以前情人節,我身邊果個(ex&exx...)都會安排一連串既節目同我渡過~~
今年已經係第3年同honhon一齊過情人節,而又適逢當天係星期六,大家都唔駛返工~~我諗住honhon會為我安排一整天浪漫又驚喜的節目,點知....
好失望~~
一) 冇禮物!!
二) 冇花收!!
三) 冇驚喜!!
我覺得,我地拍左拖只係短短時間已經去到咁既地步(好似人地拍左十幾二十年,唔需要慶祝),真係有點兒失望~~
其實我唔需要佢買大大札鮮花,又或者買貴貴既野俾我;我只係想佢會送一d有記念性既俾我,好等我將來記憶力開始減退時可以攞返出黎回憶一下姐~~
就算係少到只係一張card我都會好開心,但點解會係乜都冇呢??
回想返上一年,又姐係我地正式拍拖之後既第一個情人節~~同今次一樣,要好好好努力先可以回想到當日做過d乜,而更加可悲既係,我又係連一份禮物仔都冇收到!!我真係怕,到老左想同返d子子孫孫講返我同honhon既愛情故事,會變得淡如一張白紙~~
我~~真係好唔開心~~而更唔開心既係,今年係我地未結婚前最後一個情人節~~但都俾佢搞到咁!!
好啦,講返佢做到d乜呢??除左冇花冇禮物,其實整天都冇行程~~
開頭佢講過同我去Discovery Bay或姻緣石,但我同佢講我唔想去~~就係咁,佢就諗唔到同我去邊到好,最後只好揀左去會展行婚紗展!!而又因為我想睇既〈The Curious Case of Benjamin Button〉因片長要加錢,所以我suggest左星期六睇早場!
當日一早去左澳海城睇早場,之後就去會展meet up我哥哥~~而就係呢個時候,我見血喇....
其實早幾日已經開始傷風,可能成日sneeze既關係啦,搞到個鼻比較脆弱~~加上俾honhon咁樣激一激,個鼻就開始berber聲流血~~~(咁岩俾我朋友仔FEON見到添,失禮晒)
止左血我就開始行婚紗展,行到8點解就跑住去青衣食晚飯。我諗係青衣食既呢餐飯,係成日最特別同開心既一個環節~~但點知,原來佢book呢間餐廳都係book錯左。原先honhon係想book隔離果間"C'est Bon!",點知book錯左book左呢間叫"La Parole"~~唉,咁都book錯,我仲可以講d乜丫!!不過好彩我之前去泰國已經食過"C'est Bon!",所以book錯左就當試新野啦!!
最後,等我post d當晚既相~~(對我而言,呢間餐廳食物質素只係中上)
當晚餐廳送既古古力~~
鮮花擺設,唔係絲花黎架,係真鮮花,好靚~~
頭盆:香煎法國Rouge頂級鵝肝伴蕉糖青蘋果配蜜桃燒汁 (汁都ok,只係鵝肝唔夠香)
餐冇包既,Pina Colada
餐湯:煙三文魚茴香刁草忌廉湯 (幾好飲~~)
細盆:比利時北海甜蝦烚蛋 + 波菜伴脆麵絲配牛油忌廉汁 (其他野ok,係d蝦太過腥)
白酒青檸雪芭 (清清個口同消濟,GOOD!)
主菜:炭燒美國安格斯肉眼扒配野菌汁 (好彩我叫medium rare喳,佢整到medium)
主菜:香煎鮟鰊魚野菌椰菜包配王薑汁 (魚~太乾;椰菜包&汁~冇薑味又冇菇味;一句講晒"唔好食"!最有心思就係呢兩片心形既蘿蔔)
Dessert:蘋果汁紅酒燴法國啤梨配雲尼拿雪糕 (係成個餐入面我覺得最好食既!)
最後,就係我地二人合照~~
唔好睇我好似好開心~~其實我仲係好唔開心架~~每當我諗到之前佢點同我慶祝「重要日子」,不論係乜野日子,係我腦海裡都係一d唔開心既回憶~~
不其然我會問,點解??點解個男朋友咁唔識做??點解我地最後一個情人節佢唔識安排得好d??點解乜都唔如意事仲要流鼻血??真係"十萬個為什麼"??