除左以上3樣野係事必要買之外,我仲要預留d錢去旅行或返大陸玩~~所以都係唔好行太多街,以免出事!!

加分位~~中國國粹

By Wendy Monday, December 03, 2007 // 1 comment

星期六(Dec 1),honhon亞媽請食飯約左去元朗到食~~

其實已經唔係第一次同佢親戚朋友食飯lu~~所以都冇乜野。但最搞笑係佢亞媽果朝問我男友,問佢我識唔識得玩"中國國粹"(-->姐係打麻雀)?識的話就加分,唔識就扣分~~我聽左之後,哈哈……當堂嚇一跳,然後得啖笑(學星爺講既)。講真,我估唔到加下仲有d亞媽會考驗下個仔既女友係咪入得廚房出得廳堂囉~~不過我都明白點解佢亞媽會咁講既,我諗佢都係想唔夠腳打牌時,多個人"登"下腳咁姐~~

不過勁估佢唔到既係,佢同個仔講好啦~~佢食飯時見到我,仲要當我面講返同一番說話

,我只好答佢:「識,但唔叻囉!」

講返果日,我好抆呀~~~個死佬手多多係我屋企離開時,同我lock左大門(平時我地只係lock鐵閘)~~而咁岩我同佢上左269D時亞哥返到屋企,佢仲鬧我好lock大門

真係寃"黃"!!最衰既係,我要即刻落車飛的返去...好彩架車只係去到城門水道。但一來一回,我地兩個去一去元朗駛左成$100,肉都尺埋...果一刻我真想

金沙角大排檔

By Wendy Sunday, November 25, 2007 // 3 comments

上星期貪得意,同honhon兩個去左沙角村食大排檔~~

因為成日聽d人話果到d野好食,而打邊邊同小炒都出名,搞到一向三心兩意既我去到決定唔到食乜好啦~~~

最後諗諗下,兩個人不如都係叫返d小炒試下先(因為怕果到d邊邊唔衛生),最後我地揀左去好多網友都推介既金沙角大排檔開餐。

以下就係我地點左既菜:

好普通既翠瓜炒鮮魷

honhon話要食飯喎,咪叫左個排骨臘腸煲仔飯(本人覺得廟街好食好多)

呢味菜係我見d網友話好好食先叫(墨魚脆脆波),

但可能當晚炸得太燶,我覺得只屬一般

最後我口痕咁叫多左碟墨魚咀,飽到我地死死下

講真丫,唔知係咪我地唔識叫定係叫錯餸~~~叫左四碟野,真係冇一碟令我覺得回味無窮同有種食唔停口既感覺囉!樣樣都係普普通通,如果係咁我覺得我唔駛去到沙角村先食~~

不過有時d野,就係自己唔食過都唔知係咪好似其他人講得咁好~~需然佢d小炒一般,但我諗都會再黎試下佢既邊邊,因為價錢勁吸引~~人頭計只係$58一位,湯底另加$48,係自坐形式既,自己鍾意食乜夾乜!

金沙角大排檔／地址：沙田沙角村熟食中心6號亭／Ｔｅｌ：2647 0902

秋季行山第１彈

By Wendy Thursday, November 22, 2007 // No comments

１１月１１日２００７年

今日去左行山，應該係今年行既第一個／次山～～本來約左８：３０係地鐵站等，但點知有人覺得太早，改９：３０但又要遲到

～～最後搞搞埋埋１０點開始出發啦！！

今次行既係獅子山，由石梨貝水塘出發～～沿住麥理浩徑第六段頭開始出發,向第五段一直咁行!因為各人水平不同,所以都行後比較慢~~但因有幾位成員吸取過上次既教訓,今次有備而戰做好行山準備!!

行到中午一點左右,我地休息左一陣~~加上今次有小狗（亞寶）同行,

大家唔覺唔覺就坐耐左d~~加上今次搵左個熟識行山既人(旦旦個朋友仔)做導遊,沿途見到乜佢都會一一講解(好似有：地堡、機槍陣地、戰壕等）

其實呢排天氣實在太好,係行山最好時機!!最後我地行到去獅子山郊野公園既尾段，去左我地朋友仔既豆腐舖食人豆腐（叫恒益商店，行開山既人都應該會黎過食野，連發哥Sammi都黎過架

）～～食飽晒，大家決定行馬鞍山郊野公園出返沙田～～到到沙田已經六點啦！！個個都攰到隻狗咁～～本身hon hon八點仲有場籃球比賽都推左唔去；講真，佢仲邊到走得郁丫！

因為太耐冇行山之固，打後幾日我雙腳係痛到行都行唔到～～上落樓梯要"吉"下"吉"下～～～

出賣下朋友先（大合照）

１１月１８日２００７年

又係星期日，而今日我唔係去行山～～今次去左打波～～

一個女仔同三個男仔打～～可想而知係得一個字"攰"～～～但好有滿足感！

但唔知係打得激得制～～雙腳又因為行山而岩岩好返，打完波對腳都有少少痛～～所以星期二又再去打，打返鬆佢為止！！

一個星期，就係咁渡過左ｌｕ～～

舊不如新?

