【保の物】針唔拮到肉唔知「靚」(一)

睇過我之前既(序)，應該估到我o係呢一篇會介紹一下我買左返黎既產品!!

星期五晚，一放工就啦啦聲返屋企食飯沖涼，睇埋"談情說案"既大結局就開始動工!!

睇下我買左d乜野先~~(大合照先~~)

做MTS微針主要有以下既物品：

1) MTS微針 一枝

我買既係1.0mm，sales話如果想凹凸洞見效最少要用到1.0mm喎~~

我用既係美國出品既Microneedle，有雷射商標架!!

2) 微針用 精華液

呢個牌子唔係Microneedle出既，係另一間都有出微針既公司叫Bio-LAB出既。我揀呢個精華液最主要係因為佢有好多唔同精華液for不同type既skin!

3) eCo2 Gel Mask

日本出既gel mask，

4) 消毒藥水 Unisept - 好多藥房都有得賣，如果唔怕俾多少少錢，可以到Watson's既藥房買都得!

5) 麻醉膏 (怕痛先用)

好多人都買emla既麻醉膏，但我見一支好細既都要差唔多$100，仲要只係得5g...所以我揀左買Mad in England既麻醉膏，呢支野都幾勁搽左15min已經feel到塊面冇晒感覺!!

6) 膠杯 (可用其他器皿代替) - 想衛生d先用佢，如果大家本身有glass既器皿都可以用，唔一定要用膠杯!

做既過程又係點呢??

i) 首先浸下支微針同個brush先，分開兩隻杯，先用Unisept浸25min，再用蒸餾水浸5min.

ii) 浸緊支微針同時係塊面到要轆既地方搽薄薄既麻醉膏，再用保鮮紙cover塊面20-30min.

iii) 當麻醉膏發揮功效後，take off保鮮紙，用綿花濕少少蒸餾水清潔面部，就可以進行轆針過程；一塊面分 4 part：額頭、左邊面、右邊面、鼻 + 下巴，每part做 5min. (記得一邊轆一邊用brush搽d精華液呀!!)

iv) 做好晒之後，你只會見到成塊面好似sun burn咁，紅por por!! 唔駛怕~~ 呢個時候就啦啦聲fu返個 Co2 gel mask!! (勁紅可fu 45min，唔係太勁可以fu 30min)

v) 30-45min後，用tissue clean off左d gel先，再用綿花濕少少蒸餾水清潔面部，之後就用返你平時用開既護膚品做保養就ok啦!!

呢張相係做完後第3日影既，唔知點解d轆過既印仲咁明顯既呢??

=延伸閱讀=

針唔拮到肉唔知「靚」(二) & (三)

針唔拮到肉唔知「靚」(四) & (五)

Read More

【保の物】針唔拮到肉唔知「靚」(序)

可能大家都好奇怪，覺得點解我唔係婚前扮靚而係婚後先黎扮呢?? 其實最主要係因為婚前太多野做，根本冇時間搞好個樣...

我諗大家都開始對一樣野叫「微針」有所認識，其實呢個美容技術一年前已經開始，但基於當時只得美容院有得做同埋上網search，好少女仔有呢方面既分享，所以我都唔夠膽去試。

到左今日，呢個「微針」技術已經普及化而我亦見到好多女仔都有分享，不論係家做定係去美容院做，所以我下定決心~~一試呢支「針」既威力!!

我先黎介紹一下乜野係「微針」呢??

微針療法利用微創方法刺激骨膠原增生，而不會破壞皮膚表皮層，從而喚醒及提升肌膚的再生功能，有助減退皺紋, 淡化色斑、柔滑嫩膚、 收細毛孔、改善皮膚質感、撫平暗瘡凹凸洞、減退妊娠紋、調勻膚色及增加皮膚彈性。

。利用傷口的自然癒合能力，不會令皮膚變硬或引致皮膚細胞的收
。微針可以做出大量佩細管道，令活性成分有效滲入皮膚（只需使用五分鐘，便可造出超200,000個微小孔）

。微針療法副作用極低（產品推出市場四年以來，從沒有關於副作用的個案

。微針療法功效顯著，比市面上其他儀器安全可靠，操作安全簡易

。使用微針治療後護理簡易，可如常進行一般戶外活動，包括曬太陽（注：必須塗上SPF16以上之防曬用品）

。微針的設計遍佈密集，針與針相距只有0.3mm能達到傷口的最佳癒合效果，在市面上沒有任何一款產品可媲美。

而我做「微針」最主要係為左以上highlight左既原因。事關我好細個已經勁生暗瘡，而呢十幾二十年內都冇停過，因為咁而留下好多好多暗瘡洞....加上年紀開始大，毛孔慢慢擴張~~搞到成塊面好醜樣，平時搽左bb cream都見到毛孔好粗大，亦為左呢個問題而令到自己好唔開心。

自從見證到好多美女們用過「微針」後毛孔或凹凸都平伏了不少，就下定決心不惜痛楚都要一試。

美容院做一次「微針」療程要成千蚊，我呢個cheap仔緊係俾唔起啦，就收集好多好多資料後走去買一set家用「微針」，而事實上好多女仔都話屋企做到出去做既out come都一樣，why not give it a try??

星期五晚我開始左我既第一次。

針唔拮到肉唔知「靚」(一)

Read More