{Day 7︰Sept 7, 2012 (星期日)}
Hotel Gracery Sapporo ⇨ 場外市場 ⇨ Narita Airport (depart 13:05)
最後一日啦~~
我地買package時可以將酒店拆開兩個不同日子入住,所以琴晚返到Sapporo都係住返第一日入住的酒店。而因為之前已住過亦好like酒店的早餐,所以公公、婆婆、昊昊B都留返酒店食早餐。
而老公因為要去還車,順便同我去多轉場外市場食多一次我最最最愛的"海膽魚子"飯。
真係唔好意思,我唔記得mark底間舖名,沒地址可以提供。
間舖好細間,只係見有日本人去食,我地都係唔打唔撞咁入去食...冇諗過好新鮮好好味,係我呢個行程裡最好食的一餐。
太早食唔落正常size(左邊),我叫咗個細size的海膽魚子丼(右),老公就要正常的海鮮丼(左)
其實都冇乜時間食,我地要11:05去到機場,所以啦啦聲食飽還車返去接埋公公、婆婆、昊昊B check-out去機場...有大有細要預多少少時間嘛。
到咗機場得閒有時間,搵地方坐下又開餐~~ 此圖為昊昊B 九個月大俾人tum食生魚子(婆婆好曳)。
就係咁,昊昊B的首次出國之旅完滿地結束~~
今次旅程令我最難忘係公公搵地方食蟹,佢真係自己一個人走咗去雞同鴨講問人邊間舖好食。而最後俾我地食到頭咁大的King Crab真係回味無窮,多謝公公~~
同埋今次係公公、婆婆第一次跟我地自由行~ 對老人家黎講係大挑戰,喺佢地腦海裡面去旅行一定要跟旅行團,事關人生路不熟,仲要話佢知我地自己揸車...就算係我老公有咁多年揸車經驗公公都係信唔過,超膽心。我買晒機票酒店公公都仲話唔去...俾佢嚇餐死。
點知去完呢個trip之後,公公愛上自由行啦~~
而呢個trip亦成為佢茶餘飯後見到朋友都講的話題,我都好開心爸爸咁滿意今次行程。