呢排個人真係好懶,連結婚既野都唔願理,所以到加下結婚上既野,一d進展都冇!!
話分兩頭,需然我冇搞自己野,但就唔想都要搞我朋友既野~~
點解??因為我好朋友「蟹鉗」9月6日結婚,我不單止會飛過去飲佢果餐,仲會做佢伴娘。而一直以黎「蟹鉗」都對佢既伴娘衫好在意,由搵邊款裙到用乜野顏色,都大大話話斷斷續續傾左成幾個月!!
最後我地都finallize要造以下既裙款~下半身會做"魚尾"裙~~
而後面呢,我考慮緊用邊個款會靚d~~
原本我星期六去左觀塘搵果間造裙鋪頭架啦,點知原來如果唔打定電話去book時間,佢地係唔會開工架~~~搞到我白行一敞!!
唔知佢地做唔做到我想要既款色呢??而價錢放面,希望hk$600有找啦....
最後我book左兩間鋪頭,約左星期二上去~~~希望一切順利!!
之前講過話試衫~~但遲遲都未出到post~~
今日終於"dig起心肝"post一下我係Gokachi(御嫁地)試過既衫啦!!
"jum茶"之選or"敬酒"之選~~
"敬酒"之選~~
"迎賓"之選~~
"jum茶"之選or"迎賓"之選~~
"迎賓"之選~~
大家估下我最後揀左邊條裙??
HonHon大大話話拖左我成半年啦~~
由一開始大家傾結婚問題,到我話佢點都要買隻戒指仔同我求婚,都搞左好耐。但由始至終都未正式咁同我求一次婚,所以呢件事對我一直都緊緊於懷~~
仲記得第一次佢俾隻戒指我,係0係架車到!!佢除除便便咁係車既櫃仔入面攞隻戒指出黎,乜都冇講就同我戴左上手....
咁樣緊係唔算數啦~~~所以我成日"um"住佢,要佢做返一次好好睇睇既。
到第二次,就係上年我生日果日~~正正當日又係中秋節喎,我同honhon&哥哥一pair一齊係公園到玩蠟燭,哥哥見係我生日,就提意同我吹蠟燭過生日。正當係12點我吹完蠟燭果一刻,honhon suppose係要攞隻戒指出黎同我求婚既~~~點知,佢係攞左出黎呀,但又係冇講到最重要果句。
因我講明要係d特別日子求婚最好~~(因為我記性差,唔想記咁多日子)所以我又要等honhon再安排下一次求婚。
當我心諗黎緊12月去台灣玩,一來同好朋友相聚,二來又0係國外count down,好有意義~~honhon應該會把握時機同我求婚啦....
點知,佢本身諗住當count down去到12點~~我地一齊叫"5...4...3...2...1"既時候,佢攞隻戒指出黎,當住我d朋友仔面前求婚會work啦~~~點知佢自卑心發作,見我好朋友既戒指咁大粒,而我既咁細粒,佢唔好意思攞出黎求婚喎!!就係咁~~~又要再等!!
其實只從果次之後,我對佢開始十分之不耐煩~~因為我覺得就算大家係打算結婚都好,點都要做返求婚呢個動作架麻~~唔係就冇晒意義。加上我覺得佢次次都唔成功,好大原因係因為佢冇用心去安排,所以我就嬲上加嬲!
黎緊,係我同佢2nd Anniversary呀~~大家都有共識會係果日做佢一直做唔到既野~~希望今次唔好再失望啦!!
呢幾日,日日都同個好朋友「蟹鉗」傾MSN,搞到冇乜心機寫blog~~
而最冇心機既主要原因係因為9月飛去加拿大果轉既機票錢,同埋「蟹鉗」係12月飛返香港果轉既行程。
故事係咁既~~
首先,我要係9月飛轉去加拿大做「蟹鉗」既伴娘。而9月頭岩岩係好多學生飛返外國讀書既日子,我日日都周圍搵旅行社同埋d朋友幫手,睇下"r"唔"r"到d平價機票~~
但以我所知,9月頭真係未過High Season~~我諗最平都要HK$10,000一個人!!真係太貴啦~~
平來諗住轉多幾程飛機會平d,但其實都有乜分別!!加上我又冇乜假可以攞,搭前搭後我最多只可以攞8-9日假!!所以返加拿大果轉都好緊迫下架~~~如果轉多幾轉機,分分鐘會遲左arrive添。
到我一落機果刻就開始忙,先要去同準新娘「蟹鉗」傾rundown,採排,等~~第二日就要同佢去攞衫,試衫,搞埋d其他野~~第三日就係佢大日子啦!!
算啦,鬼叫我冇假咩~~~仲要留返少少假for「蟹鉗」返香港時同佢去旅遊喎。
===============================================================
傾完去加拿大果轉,又要傾「蟹鉗」返香港呢轉!
佢俾我好既就係佢返香港呢轉可以有平機票,只係HK$6,000左右仲要係直航添!!本來見佢有個咁正既offer,想叫佢個agent幫我手book埋,點知佢agent話唔倒轉book(姐係香港飛加拿大),而加拿大有既promo香港都唔會有!!頂~~~~
機票佢就自己搞dim左,咁佢黎到邊個招呼佢呢~~咪就係我囉!!話晒「蟹鉗」都只係第二次黎香港,真係人生路不熟架~~所以佢既arrival date要夾岩星期六日,我放假去接佢。之後佢就要跟住我出入啦,因為今次佢要做返我既伴娘!!
「蟹鉗」到香港二日左右又會再飛(呢方面又要我幫佢手搞)~~佢會飛去日本for佢既honeymoon!!玩10日左右啦,就返香港同我一齊celebrate佢既生日!!
生日過後兩日就係我大日子啦~~~
而最辛苦應該係大日子之後,因為佢為左我返香港,我點都要同佢去下旅行;而我就同佢一樣好想去轉泰國!!所以大日子之後果日,我地就會出發去泰國(曼谷)4天~~佢未去過泰國,姐係又要我plan啦(一定忙死)!!
行程大慨係咁上下啦~~但聽起上黎,我覺得我會勁多野做,勁多野準備囉~~~
唔好忘記,我仲有新屋要入伙~~~今次真係死緊!! 唉~~一世人得果一個好友,點都要頂埋佢!!
講住咁多先~~繼續搵資料!!
原來我過左都唔知~~~話咁快又過左一個月啦!!
倒數十個月到現在,我做左好少野jar~~
婚紗攝影及禮服 | ||
| 註冊場地/禮堂 | 晚宴 |
婚禮攝影/錄影 | by Gary Mak | |
攝影/錄影師利是 |
|
|
新娘婚紗及晚裝 | Gokachi : Wedding Gown (x1) Evening Gown (x2) | |
裙掛 | 美華 | |
婚紗鞋/裙掛鞋 | 婚紗鞋 – ROSE 裙掛鞋 – 太子街舖 | |
Girdle/束褲/Nu Bra | Nu Bra | |
新郎禮服 | Gokachi – 黑色禮服 (x1) | |
新郎恤衫 | 白色 (x1) | |
新郎皮鞋/波鞋 | 皮鞋 : 白 (ok) 黑 (未有) 波鞋 : 未有 | |
不過有一樣大事係冇諗過既情況下做左!!就係「買樓」~~
好快下個月就交吉,到時我就升格做「業主」啦!!