By Wendy Tuesday, November 20, 2007 // No comments

上星期日,終於再次見返佢~~講真,未見佢之前,我好多朋友都問我,而加同男朋友好地地,做乜仲要見返佢~~其實我又唔係咁介意見返面,因為我覺得見返佢先知自己係咪真真正正放得低。

需然咁多人反對,但我仍然堅持己見,而我亦都好滿意自己既決定!!

琴日約左一齊打波~~開頭見到佢,都唔敢同佢講d乜(加上俾佢個頭嚇親

),有少少embarrass~~但開始左打波之後,氣紛開始緩和,之後都會傾下計同望下佢~~最後發現我開頭所顧慮既事,其實係多餘既~~~我對佢已經冇乜特別既感覺lu,只係覺得如果佢用加下呢個look去溝女,我覺得唔掂囉!!

唔知係咪分開左先睇到對方好/差既一面,或係因為我唔再鍾意佢所以之前覺得美好既野都變得普通

;我見返佢之後諗,到底以前佢有邊方面吸引到我呢?點解我會鍾意呢個人架~~~

講到尾,我知我可以講~~~「我已經放低左佢,我唔再鍾意佢啦!!」

好朋友來的時候～～～

By Wendy Thursday, November 15, 2007 // No comments

唔知各位女生有冇好似我咁"魚"既經歷呢??

以前細個就話唔識姐,冇諗過到加下我都仲係咁"論盡"。

記得有好幾次我都係朋友面前"出事"

~~其實我都唔明點解係得我會咁,我身邊既朋友仔都未試過咁既!

話說只從我同ex散左之後,身邊出現左好幾個男仔~~而其中一個係髮型師!佢幾靚仔架,我都諗會唔會同佢有機~~有一次,佢就單獨約我去睇戲,果日係"好朋友"黎既第二日,我都知要多d去洗手間check住check住架啦~~~唉,但人算不如天算~~我同佢睇戲時流量開始不段增加...到我地睇完戲,食飯之際....出事啦

(仲要搞到人地張櫈有tat野

...勁唔好意思)

之後我點都要同個男仔講啦,唔係點起身走人呀~~好彩,對方屋企係有女人既,姐係對呢方面既問題都睇諒得到~~佢就好好人咁借左自己件大褸俾我遮住,到我去洗手間清理好先俾返佢! (

但其實已經覺得自己"魚"到爆~~~)

從此以後,我再唔敢約髮型師出街~~

冷戰...(con't)

By Wendy Wednesday, November 14, 2007 // 2 comments

我們冷戰左兩日～～今天，他終於send左個sms～～～冇講點解會唔打俾我，冇講點解會冇sms我，乜都冇講～～只係問我仲係咪去打波．．．我唔知點答佢好！

呢兩日，我覺得很漫長～～好似過左好耐咁～～真係唔鍾意呢種感覺

但我又係咪可以當無事發生一樣，同佢去街同佢打波呢？煩．．．

冷戰中...

By Wendy Tuesday, November 13, 2007 // 3 comments

冇心機寫野～～～

星期六日都同佢嘈，我地進入了第一次冷戰～～唔知幾時會完呢！

冷戰中...

By Wendy Tuesday, November 13, 2007 // 3 comments

冇心機寫野～～～

星期六日都同佢嘈，我地進入了第一次冷戰～～唔知幾時會完呢！

一連兩tag（１）～終於點中我

By Wendy Friday, November 09, 2007 // No comments

被Tag中．．．

被點到名字的請在自己的空間日記裏寫下自己的答案,
然後去掉一個你最不喜歡的問題...
再加上一個你自己的問題,組成8個問題,
傳給其他8個人,列出其他8個需要回答問題的人的名字...
還要到這8個人的空間留言通知對方--->"你被點名了"...
被點名者不得拒絕回答問題喔~!!
這8個人要在自己的空間裏注明是從哪裡接到的,
並且按上述要求傳給其他8個人,
讓遊戲繼續,不得回傳~!!